పూర్వోక్త ఏవం గుణవిశేషణ విశిష్టాయాం శుభ తిథౌ, మమ శరీరే వర్తమాన వర్తిష్యమాన వాత పిత్త కఫోద్భవ నానా కారణ జనిత జ్వర క్షయ పాండు కుష్ఠ శూలాఽతిసార ధాతుక్షయ వ్రణ మేహ భగందరాది సమస్త రోగ నివారణార్థం, భ్రూణ హత్య, బ్రహ్మ హత్యాది సమస్త పాప నివృత్త్యర్థం, క్షిప్రమేవ శరీరారోగ్య సిద్ధ్యర్థం, హరిహరబ్రహ్మాత్మకస్య, మిత్రాది ద్వాదశనామాధిపస్య, అరుణాది ద్వాదశ మాసాధిపస్య, ద్వాదశావరణ సహితస్య, త్రయీమూర్తేర్భగవతః శ్రీ ఛాయా ఉషా సమేత శ్రీ సూర్యనారాయణ స్వామి పరబ్రహ్మణః ప్రసాద సిద్ధ్యర్థం, శ్రీ సూర్యనారాయణ స్వామి దేవతాం ఉద్దిశ్య, సంభవద్భిః ద్రవ్యైః, సంభవిత నియమేన, సంభవిత ప్రకారేణ యావచ్ఛక్తి ధ్యాన ఆవాహనాది షోడశోపచార పూజాం కరిష్యే ||
ధ్యానం – ధ్యేయస్సదా సవితృమండలమధ్యవర్తీ నారాయణస్సరసిజాసన సన్నివిష్టః |
కేయూరవాన్ మకరకుండలవాన్ కిరీటీ హారీ హిరణ్మయవపుః ధృతశంఖచక్రః ||
పద్మాసనః పద్మకరః పద్మగర్భసమద్యుతిః సప్తాశ్వరథ సంస్థశ్చ ద్విభుజఃస్యాత్సదా రవిః ||
శ్రీ ఛాయా ఉషా సమేత శ్రీ సూర్యనారాయణ స్వామినే నమః ధ్యాయామి |
ఆవాహనం – ఓం పత్రైర్ద్వాదశభిర్యుతే సువిమలే కంఠాంత వర్ణోజ్జ్వలే హృత్పద్మే కనకప్రభేఽనిశ మహం శ్రీపద్మినీ వల్లభం |
ఛాయోషా సహితం ప్రభాకరమముం ఆవాహయామ్యాదరాత్ ధ్యాత్వాఽజ్ఞాన తమోఽపహం దినకరం శ్రీసూర్యనారాయణం ||
శ్రీ ఛాయా ఉషా సమేత శ్రీ సూర్యనారాయణ స్వామినే నమః ఆవాహయామి |
ఆసనం – ఓం శ్రీమద్రత్నమయూఖజాల వితతం హైమం సుపీఠం విభో భక్త్యాహం మనసాఽర్పయామి తరణే సంస్థాపయాంఘ్రిద్వయం |
హైరణ్యాసనమారురుహ్య సతతం సంరక్షలోకానిమాన్ అజ్ఞానాంధ విభావసో దినమణే శ్రీసూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః నవరత్నఖచిత సువర్ణ సింహాసనం సమర్పయామి ||
ఓం పాద్యం హృద్యమమోఘపుణ్యఫలదం భక్త్యా మయా కల్పితం కర్పూరాగురు చందనాది సహితం క్షేమంకరం స్వీకురు |
త్వత్పాదాంబురుహోద్భవామృతమిదం గృహ్ణామి స్వర్గప్రదం అజ్ఞానాంధ తమిస్రహన్ దినమణే శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః పాదయో పాద్యం సమర్పయామి |
అర్ఘ్యం – ఓం భో స్వామిన్ కృపయా మయార్పితమిదంత్వర్ఘ్యం సుపుష్పాన్వితం దూర్వాగంధకుశాదిభిర్యుత మహో స్వీకుర్వితి ప్రార్థయే |
సద్భక్తాఘనివారకం భవహరం సాయుజ్య ముక్తిప్రదం- త్వజ్ఞానాంధ తమోఽపహం హృది భజే శ్రీ సూర్యనారాయణం ||
ఓం శ్రీ ఉషాపద్మినీఛాయా సమేత శ్రీ సూర్యనారాయణ స్వామినే నమః హస్తయోః అర్ఘ్యం సమర్పయామి |
