సుపర్ణం వైనతేయం చ నాగారిం నాగభీషణమ్ |
జితాన్తకం విషారిం చ అజితం విశ్వరూపిణమ్ || ౧

గరుత్మన్తం ఖగశ్రేష్ఠం తార్క్ష్యం కశ్యపనందనమ్ |
ద్వాదశైతాని నామాని గరుడస్య మహాత్మనః || ౨

యః పఠేత్ ప్రాతరుత్థాయ స్నానే వా శయనేఽపి వా |
విషం నాక్రామతే తస్య న చ హింసంతి హింసకాః || ౩

సంగ్రామే వ్యవహారే చ విజయస్తస్య జాయతే |
బంధనాన్ముక్తిమాప్నోతి యాత్రాయాం సిద్ధిరేవ చ || ౪

ఇతి శ్రీ గరుడ ద్వాదశనామ స్తోత్రమ్ |