ధ్యానమ్ |

శ్రీమన్మాతరమంబికాం విధిమనోజాతాం సదాభీష్టదాం

స్కందేష్టాం చ జగత్ప్రసూం విజయదాం సత్పుత్ర సౌభాగ్యదామ్ |

సద్రత్నాభరణాన్వితాం సకరుణాం శుభ్రాం శుభాం సుప్రభాం

షష్ఠాంశాం ప్రకృతేః పరం భగవతీం శ్రీదేవసేనాం భజే || ౧ ||

షష్ఠాంశాం ప్రకృతేః శుద్ధాం సుప్రతిష్ఠాం చ సువ్రతాం

సుపుత్రదాం చ శుభదాం దయారూపాం జగత్ప్రసూమ్ |

శ్వేతచంపకవర్ణాభాం రక్తభూషణభూషితాం

పవిత్రరూపాం పరమం దేవసేనా పరాం భజే || ౨ ||

స్తోత్రమ్ |

నమో దేవ్యై మహాదేవ్యై సిద్ధ్యై శాంత్యై నమో నమః |

శుభాయై దేవసేనాయై షష్ఠీదేవ్యై నమో నమః || ౧ ||

వరదాయై పుత్రదాయై ధనదాయై నమో నమః |

సుఖదాయై మోక్షదాయై షష్ఠీదేవ్యై నమో నమః || ౨ ||

సృష్ట్యై షష్ఠాంశరూపాయై సిద్ధాయై చ నమో నమః |

మాయాయై సిద్ధయోగిన్యై షష్ఠీదేవ్యై నమో నమః || ౩ ||

సారాయై శారదాయై చ పరాదేవ్యై నమో నమః |

బాలాధిష్టాతృదేవ్యై చ షష్ఠీదేవ్యై నమో నమః || ౪ ||

కళ్యాణదాయై కళ్యాణ్యై ఫలదాయై చ కర్మణామ్ |

ప్రత్యక్షాయై సర్వభక్తానాం షష్ఠీదేవ్యై నమో నమః || ౫ ||

పూజ్యాయై స్కందకాంతాయై సర్వేషాం సర్వకర్మసు |

దేవరక్షణకారిణ్యై షష్ఠీదేవ్యై నమో నమః || ౬ ||

శుద్ధసత్త్వస్వరూపాయై వందితాయై నృణాం సదా |

హింసాక్రోధవర్జితాయై షష్ఠీదేవ్యై నమో నమః || ౭ ||

ధనం దేహి ప్రియాం దేహి పుత్రం దేహి సురేశ్వరి |

మానం దేహి జయం దేహి ద్విషో జహి మహేశ్వరి || ౮ ||

ధర్మం దేహి యశో దేహి షష్ఠీదేవీ నమో నమః |

దేహి భూమిం ప్రజాం దేహి విద్యాం దేహి సుపూజితే |

కళ్యాణం చ జయం దేహి షష్ఠీదేవ్యై నమో నమః || ౯ ||

ఫలశృతి |

ఇతి దేవీం చ సంస్తుత్య లభేత్పుత్రం ప్రియవ్రతమ్ |

యశశ్వినం చ రాజేంద్రం షష్ఠీదేవి ప్రసాదతః || ౧౦ ||

షష్ఠీస్తోత్రమిదం బ్రహ్మాన్ యః శృణోతి తు వత్సరమ్ |

అపుత్రో లభతే పుత్రం వరం సుచిర జీవనమ్ || ౧౧ ||

వర్షమేకం చ యా భక్త్యా సంస్తుత్యేదం శృణోతి చ |

సర్వపాపాద్వినిర్ముక్తా మహావంధ్యా ప్రసూయతే || ౧౨ ||

వీరం పుత్రం చ గుణినం విద్యావంతం యశస్వినమ్ |

సుచిరాయుష్యవంతం చ సూతే దేవి ప్రసాదతః || ౧౩ ||

కాకవంధ్యా చ యా నారీ మృతవత్సా చ యా భవేత్ |

వర్షం శృత్వా లభేత్పుత్రం షష్ఠీదేవి ప్రసాదతః || ౧౪ ||

రోగయుక్తే చ బాలే చ పితామాతా శృణోతి చేత్ |

మాసేన ముచ్యతే రోగాన్ షష్ఠీదేవి ప్రసాదతః || ౧౫ ||

జయ దేవి జగన్మాతః జగదానందకారిణి |

ప్రసీద మమ కళ్యాణి నమస్తే షష్ఠీదేవతే || ౧౬ ||

ఇతి శ్రీ షష్ఠీదేవి స్తోత్రమ్ |