ఓం శ్రీజాతీఫలగంధ సంయుతమిదం మాణిక్యపాత్రేస్థితం జాతీ చంపక మల్లికాది కుసుమైః సంవాసితం చాఽమృతం |
స్వచ్ఛం చ చమనార్థమర్పితమిదం దివ్యం గృహాణేతి త్వాం అజ్ఞానాంధ తమోఽపహం హృది భజే శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః ముఖే ఆచమనీయం సమర్పయామి |
మధుపర్కం – ఓం మధ్వాజ్యేన సమన్వితం చ దధినా సద్రత్నపాత్రే స్థితం భక్త్యా తే మధుపర్కమర్పితమిదం హస్తే తవ స్వీకురు |
శ్రీమద్భక్త జనావన వ్రత హరే శ్రీ భాస్కరేత్యన్వహం అజ్ఞానాంధ తమోఽపహం హృది భజే శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః మధుపర్కం సమర్పయామి |
పంచామృత స్నానం – ఓం గోక్షీరేణ సమర్పయామి దధినా క్షౌద్రేణ గో సర్పిషా స్నానం శర్కరయా తవాహ మధునా శ్రీ నారికేళోదకైః |
స్వచ్ఛైశ్చేక్షురసైశ్చ కల్పితమిదం తత్త్వం గృహాణార్క భో అజ్ఞానాంధ తమిస్రహన్ హృది భజే శ్రీ సూర్యనారాయణం ||
ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ |
భవా॒ వాజ॑స్య సంగ॒థే ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః క్షీరేణ స్నపయామి |
ద॒ధి॒క్రావ్ణో॑అకారిషం జి॒ష్ణోరశ్వ॑స్య వా॒జిన॑: |
సు॒ర॒భి నో॒ ముఖా॑ కర॒త్ప్రాణ॒ ఆయూగ్॑oషి తారిషత్ ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః దధ్నా స్నపయామి |
శు॒క్రమ॑సి॒ జ్యోతి॑రసి॒ తేజో॑సి దే॒వోవ॑స్సవి॒తోత్పు॑నా॒తు అచ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభి॑: |
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః ఆజ్యేన స్నపయామి |
మధు॒వాతా॑ ఋతాయ॒తే మధు॑క్షరన్తి॒ సింధ॑వః |
మాధ్వీ”ర్నః స॒న్త్వౌష॑ధీః |
మధు॒నక్త॑ము॒తోష॑సి॒ మధు॑మ॒త్ పార్థి॑వ॒గ్॒oరజ॑: |
మధు॒ద్యౌర॑స్తు నః పి॒తా |
మధు॑మాన్నో॒ వన॒స్పతి॒ర్మధు॑మాగ్‍ం అస్తు॒ సూర్య॑: |
మాధ్వీ॒ర్గావో॑ భవంతు నః |
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః మధునా స్నపయామి |
స్వా॒దుః ప॑వస్వ ది॒వ్యాయ॒ జన్మ॑నే |
స్వా॒దురింద్రా”య సు॒హవీ”తు నామ్నే |
స్వా॒దుర్మి॒త్రాయ॒ వరు॑ణాయ వా॒యవే॒ |
బృహ॒స్పత॑యే॒ మధు॑మా॒o అదా”భ్యః |
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః శర్కరేణ స్నపయామి |
యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీ॑: |
బృహ॒స్పతి॑ ప్రసూతా॒స్తానో॑ మున్చ॒న్త్వగ్‍ం హ॑సః ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః ఫలోదకేన స్నపయామి |
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః పంచామృత స్నానం సమర్పయామి.
