stoshye bhaktyaa vishnumanaadim jagadaadim
yasminnetatsamsrtichakram bhramateettham |
yasmin drshte nasyati tatsamsrtichakram
tam samsaaradhvaantavinaasam harimeede || ~1 ||

yasyaikaamsaaditthamasesham jagadetat
praadurbhootam yena pinaddham punarittham |
yena vyaaptam yena vibuddham sukhaduhkhai-
-stam samsaaradhvaantavinaasam harimeede || ~2 ||

sarvaj~no yo yascha hi sarvah sakalo yo
yaschaanandoఽnantaguno yo gunadhaamaa |
yaschaaఽvyakto vyastasamastah sadasadya-
-stam samsaaradhvaantavinaasam harimeede || ~3 ||

yasmaadanyam naastyapi naivam paramaartham
drsyaadanyo nirvishayaj~naanamayatvaat |
j~naatrj~naanaj~neyaviheenoఽpi sadaa j~na-
-stam samsaaradhvaantavinaasam harimeede || ~4 ||

aachaaryebhyo labdhasusookshmaaఽchyutatattvaa
vairaagyenaaఽbhyaasabalaachchaiva dradhimnaa |
bhaktyaikaagradhyaanaparaa yam vidureesam
tam samsaaradhvaantavinaasam harimeede || ~5 ||

praanaanaayamyomiti chittam hrdi ruddhvaa
naanyatsmrtvaa tatpunaratraiva vilaapya |
ksheene chitte bhaadrsirasmeeti viduryam
tam samsaaradhvaantavinaasam harimeede || ~6 ||

yam brahmaakhyam devamananyam paripoornam
hrtstham bhaktairlabhyamajam sookshmamatarkyam |
dhyaatvaatmastham brahmavido yam vidureesam
tam samsaaradhvaantavinaasam harimeede || ~7 ||

maatraateetam svaatmavikaasaatmavibodham
j~neyaateetam j~naanamayam hrdyupalabhyam |
bhaavagraahyaanandamananyam cha viduryam
tam samsaaradhvaantavinaasam harimeede || ~8 ||

yadyadvedyam vastusatattvam vishayaakhyam
tattadbrahmaiveti viditvaa tadaham cha |
dhyaayantyevam yam sanakaadyaa munayoఽjam
tam samsaaradhvaantavinaasam harimeede || ~9 ||

yadyadvedyam tattadaham neti vihaaya
svaatmajyotirj~naanamayaanandamavaapya |
tasminnasmeetyaatmavido yam vidureesam
tam samsaaradhvaantavinaasam harimeede || ~1~0 ||

hitvaahitvaa drsyamasesham savikalpam
matvaa sishtam bhaadrsimaatram gaganaabham |
tyaktvaa deham yam pravisantyachyutabhaktaa-
-stam samsaaradhvaantavinaasam harimeede || ~1~1 ||

sarvatraaste sarvasareeree na cha sarvah
sarvam vettyeveha na yam vetti cha sarvah |
sarvatraantaryaamitayettham yamananya-
-stam samsaaradhvaantavinaasam harimeede || ~1~2 ||

sarvam drshtvaa svaatmani yuktyaa jagadeta-
-ddrshtvaatmaanam chaivamajam sarvajaneshu |
sarvaatmaikoఽsmeeti viduryam janahrtstham
tam samsaaradhvaantavinaasam harimeede || ~1~3 ||

sarvatraikah pasyati jighratyatha bhumkte
sprshtaa srotaa budhyati chetyaahurimam yam |
saakshee chaaste kartrshu pasyanniti chaanye
tam samsaaradhvaantavinaasam harimeede || ~1~4 ||

pasyan srnvannatra vijaanan rasayan san
jighran bibhraddehamimam jeevatayettham |
ityaatmaanam yam vidureesam vishayaj~nam
tam samsaaradhvaantavinaasam harimeede || ~1~5 ||

