శ్రీ కాళికా స్తోత్రాలు
శ్రీ భద్రకాళ్యష్టకం – 1
ఘోరే సంసారవహ్నౌ ప్రళయముపగతే యా హి కృత్వా శ్మశానే
నృత్యత్యన్యూనశక్తిర్జగదిదమఖిలం ముండమాలాభిరామా |
భిద్యద్బ్రహ్మాండభాండం పటుతరనినదైరట్టహాసైరుదారైః
సాస్మాకం వైరివర్గం శమయతు తరసా భద్రదా భద్రకాళీ || ౧ ||
మగ్నే లోకేఽంబురాశౌ నలినభవనుతా విష్ణునా కారయిత్వా
చక్రోత్కృత్తోరుకంఠం మధుమపి భయదం కైటభం చాతిభీమమ్ |
పద్మోత్పత్తేః ప్రభూతం భయముత రిపుతోయాహరత్సానుకంపా
సాస్మాకం వైరివర్గం శమయతు తరసా భద్రదా భద్రకాళీ || ౨ ||
విశ్వత్రాణం విధాతుం మహిషమథ రాణే యాఽసురం భీమరూపం
శూలేనాహత్య వక్షస్యమరపతినుతా పాతయంతీ చ భూమౌ |
తస్యాసృగ్వాహినీభిర్జలనిధిమఖిలం శోణితాభం చ చక్రే
సాస్మాకం వైరివర్గం శమయతు తరసా భద్రదా భద్రకాళీ || ౩ ||
యా దేవీ చండముండౌ త్రిభువననళినీవారణౌ దేవశత్రూ
దృష్ట్వా యుద్ధోత్సవే తౌ ద్రుతతరమభియాతాసినా కృత్తకంఠౌ |
కృత్వా తద్రక్తపానోద్భవమదముదితా సాట్టహాసాతిభీమా
సాస్మాకం వైరివర్గం శమయతు తరసా భద్రదా భద్రకాళీ || ౪ ||
సద్యస్తం రక్తబీజం సమరభువి నతా ఘోరరూపానసంఖ్యాన్
రాక్తోద్భూతైరసంఖ్యైర్గజతురగరథైః సార్థమన్యాంశ్చ దైత్యాన్ |
వక్త్రే నిక్షిప్య దృష్ట్వా గురుతరదశనైరాపపౌ శోణితౌఘం
సాస్మాకం వైరివర్గం శమయతు తరసా భద్రదా భద్రకాళీ || ౫ ||
స్థానాద్భ్రష్టైశ్చ దేవైస్తుహినగిరితటే సంగతైః సంస్తుతా యా
సంఖ్యాహీనైః సమేతం త్రిదశరిపుగణైః స్యందనేభాశ్వయుక్తైః |
యుద్ధే శుంభం నిశుంభం త్రిభువనవిid నాశయంతీ చ జఘ్నే
సాస్మాకం వైరివర్గం శమయతు తరసా భద్రదా భద్రకాళీ || ౬ ||
శంభోర్నేత్రానలే యా జననమపి జగత్త్రాణహేతోరయాసీత్
భూయస్తీక్ష్ణాతిధారావిదలితదనుజా దారుకం చాపి హత్వా |
తస్యాసృక్పానతుష్టా ముహురపి కృతవత్యట్టహాసం కఠోరం
సాస్మాకం వైరివర్గం శమయతు తరసా భద్రదా భద్రకాళీ || ౭ ||
యా దేవీ కాలరాత్రీ తుహినగిరసుతా లోకమాతా ధరిత్రీ
వాణీ నిద్రా చ మాయా మనసిజదయితా ఘోరరూపాతిసౌమ్యా |
చాముండా ఖడ్గహస్తా రిపుహననపరా శోణితాస్వాదకామా
సా హన్యాద్విశ్వవంద్యా మమ రిపునివహా భద్రదా భద్రకాళీ || ౮ ||
భద్రకాళ్యష్టకం జప్యం శత్రుసంక్షయకాంక్షిణా |
స్వర్గాపవర్గదం పుణ్యం దుష్టగ్రహనివారణమ్ || ౯ ||
ఇతి శ్రీభద్రకాళ్యష్టకమ్ |
+91 9849485645
మీరు మార్గదర్శకత్వం కోరినా, విచారణలు చేసినా లేదా మీ అనుభవాలను పంచుకోవాలనుకున్నా, మీ ఆధ్యాత్మిక ప్రయాణంలో మీకు సహాయం చేయడానికి మా అంకితభావంతో కూడిన బృందం ఇక్కడ ఉంది.
సంప్రదించండి
ఉపయోగకరమైన లింక్
డౌన్లోడ్
మా మొబైల్ యాప్ను డౌన్లోడ్ చేయండి