శుద్ధోదక స్నానం – ఓం గంగా సింధు సరస్వతీ సు యమునా గోదావరీ నర్మదా తోయై స్స్వచ్ఛతరైః సుపుష్ప సహితైః కస్తూరికాద్యన్వితైః |
భక్త్యాఽహం స్నపయామి తేఽంగమతులం శ్రీభాస్కరేత్యన్వహం అజ్ఞానంధ తమోఽపహం హృది భజే శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః శుద్ధోదక స్నానం సమర్పయామి |
స్నానానంతరం శుద్ధ ఆచమనీయం సమర్పయామి |
వస్త్రం – ఓం భక్త్యా తే మనసార్పయామి తరణే సుక్షౌమ వస్త్రద్వయం దివ్యాంగం పరిధాయ మామవ విభో దేవాధిసేనార్చిత |
దుష్పుత్రం తు యథా పితా కరుణయా రక్షేత్తథామాం రవే అజ్ఞానాంధ విముక్తమాశు కురు భో శ్రీ సూర్యనారాయణం ||
ఓం శ్రీ ఛాయా ఉషా శ్రీ సూర్యనారాయణ స్వామినే నమః వస్త్రయుగ్మం సమర్పయామి |

యజ్ఞోపవీతం – |ఓం సౌవర్ణం మనసార్పయామి తరణే యజ్ఞోపవీతం శుభం భక్త్యా కల్పితమాదిదేవ కలుషం మత్కర్మ బంధం హరే |
ఆదిత్యం పరమేశ్వరం భవహరం కారుణ్య పూర్ణేక్షణం అజ్ఞానాంధ తమో హరం హృది భజే శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః యజ్ఞోపవీతం సమర్పయామి |
గంధం – |ఓం కస్తూరీ ఘనసార కుంకుమ జటా గోరోచనాద్యన్వితం దివ్యం చాగురు దేవదారు సహితం శ్రీ చందనం తే విభో |
భక్త్యాఽహం సువిలేపయామి మనసా సర్వాంగమిత్యాదరాత్ అజ్ఞానాంధ తమో హరేతి ప్రజపన్ శ్రీ సూర్యనారాయణం ||
ఓం శ్రీ ఛాయా ఉషా శ్రీ సూర్యనారాయణ స్వామినే నమః దివ్య శ్రీ చందనం సమర్పయామి |
ఆభరణం – ఓం దివ్యం రత్నకిరీట కుండల యుగం గ్రైవేయ హారావళిం హైమం తేఽంగద యుగ్మమంబుజపతే హస్తార్పితే కంకణే |
సౌవర్ణం కటిసూత్రమర్పితమిదం మంజీర యుగ్మం ప్రభో స్వీకుర్వాదర మేదురేణ మనసా శ్రీసూర్యనారాయణ ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః సర్వాభరణాని సమర్పయామి |
పుష్పాణి – ఓం జాతీ చంపక మల్లికా కురవకైర్మందార నీలోత్పలైః పున్నాగైర్వకుళైరశోక కుసుమైః సౌవర్ణ పద్మైః శుభైః |
చామంత్యాది సుమైశ్చ పూజితమిదం భక్త్యా తవాంఘ్రి ద్వయం అజ్ఞానాంధ తమోఽపహం భవహరం శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః నానావిధ పరిమళ పత్ర పుష్పాణి సమర్పయామి |
అంగపూజా – ఓం మార్తాండాయ నమః – పాదౌ పూజయామి |
ఓం భానవే నమః – గుల్ఫౌ పూజయామి |