jaagraddrshtvaa sthoolapadaarthaanatha maayaam
drshtvaa svapneఽthaaఽpi sushuptau sukhanidraam |
ityaatmaanam veekshya mudaaste cha tureeye
tam samsaaradhvaantavinaasam harimeede || ~1~6 ||

pasyan suddhoఽpyakshara eko gunabhedaa-
-nnaanaakaaraan sphaatikavadbhaati vichitrah |
bhinnaschinnaschaayamajah karmaphalairya-
-stam samsaaradhvaantavinaasam harimeede || ~1~7 ||

brahmaa vishnoo rudrahutaasau ravichandraa-
vindro vaayuryaj~na iteettham parikalpya |
ekam santam yam bahudhaahurmatibhedaat
tam samsaaradhvaantavinaasam harimeede || ~1~8 ||

satyam j~naanam suddhamanantam vyatiriktam
saantam goodham nishkalamaanandamananyam |
ityaahaadau yam varunoఽsau bhrgaveఽjam
tam samsaaradhvaantavinaasam harimeede || ~1~9 ||

kosaanetaanpancharasaadeenatihaaya
brahmaasmeeti svaatmani nischitya drsisthah |
pitraa sishto veda bhrguryam yajuramte
tam samsaaradhvaantavinaasam harimeede || ~2~0 ||

yenaavishto yasya cha saktyaa yadadheenah
kshetraj~noఽyam kaarayitaa jamtushu kartuh |
kartaa bhoktaatmaatra hi yachchaktyadhiroodha-
-stam samsaaradhvaantavinaasam harimeede || ~2~1 ||

srshtvaa sarvam svaatmatayaivetthamatarkyam
vyaapyaathaantah krtsnamidam srshtamasesham |
sachchatyachchaabhootparamaatmaa sa ya eka-
-stam samsaaradhvaantavinaasam harimeede || ~2~2 ||

vedaantaischaadhyaatmikasaastraischa puraanaih
saastraischaanyaih saatvatatantraischa yameesam |
drshtvaathaantaschetasi buddhvaa vivisuryam
tam samsaaradhvaantavinaasam harimeede || ~2~3 ||

sraddhaabhaktidhyaanasamaadyairyatamaanai-
-rj~naatum sakyo deva ihaivaasu ya eesah |
durvij~neyo janmasataischaaఽpi vinaa tai-
-stam samsaaradhvaantavinaasam harimeede || ~2~4 ||

yasyaatarkyam svaatmavibhooteh paramaartham
sarvam khalvityatra niruktam srutividbhih |
tajjaatitvaadabdhitara~mgaabhamabhinnam
tam samsaaradhvaantavinaasam harimeede || ~2~5 ||

drshtvaa geetaasvaksharatattvam vidhinaajam
bhaktyaa gurvyaaఽఽlabhya hrdistham drsimaatram |
dhyaatvaa tasminnasmyahamityatra viduryam
tam samsaaradhvaantavinaasam harimeede || ~2~6 ||

kshetraj~natvam praapya vibhuh pa~nchamukhairyo
bhu~mkteఽjasram bhogyapadaarthaan prakrtisthah |
kshetre kshetreshvinduvadeko bahudhaaste
tam samsaaradhvaantavinaasam harimeede || ~2~7 ||

yuktyaalodya vyaasavachaamsyatra hi labhyah
kshetrakshetraj~naantaravidbhih purushaakhyah |
yoఽham soఽsau soఽsmyahameveti viduryam
tam samsaaradhvaantavinaasam harimeede || ~2~8 ||

ekeekrtyaanekasareerasthamimam j~nam
yam vij~naayehaiva sa evaasu bhavanti |
yasmimlleenaa neha punarjanma labhante
tam samsaaradhvaantavinaasam harimeede || ~2~9 ||

dvandvaikatvam yachcha madhubraahmanavaakyaih
krtvaa sakropaasanamaasaadya vibhootyaa |
yoఽsau soఽham soఽsmyahameveti viduryam
tam samsaaradhvaantavinaasam harimeede || ~3~0 ||

