బంధూకద్యుతిమిందుబింబవదనాం బృందారకైర్వందితాం

మందారాది సమర్చితాం మధుమతీం మందస్మితాం సుందరీమ్ |

బంధచ్ఛేదనకారిణీం త్రినయనాం భోగాపవర్గప్రదాం

వందేఽహం కమలాంబికామనుదినం వాంఛానుకూలాం శివామ్ || ౧ ||

 

శ్రీకామేశ్వరపీఠమధ్యనిలయాం శ్రీరాజరాజేశ్వరీం

శ్రీవాణీపరిసేవితాంఘ్రియుగళాం శ్రీమత్కృపాసాగరామ్ |

శోకాపద్భయమోచినీం సుకవితానందైకసందాయినీం

వందేఽహం కమలాంబికామనుదినం వాంఛానుకూలాం శివామ్ || ౨ ||

 

మాయా మోహవినాశినీం మునిగణైరారాధితాం తన్మయీం

శ్రేయఃసంచయదాయినీం గుణమయీం వాయ్వాది భూతాం సతామ్ |

ప్రాతఃకాలసమానశోభమకుటాం సామాది వేదైస్తుతాం

వందేఽహం కమలాంబికామనుదినం వాంఛానుకూలాం శివామ్ || ౩ ||

 

బాలాం భక్తజనౌఘచిత్తనిలయాం బాలేందుచూడాంబరాం

సాలోక్యాది చతుర్విధార్థఫలదాం నీలోత్పలాక్షీమజామ్ |

కాలారిప్రియనాయికాం కలిమలప్రధ్వంసినీం కౌలినీం

వందేఽహం కమలాంబికామనుదినం వాంఛానుకూలాం శివామ్ || ౪ ||

 

ఆనందామృతసింధుమధ్యనిలయామజ్ఞానమూలాపహాం

జ్ఞానానందవివర్ధినీం విజయదాం మీనేక్షణాం మోహినీమ్ |

జ్ఞానానందపరాం గణేశజననీం గంధర్వసంపూజితాం

వందేఽహం కమలాంబికామనుదినం వాంఛానుకూలాం శివామ్ || ౫ ||

 

షట్చక్రోపరి నాదబిందునిలయాం సర్వేశ్వరీం సర్వగాం

షట్శాస్త్రాగమవేదవేదితగుణాం షట్కోణసంవాసినీమ్ |

షట్కాలేన సమర్చితాత్మవిభవాం షడ్వర్గసంఛేదినీం

వందేఽహం కమలాంబికామనుదినం వాంఛానుకూలాం శివామ్ || ౬ ||

 

యోగానందకరీం జగత్సుఖకరీం యోగీంద్రచిత్తాలయాం

ఏకామీశసుఖప్రదాం ద్విజనుతామేకాంతసంచారిణీమ్ |

వాగీశాం విధివిష్ణుశంభువరదాం విశ్వేశ్వరీం వైణికీం

వందేఽహం కమలాంబికామనుదినం వాంఛానుకూలాం శివామ్ || ౭ ||

 

బోధానందమయీం బుధైరభినుతాం మోదప్రదామంబికాం

శ్రీమద్వేదపురీశదాసవినుతాం హ్రీంకారసంధాలయామ్ |

భేదాభేదవివర్జితాం బహువిధాం వేదాంతచూడామణిం

వందేఽహం కమలాంబికామనుదినం వాంఛానుకూలాం శివామ్ || ౮ ||

 

ఇత్థం శ్రీకమలాంబికాప్రియకరం స్తోత్రం పఠేద్యః సదా

పుత్రశ్రీప్రదమష్టసిద్ధిఫలదం చింతావినాశాస్పదమ్ |

ఏతి బ్రహ్మid నిజం నిరుపమం నిష్కల్మషం నిష్కలం

యోగీంద్రైరపి దుర్లభం పునరయం చింతావినాశం పరమ్ || ౯ ||

 

ఇతి శ్రీ కమలాంబికా స్తోత్రమ్ |