ఓం ఆదిత్యాయ నమః – జానునీ పూజయామి |
ఓం హంసాయ నమః – ఊరూ పూజయామి |
ఓం దివాకరాయ నమః – నాభిం పూజయామి |
ఓం తపనాయ నమః – హృదయం పూజయామి |
ఓం భాస్కరాయ నమః – కంఠం పూజయామి |
ఓం జగచ్చక్షుషే నమః – నేత్రే పూజయామి |
ఓం అర్కాయ నమః – లలాటం పూజయామి |
ఓం సర్వాత్మనే నమః – శిరః పూజయామి |
ఓం జగన్నాథాయ నమః – సర్వాణ్యంగాని పూజయామి |
ద్వాదశ నామపూజా- ఓం మిత్రాయ నమః |
ఓం రవయే నమః |
ఓం సూర్యాయ నమః |
ఓం భానవే నమః |
ఓం ఖగాయ నమః |
ఓం పూష్ణే నమః |
ఓం హిరణ్యగర్భాయ నమః |
ఓం మరీచయే నమః |
ఓం విష్ణవే నమః |
ఓం సవిత్రే నమః |
ఓం అర్కాయ నమః |
ఓం భాస్కరాయ నమః |
ఓం అరుణాయ నమః |
ఓం శరణ్యాయ నమః |
ఓం కరుణారససింధవే నమః |
ఓం అసమానబలాయ నమః |
ఓం ఆర్తరక్షకాయ నమః |
ఓం ఆదిత్యాయ నమః |
ఓం ఆదిభూతాయ నమః |
ఓం అఖిలాగమవేదినే నమః |
ఓం అచ్యుతాయ నమః |
౯
ఓం అఖిలజ్ఞాయ నమః |
ఓం అనంతాయ నమః |
ఓం ఇనాయ నమః |
ఓం విశ్వరూపాయ నమః |
ఓం ఇజ్యాయ నమః |
ఓం ఇంద్రాయ నమః |
ఓం భానవే నమః |
ఓం ఇందిరామందిరాప్తాయ నమః |
ఓం వందనీయాయ నమః |
౧౮
ఓం ఈశాయ నమః |
ఓం సుప్రసన్నాయ నమః |
ఓం సుశీలాయ నమః |
ఓం సువర్చసే నమః |
ఓం వసుప్రదాయ నమః |
ఓం వసవే నమః |
ఓం వాసుదేవాయ నమః |
ఓం ఉజ్జ్వలాయ నమః |
ఓం ఉగ్రరూపాయ నమః |
౨౭
ఓం ఊర్ధ్వగాయ నమః |
ఓం వివస్వతే నమః |
ఓం ఉద్యత్కిరణజాలాయ నమః |
ఓం హృషీకేశాయ నమః |
ఓం ఊర్జస్వలాయ నమః |
ఓం వీరాయ నమః |
ఓం నిర్జరాయ నమః |
ఓం జయాయ నమః |
ఓం ఊరుద్వయాభావరూపయుక్తసారథయే నమః |
౩౬
ఓం ఋషివంద్యాయ నమః |
ఓం రుగ్ఘంత్రే నమః |
ఓం ఋక్షచక్రచరాయ నమః |
ఓం ఋజుస్వభావచిత్తాయ నమః |
ఓం నిత్యస్తుత్యాయ నమః |
ఓం ౠకారమాతృకావర్ణరూపాయ నమః |
ఓం ఉజ్జ్వలతేజసే నమః |
ఓం ౠక్షాధినాథమిత్రాయ నమః |
ఓం పుష్కరాక్షాయ నమః |
౪౫
ఓం లుప్తదంతాయ నమః |
ఓం శాంతాయ నమః |
ఓం కాంతిదాయ నమః |
ఓం ఘనాయ నమః |
ఓం కనత్కనకభూషాయ నమః |
ఓం ఖద్యోతాయ నమః |
ఓం లూనితాఖిలదైత్యాయ నమః |
ఓం సత్యానందస్వరూపిణే నమః |
ఓం అపవర్గప్రదాయ నమః |
౫౪
ఓం ఆర్తశరణ్యాయ నమః |
ఓం ఏకాకినే నమః |
ఓం భగవతే నమః |
ఓం సృష్టిస్థిత్యంతకారిణే నమః |
ఓం గుణాత్మనే నమః |
ఓం ఘృణిభృతే నమః |
ఓం బృహతే నమః |
ఓం బ్రహ్మణే నమః |
