అస్య శ్రీబుధకవచస్తోత్రమహామంత్రస్య కాత్యాయన ఋషిః అనుష్టుప్ ఛందః బుధో దేవతా యం బీజమ్ క్లీం శక్తిః ఊం కీలకమ్ మమ బుధగ్రహప్రసాదసిద్ధ్యర్థే జపే వినియోగః |

 

కరన్యాసః ||

బాం అఙ్గుష్ఠాభ్యాం నమః |

బీం తర్జనీభ్యాం నమః |

బూం మధ్యమాభ్యాం నమః |

బైం అనామికాభ్యాం నమః |

బౌం కనిష్ఠికాభ్యాం నమః |

బః కరతలకరపృష్ఠాభ్యాం నమః ||

 

అంగన్యాసః ||

బాం హృదయాయ నమః |

బీం శిరసే స్వాహా |

బూం శిఖాయై వషట్ |

బైం కవచాయ హుం |

బౌం నేత్రత్రయాయ వౌషట్ |

బః అస్త్రాయ ఫట్ |

భూర్భువస్సువరోమితి దిగ్బంధః ||

 

ధ్యానమ్ –

బుధః పుస్తకహస్తశ్చ కుంకుమస్య సమద్యుతిః |

బుధం జ్ఞానమయం సర్వం కుంకుమాభం చతుర్భుజమ్ |

ఖడ్గశూలగదాపాణిం వరదాంకితముద్రితమ్ |

పీతాంబరధరం దేవం పీతమాల్యానులేపనమ్ ||

 

వజ్రాద్యాభరణం చైవ కిరీట మకుటోజ్జ్వలమ్ |

శ్వేతాశ్వరథమారూఢం మేరుం చైవ ప్రదక్షిణమ్ ||

 

కవచమ్-

బుధః పాతు శిరోదేశం సౌమ్యః పాతు చ ఫాలకమ్ |

నేత్రే జ్ఞానమయః పాతు శ్రుతీ పాతు విధూద్భవః || ౧ ||

 

ఘ్రాణం గంధధరః పాతు భుజౌ పుస్తకభూషితః |

మధ్యం పాతు సురారాధ్యః పాతు నాభిం ఖగేశ్వరః || ౨ ||

 

కటిం కాలాత్మజః పాతు ఊరూ పాతు సురేశ్వరః |

జానునీ రోహిణీసూనుః పాతు జంఘే ఫలప్రదః || ౩ ||

 

పాదౌ బాణాసనః పాతు పాతు సౌమ్యోఽఖిలం వపుః |

ఏషోఽపి కవచః పుణ్యః సర్వోపద్రవశాంతిదః || ౪ ||

 

సర్వరోగప్రశమనః సర్వదుఃఖనివారకః |

ఆయురారోగ్యశుభదః పుత్రపౌత్రప్రవర్ధనః || ౫ ||

 

యః పఠేత్కవచం దివ్యం శృణుయాద్వా సమాహితః |

సర్వాన్కామానవాప్నోతి దీర్ఘమాయుశ్చ విందతిః || ౬ ||

 

ఇతి శ్రీబ్రహ్మవైవర్తపురాణే బుధకవచం |