yoఽyam dehe cheshtayitaaఽntahkaranasthah
surye chaasau taapayitaa soఽsmyahameva |
ityaatmaikyopaasanayaa yam vidureesam
tam samsaaradhvaantavinaasam harimeede || ~3~1 ||

vij~naanaamso yasya satassaktyadhiroodho
buddhirbudhyatyatra bahirbodhyapadaarthaan |
naivaantastham budhyati yam bodhayitaaram
tam samsaaradhvaantavinaasam harimeede || ~3~2 ||

koఽyam dehe deva iteettham suvichaarya
j~naataa srotaaఽఽnandayitaa chaisha hi devah |
ityaalochya j~naamsa ihaasmeeti viduryam
tam samsaaradhvaantavinaasam harimeede || ~3~3 ||

ko hyevaanyaadaatmani na syaadayamesha
hyevaanandah praaniti chaapaaniti cheti |
ityastitvam vaktyupapattyaa srutireshaa
tam samsaaradhvaantavinaasam harimeede || ~3~4 ||

praano vaaఽham vaak sravanaadeeni mano vaa
buddhirvaaham vyasta utaahoఽpi samastah |
ityaalochya j~naptirihaasmeeti viduryam
tam samsaaradhvaantavinaasam harimeede || ~3~5 ||

naaham praano naiva sareeram na manoఽham
naaham buddhirnaahamaha~mkaaradhiyau cha |
yoఽtra j~naamsah soఽsmyahameveti viduryam
tam samsaaradhvaantavinaasam harimeede || ~3~6 ||

sattaamaatram kevalavij~naanamajam sat
sookshmam nityam tattvamaseetyaatmasutaaya |
saamnaamante praaha pitaa yam vibhumaadyam
tam samsaaradhvaantavinaasam harimeede || ~3~7 ||

moortaamoorte poorvamapohyaatha samaadhau
drsyam sarvam neti cha neteeti vihaaya |
chaitanyaamse svaatmani santam cha viduryam
tam samsaaradhvaantavinaasam harimeede || ~3~8 ||

otam protam yatra cha sarvam gaganaantam
yassthoolaaఽnanvaadishu siddhoఽksharasamj~nah |
j~naataaఽtoఽnyo netyupalabhyo na cha vedya-
-stam samsaaradhvaantavinaasam harimeede || ~3~9 ||

taavatsarvam satyamivaabhaati yadeta-
-dyaavatsoఽsmeetyaatmani yo j~no na hi drshtah |
drshte yasminsarvamasatyam bhavateedam
tam samsaaradhvaantavinaasam harimeede || ~4~0 ||

raagaamuktam lohayutam hema yathaagnau
yogaashtaa~mgerujjvalitaj~naanamayaagnau |
dagdhvaatmaanam j~nam parisishtam cha viduryam
tam samsaaradhvaantavinaasam harimeede || ~4~1 ||

yam vij~naanajyotishamaadyam suvibhaantam
hrdyarkendvagnyokasameedyam tadidaabham |
bhaktyaaఽఽraadhyehaiva visantyaatmani santam
tam samsaaradhvaantavinaasam harimeede || ~4~2 ||

paayaadbhaktam svaatmani santam purusham yo
bhaktyaa stauteetyaa~mgirasam vishnurimam maam |
ityaatmaanam svaatmani samhrtya sadaika-
-stam samsaaradhvaantavinaasam harimeede || ~4~3 ||

ittham stotram bhaktajanedyam bhavabheeti-
-dhvaantaarkaabham bhagavatpaadeeyamidam yah |
vishnorlokam pathati srnoti vrajati j~no
j~naanam j~neyam svaatmani chaapnoti manushyah || ~4~4 ||

iti sreematparamahamsaparivraajakaachaarya sreemachcha~mkaraachaarya sadguruvirachitam harimeedestotram |