ఓం ఐశ్వర్యదాయ నమః |
౬౩
ఓం శర్వాయ నమః |
ఓం హరిదశ్వాయ నమః |
ఓం శౌరయే నమః |
ఓం దశదిక్సంప్రకాశాయ నమః |
ఓం భక్తవశ్యాయ నమః |
ఓం ఓజస్కరాయ నమః |
ఓం జయినే నమః |
ఓం జగదానందహేతవే నమః |
ఓం జన్మమృత్యుజరావ్యాధివర్జితాయ నమః |
౭౨
ఓం ఔచ్చస్థాన సమారూఢరథస్థాయ నమః |
ఓం అసురారయే నమః |
ఓం కమనీయకరాయ నమః |
ఓం అబ్జవల్లభాయ నమః |
ఓం అంతర్బహిః ప్రకాశాయ నమః |
ఓం అచింత్యాయ నమః |
ఓం ఆత్మరూపిణే నమః |
ఓం అచ్యుతాయ నమః |
ఓం అమరేశాయ నమః |
౮౧
ఓం పరస్మై జ్యోతిషే నమః |
ఓం అహస్కరాయ నమః |
ఓం రవయే నమః |
ఓం హరయే నమః |
ఓం పరమాత్మనే నమః |
ఓం తరుణాయ నమః |
ఓం వరేణ్యాయ నమః |
ఓం గ్రహాణాంపతయే నమః |
ఓం భాస్కరాయ నమః |
౯౦
ఓం ఆదిమధ్యాంతరహితాయ నమః |
ఓం సౌఖ్యప్రదాయ నమః |
ఓం సకలజగతాంపతయే నమః |
ఓం సూర్యాయ నమః |
ఓం కవయే నమః |
ఓం నారాయణాయ నమః |
ఓం పరేశాయ నమః |
ఓం తేజోరూపాయ నమః |
ఓం శ్రీం హిరణ్యగర్భాయ నమః |
౯౯ ఓం హ్రీం సంపత్కరాయ నమః |
ఓం ఐం ఇష్టార్థదాయ నమః |
ఓం అనుప్రసన్నాయ నమః |
ఓం శ్రీమతే నమః |
ఓం శ్రేయసే నమః |
ఓం భక్తకోటిసౌఖ్యప్రదాయినే నమః |
ఓం నిఖిలాగమవేద్యాయ నమః |
ఓం నిత్యానందాయ నమః |
ఓం శ్రీ సూర్య నారాయణాయ నమః |
౧౦౮
ధూపం – యత్పురు॑ష॒o వ్య॑దధుః |
క॒తి॒ధా వ్య॑కల్పయన్ |
ముఖ॒o కిమ॑స్య॒ కౌ బా॒హూ |
కావూ॒రూ పాదా॑వుచ్యేతే |
ఓం కర్పూరాగరు రోచనాది సహితం గోసర్పిషా లోడితం లాక్షాగుగ్గులు మిశ్రితం పరమహో భక్త్యానుమయా నిర్మితం |
ధూపం స్వీకురు భాస్కరేతి సతతం సంప్రార్థయామ్యాదరాత్ అజ్ఞానాంధ తమోవినాశ నిపుణం శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః ధూపం ఆఘ్రాపయామి |
దీపం – |ఓం అజ్ఞానాంధ తమోవినాశకమిదం సాజ్యం త్రివర్త్యన్వితం రత్నాలంకృత హేమపాత్ర నిహితం స్వాంతేన సంకల్పితం |
దీపం స్వీకురు భక్తవత్సల రవే మాం పాహి పాహీత్యహం అజ్ఞానాంధ తమోఽపహం హృది భజే శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః దీపం దర్శయామి |
నైవేద్యం – ఓం ముక్తా విద్రుమ పద్మరాగ ఖచితే సౌవర్ణపాత్రే స్థితం శాల్యన్నం ఘృత సూప పాయస ఘృతా పూపాది భక్ష్యైర్యుతం |
ఏలా జీరక హింగు నాగరయుతైశ్శాకైర్యుతం భుజ్యతాం అజ్ఞానాంధ తమో వినాశక రవే శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః _____ నైవేద్యం సమర్పయామి |
