దేవా ఊచుః |

నమో యజ్ఞవరాహాయ నమస్తే శతబాహవే |

నమస్తే దేవదేవాయ నమస్తే విశ్వరూపిణే || ౧ ||

 

నమః స్థితిస్వరూపాయ సర్వయజ్ఞస్వరూపిణే |

కలాకాష్ఠానిమేషాయ నమస్తే కాలరూపిణే || ౨ ||

 

భూతాత్మనే నమస్తుభ్యం ఋగ్వేదవపుషే తథా |

సురాత్మనే నమస్తుభ్యం సామవేదాయ తే నమః || ౩ ||

 

ఓంకారాయ నమస్తుభ్యం యజుర్వేదస్వరూపిణే |

ఋచఃస్వరూపిణే చైవ చతుర్వేదమయాయ చ || ౪ ||

 

నమస్తే వేదవేదాంగ సాంగోపాంగాయ తే నమః |

గోవిందాయ నమస్తుభ్యమనాదినిధనాయ చ || ౫ ||

 

నమస్తే వేదవిదుషే విశిష్టైకస్వరూపిణే |

శ్రీభూలీలాధిపతయే జగత్పిత్రే నమో నమః || ౬ ||

 

ఇతి శ్రీపద్మపురాణే ఉత్తరఖండే దేవకృత వరాహస్తుతిః |