mokshah (sreemadbhaagavatam) ~1

sreesuka uvaacha –
aaseedgirivaro raajan trikoota iti visrutah |
ksheerodenaavrtah sreemaan yojanaayutamuchchritah || ~1 ||

taavataa vistrtah paryaktribhih srmgaih payonidhim |
disascha rochayannaaste raupyaayasahiranmayaih || ~2 ||

anyaischa kakubhah sarvaa ratnadhaatu vichitritaih |
naanaadrumalataagulmaih nirghoshaih nirjharaambhasaam || ~3 ||

sadaanimajyamaanaamghrih samamtaatpaya oormibhih |
karoti syaamalaam bhoomim harinmarakataasmabhih || ~4 ||

siddhachaaranagamdharvairvidyaadhara mahoragaih |
kinnarairapsarobhischa kreedadbhirjushtakamdarah || ~5 ||

yatra samgeetasannaadairnadadguhamamarshayaa |
abhigarjamti harayah slaaghinah parasamkayaa || ~6 ||

naanaaranyapasuvraata samkuladronyalamkrtah |
chitradrumasurodyaana kalakamtha vihamgamah || ~7 ||

saritsarobhirachchodaih pulinairmanivaalukaih |
devastrimajjanaamoda saurabhaambvanilairyutah || ~8 ||

tasya dronyaam bhagavato varunasya mahaatmanah |
udyaanamrtumannaama hyaakreedam surayoshitaam || ~9 ||

sarvatoఽlamkrtam divyairnityapushpaphaladrumaih |
mamdaaraih paarijaataischa paatalaasokachampakaih || ~1~0 ||

chootaih priyaalaih panasairaamrairaamraatakairapi |
kramukairnaarikelaischa kharjoorairbeejapoorakaih || ~1~1 ||

madhookaistaalasaalaischa tamaalai rasanaarjunaih |
arishtodumbaraplakshairvataih kimsukachandanaih || ~1~2 ||

pichumamdaih kovidaaraih saralaih suradaarubhih |
draakshekshu rambhaajamboobhirbadaryakshaabhayaamalaih || ~1~3 ||

bilvaih kapitthairjambeerairvrto bhallaatakairapi |
tasminsarah suvipulam lasatkaamchanapamkajam || ~1~4 ||

kumudotpalakalhaara satapatrasriyorjitam |
mattashatpada nirghushtam sakumtaih kalanisvanaih || ~1~5 ||

hamsakaaramdavaakeernam chakraahvaih saarasairapi |
jalakukkutakoyashti daatyoohakalakoojitam || ~1~6 ||

matsyakachchapasamchaara chalatpadmarajahpayah |
kadambavetasanala neepavamjulakairvrtam || ~1~7 ||

kumdaih kuravakaasokaih sireeshaih kootajemgudaih |
kubjakaih svarnayootheebhirnaagapunnaagajaatibhih || ~1~8 ||

mallikaasatapatraischa maadhaveejaalakaadibhih |
sobhitam teerajaischaanyairnityartubhiralam drumaih || ~1~9 ||

tatraikadaa tadgirikaananaasrayah
karenubhirvaaranayoothapascharan |
sakamtakam keechakavenuvetrava-
-dvisaalagulmam prarujanvanaspateen || ~2~0 ||

yadgamdhamaatraaddharayo gajemdraa
vyaaghraadayo vyaalamrgaascha khadgaah |
mahoragaaschaapi bhayaaddravamti
sagaurakrishnaah sarabhaaschamaryah || ~2~1 ||

vrkaa varaahaa mahisharkshasalyaa
gopuchchasaalaavrkamarkataascha |
anyatra kshudraa harinaah sasaadayah
charamtyabheetaa yadanugrahena || ~2~2 ||

sa gharmataptah karibhih karenubhi-
-rvrto madachyutkalabhairabhidrutah |
girim garimnaa paritah prakampayan
nishevyamaanoఽlikulairmadaasanaih || ~2~3 ||

saroఽnilam pamkajarenurooshitam
jighran vidooraan madavihvalekshanah |
vrtah svayoothena trshaarditena ta-
-tsarovaraabhyaasamathaagamaddrutam || ~2~4 ||

vigaahya tasmin amrtaambu nirmalam
hemaaravimdotpalarenuvaasitam |
papau nikaamam nijapushkaroddhrtam
svaatmaanamadbhih snapayangataklamah || ~2~5 ||

sa pushkarenoddhrtaseekaraambubhi-
-rnipaayayan samsnapayan yathaa grhee |
jighran karenuh kalabhaascha durmanaa
hyaachashta krchchram krpanoఽjamaayayaa || ~2~6 ||

tam tatra kaschinnrpa daivachodito
graaho baleeyaamscharanau rushaaఽgraheet |
yadrchchayaivam vyasanam gato gajo
yathaabalam soఽtibalo vichakrame || ~2~7 ||

tathaaఽఽturam yoothapatim karenavo
vikrshyamaanam tarasaa baleeyasaa |
vichukrusurdeenadhiyoఽpare gajaah
paarshnigrahaastaarayitum na chaasakan || ~2~8 ||

niyudhyatorevamibhemdranakrayo-
-rvikarshatoramtarato bahirmithah |
samaah sahasram vyagaman maheepate
sapraanayoschitramamamsataamaraah || ~2~9 ||

tato gajemdrasya manobalaujasaam
kaalena deerghena mahaanabhoodvyayah |
vikrshyamaanasya jaleఽvaseedato
viparyayoఽbhootsakalam jalaukasah || ~3~0 ||

ittham gajemdrah sa yadaaఽఽpa samkatam
praanasya dehee vivaso yadrchchayaa |
apaarayannaatmavimokshane chiram
dadhyaavimaam buddhimathaabhyapadyata || ~3~1 ||

namaami me j~naataya aaturam gajaah
kutah karinyah prabhavamti mokshitum |
graahena paasena vidhaaturaavrto
hyaham cha tam yaami param paraayanam || ~3~2 ||

yah kaschaneso balinoఽmtakoragaa-
-tprachandavegaadabhidhaavato bhrsam |
bheetam prapannam paripaati yadbhayaa-
-nmrtyuh pradhaavatyaranam tameemahe || ~3~3 ||

iti sreemadbhaagavate mahaapuraane ashtamaskandhe dviteeyoఽdhyaayah || ~2 ||