tareyussamsaaram kathamagatapaaram surajanaah
katham bhaavaatmaanam harimanusareyuscha sarasaah |
katham vaa maahaatmyam nijahrdi nayeyurvrajabhuvaam
bhavedaavirbhaavo yadi na bhuvi vaageesa bhavatah || ~1 ||

srayeyussanmaargam kathamanubhaveyussukhakaram
katham vaa sarvasvam nijamahaha kuryuscha saphalam |
tyajeyuh karmaadeh phalamapi katham duhkhasahitaah
bhavedaavirbhaavo yadi na bhuvi vaageesa bhavatah || ~2 ||

vadeyussadvaadam kathamapahareyuscha kumatim
katham vaa sadbuddhim bhagavati vidadhyuh krtidhiyah |
katham lokaastaapam sapadi samayeyussamayutaa
bhavedaavirbhaavo yadi na bhuvi vaageesa bhavatah || ~3 ||

vrajeyurvisvaasam paramaphalanissaadhanapathe
katham vedaalokaajjagati vichareyurgatabhayaah |
katham leelaassarvaassadasi kathayeyuh pramuditaa
bhavedaavirbhaavo yadi na bhuvi vaageesa bhavatah || ~4 ||

smareyussadbhaavam kathamakhilaleelaamutavibho
rasam tatvam roope kathamapi cha jaaneeyurakhilaah |
katham vaa gaayeyurgana ganamihaa laukikarasaa
bhavedaavirbhaavo yadi na bhuvi vaageesa bhavatah || ~5 ||

patheyuh sreekrshnoditamathapuraanam niyamitaah
katham tasyaapyartham nijahrdidhareyurdhrtiyutaah |
katham vaa gopeesam sadayamupajepuh phalatayaa
bhavedaavirbhaavo yadi na bhuvi vaageesa bhavatah || ~6 ||

vaheyussvam dharmam kathamitarasambamdharahitam
saheyuh paarushyam kathamasurasambamdhivachasaam |
daheyussvaandoshaan kathamiha vinaa saadhanabalam
bhavedaavirbhaavo yadi na bhuvi vaageesa bhavatah || ~7 ||

jayeyurdurjeyaan danujamanujaataanapi katham
katham vaa maargeeyam phalamupadiseyuscha paramam |
katham vaigachcheyussaranamatibhaavena satatam
bhavedaavirbhaavo yadi na bhuvi vaageesa bhavatah || ~8 ||

iti sreehariraayaachaarya virachitam sreevallabhabhaavaashtakam |