ఓం భూర్భువ॑స్సువ॑: = ప్రచో॒దయా”త్ ||
సత్యం త్వా ఋతేన పరిషించామి (సాయంత్రం – ఋతం త్వా సత్యేన పరిషించామి) అమృతమస్తు |
అమృతోపస్తరణమసి |
ఓం ప్రాణాయ స్వాహా |
ఓం అపానాయ స్వాహా |
ఓం వ్యానాయ స్వాహా |
ఓం ఉదానాయ స్వాహా |
ఓం సమానాయ స్వాహా |
మధ్యే మధ్యే పానీయం సమర్పయామి |
ఉత్తరాపోశనం సమర్పయామి |
హస్తౌ ప్రక్షాళయామి |
పాదౌ ప్రక్షాళయామి |
శుద్ధాచమనీయం సమర్పయామి |
తాంబూలం – ఓం కస్తూరీ ఘనసార కుంకుమ లవంగైలా సుపూగీఫలైః ముక్తాచూర్ణయుతైః సువర్ణ కలితైస్తాంబూల పర్ణైః శుభైః| యుక్తం కల్పితమాత్మనార్పితమిదం తాంబూలమాసేవ్యతాత్ అజ్ఞానాంధ తమోరిపుర్దినకరం శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః తాంబూలం సమర్పయామి |
తాంబూల చర్వణానంతరం శుద్ధాచమనీయం సమర్పయామి ||
నీరాజనం – ఓం శ్రీమన్మాసన రత్నపాత్ర విహితైః కర్పూర దీపాళిభిః బ్రహ్మోపేంద్ర మహేంద్ర శంకరముఖైర్దేవైః కిరీటోల్లసత్ |
రత్నైర్దీపిత పాదపద్మయుగళం నీరాజితం చాత్మనా ధ్యాత్వాఽజ్ఞాన తమోహరం హృదయగ్౦ శ్రీ సూర్యనారాయణం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః కర్పూర నీరాజనం సమర్పయామి |
నీరాజనానంతరం శుద్ధాచమనీయం సమర్పయామి |
నమస్కరోమి |
మంత్రపుష్పం –
ఓం భా॒స్క॒రాయ॑ వి॒ద్మహే॑ మహద్ద్యుతిక॒రాయ॑ ధీమహి |
తన్నో॑ ఆదిత్యః ప్రచో॒దయా”త్ ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః సువర్ణ దివ్య మంత్రపుష్పం సమర్పయామి |
ఆత్మ ప్రదక్షిణ నమస్కారం – ఓం శ్రీ సంక్రందన ముఖ్యదైవత కిరీటోద్యన్మయూఖా వృతం పాదాంభోరుహ యుగ్మమంబరమణే వందేఽనిశం తే విభో |
యద్దాత్రా లిఖితం దురక్షర తతిం హంతీత్యహం నిశ్చయాత్ అజ్ఞానాంధ తమోఽపహం హృది భజే త్వాం సూర్యనారాయణం ||
యానికాని చ పాపాని జన్మాంతరకృతాని చ తాని తాని ప్రణశ్యంతి ప్రదక్షిణ పదే పదే |
పాపోఽహం పాపకర్మాఽహం పాపాత్మా పాపసంభవ |
త్రాహిమాం కృపయా దేవ శరణాగతవత్సలా |
అన్యథా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష జనార్దన |
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః ఆత్మప్రదక్షిణ నమస్కారాన్ సమర్పయామి |
