యజ్ఞేశాచ్యుత గోవింద మాధవానన్త కేశవ!
కృష్ణ విష్ణో హృషీకేశ తుభ్యం విశ్వాత్మనే నమః!!
నమోఽస్తుతే పురాణాయ హరయే విశ్వమూర్తయే!
సర్గస్థితి వినాశానాం హేతవేఽనన్తశక్తయే!!
నిర్గుణాయ నమస్తుభ్యం నిష్కలాయ నమో నమః!
పురుషాయ నమస్తేఽస్తు విశ్వరూపాయ తే నమః!!
నమస్తే వాసుదేవాయ విష్ణవే విశ్వయోనయే!
ఆదిమధ్యాన్త హీనాయ జ్ఞానగమ్యాయ తే నమః!!
నమస్తే నిర్వికారాయనిష్ప్రపఞ్చాయ తే నమః!
భేదాభేదవిహీనాయ నమోఽస్త్వానన్దరూపిణే!!
నమస్తారాయ శాన్తాయ నమోఽప్రతిహతాత్మనే!
అనన్తమూర్తయేతుభ్యమమూర్తాయ నమో నమః!!
నమస్తే పరమార్థాయ మాయాతీతాయ తే నమః!
నమస్తే పరమేశాయ బ్రహ్మణే పరమాత్మనే!!
నమోఽస్తు తే సుసూక్ష్మాయ మహాదేవాయ తే నమః!
నమః శివాయ శుద్ధాయ నమస్తే పరమేష్ఠినే!!
త్వయైతత్సృష్టమఖిలం త్వమేవ పరమా గతిః!
త్వం పితా సర్వభూతానాం త్వమ్మాతా పురుషోత్తమ!!
త్వమక్షరం పరంధామ చిన్మాత్రం వ్యోమ నిష్కలమ్!
సర్వస్యాధారమవ్యక్తమనన్తం తమసః పరమ్!!
ప్రపశ్యన్తి పరాత్మానం జ్ఞానదీపేన కేవలమ్!
ప్రపద్యే భవతో రూపం తద్విష్ణోః పరమం పదమ్!!