సాష్టాంగ నమస్కారం – ఉద్యన్నద్యవివస్వానారోహన్నుత్తరాం దివం దేవః |
హృద్రోగం మమ సూర్యో హరిమాణంచాఽఽశు నాశయతు ||
ఓం శ్రీ సూర్యాయ నమో నమో గుణవతే మిత్రాయ తే భానవే ఆదిత్యాయ మరీచయే ద్యుమణయే సూర్యాయ హంసాయతే |
నౌమి శ్రీపద పంకజం కలిమల ప్రధ్వంస దక్షం తవ అజ్ఞానంధ తమోరిపో గ్రహపతే శ్రీ సూర్యనారాయణ ||
శ్రీ ఛాయా ఉషా సమేత శ్రీ సూర్యనారాయణ స్వామినే నమః సాష్టాంగ నమస్కారాం సమర్పయామి |
( స్త్రీలు మోకాల్లపైన కూర్చుని నమస్కరించాలి )
అర్ఘ్యం – సప్తసప్తివహప్రీత సప్తలోకప్రదీపన |
సప్తమీ సహితో దేవ గృహాణార్ఘ్యం దివాకర ||
ఓం మిత్రాయ నమః ఇదమర్ఘ్యం సమర్పయామి |
ఓం రవయే నమః ఇదమర్ఘ్యం సమర్పయామి |
ఓం సూర్యాయ నమః ఇదమర్ఘ్యం సమర్పయామి |
ఓం భానవే నమః ఇదమర్ఘ్యం సమర్పయామి |
ఓం ఖగాయ నమః ఇదమర్ఘ్యం సమర్పయామి |
ఓం పూష్ణే నమః ఇదమర్ఘ్యం సమర్పయామి |
ఓం హిరణ్యగర్భాయ నమః ఇదమర్ఘ్యం సమర్పయామి |
ఓం మరీచయే నమః ఇదమర్ఘ్యం సమర్పయామి |
ఓం ఆదిత్యాయ నమః ఇదమర్ఘ్యం సమర్పయామి |
ఓం సవిత్రే నమః ఇదమర్ఘ్యం సమర్పయామి |
ఓం అర్కాయ నమః ఇదమర్ఘ్యం సమర్పయామి |
ఓం భాస్కరాయ నమః ఇదమర్ఘ్యం సమర్పయామి |
సర్వోపచారాః – ఓం శ్రీ ఛాయా ఉషా శ్రీ సూర్యనారాయణ స్వామినే నమః |
ఛత్రం ఆచ్ఛాదయామి |
చామరైర్వీజయామి |
నృత్యం దర్శయామి |
గీతం శ్రావయామి |
ఆందోళికాన్నారోహయామి |
అశ్వానారోహయామి |
గజానారోహయామి |
సమస్త రాజోపచారాన్ దేవోపచారాన్ సమర్పయామి |
నమస్కారం – ఏకచక్రో రథోయస్య దివ్యః కనకభూషితః స మే భవతు సుప్రీతః పద్మహస్తో దివాకరః ||
క్షమా ప్రార్థన – యస్యస్మృత్యా చ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యో వందే తమచ్యుతం ||
మంత్రహీనం క్రియాహీనం భక్తిహీనం జనార్దనా |
యత్పూజితం మయా దేవ పరిపూర్ణం తదస్తుతే |
అనయా ధ్యాన ఆవాహనాది షోడశోపచార పూజయా భగవాన్ సర్వాత్మకః శ్రీ ఛాయా ఉషా సమేత శ్రీ సూర్యనారాయణ స్వామి సుప్రీతా సుప్రసన్నా వరదా భవంతు ||
తీర్థప్రసాద గ్రహణం – అకాలమృత్యహరణం సర్వవ్యాధినివారణం ||
సమస్తపాపక్షయకరం శ్రీ సూర్యనారాయణ పాదోదకం పావనం శుభం ||
ఓం శ్రీ ఛాయా ఉషా సమేత శ్రీ సూర్యనారాయణ స్వామినే నమః ప్రసాదం శీరసా గృహ్ణామి |