lakshmeebharturbhujaagre krtavasati sitam yasya roopam visaalam
neelaadrestumgasrmgasthitamiva rajaneenaathabimbam vibhaati |
paayaannah paamchajanyah sa ditisutakulatraasanaih poorayansvai-
rnidhvaanairneeradaughadhvaniparibhavadairambaram kamburaajah || ~1 ||

aahuryasya svaroopam kshanamukhamakhilam soorayah kaalametam
dhvaamtasyaikaamtamamtam yadapi cha paramam sarvadhaamnaam cha dhaama |
chakram tachchakrapaanerditijatanugaladraktadhaaraaktadhaaram
sasvanno visvavamdyam vitaratu vipulam sarma dharmaamsusobham || ~2 ||

avyaannirghaataghoro haribhujapavanaamarsanaadhmaatamoorte-
rasmaanvismeranetratridasanutivachah saadhukaaraih sutaarah |
sarvam samhartumichchorarikulabhuvana sphaaravishphaaranaadah
samyatkalpaamtasimdhau sarasalilaghataavaarmuchah kaarmukasya || ~3 ||

jeemootasyaamabhaasaa muhurapi bhagavadbaahunaa mohayamtee
yuddheshooddhooyamaanaa jhatiti tatidivaalakshyate yasya moortih |
soఽsistraasaakulaakshatridasaripuvapu sonitaasvaadatrpto
nityaanamdaaya bhooyaanmadhumathanamanonamdano namdako nah || ~4 ||

kamraakaaraa muraareh karakamalatalenaanuraagaadgrheetaa
samyagvrttaa sthitaagre sapadi na sahate darsanam yaa pareshaam |
raajamtee daityajeevaasavamadamuditaa lohitaalepanaardraa
kaamam deeptaamsukaamtaa pradisatu dayitevyaasya kaumodakee nah || ~5 ||

yo visvapraanabhootastanurapi cha hareryaanaketusvaroopo
yam samchintyaiva sadyah svayamuragavadhoovargagarbhaah patamti |
chamchachchandorutumdatrutitaphanivasaaraktapamkaamkitasyam
vamde chandomayam tam khagapatimamalasvarnavarnam suparnam || ~6 ||

vishnorvisvesvarasya pravarasayanakrtsarvalokaikadhartaa
soఽnamtah sarvabhootah prthuvimalayasaah sarvavedaischa vedyah |
paataa visvasya sasvatsakalasuraripudhvamsanah paapahamtaa
sarvaj~nah sarvasaakshee sakalavishabhayaatpaatu bhogeesvaro na || ~7 ||

vaagbhoogairyaadibhedairviduriha munayo yaam yadeeyaischa pumsaam
kaarunyaardraih kataakshaih sakrdapi patitaih sampadah syuh samagraah |
kumdemdusvachchamamdasmitamadhuramukhaambhoruhaam sumdaraamgeem
vamde vamdyaamaseshairapi murabhiduromamdiraamimdiraam taam || ~8 ||

yaa soote sattvajaalam sakalamapi sadaa samnidhaanena pumso
dhatte yaa tattvayogaachcharamacharamidam bhootaye bhootajaatam |
dhaatreem sthaatreem janitreem prakrtimavikrtim visvasaktim vidhaatreem
vishnorvisvaatmanastaam vipulagunamayeem praananaathaam pranaumi || ~9 ||

yebhyoఽsooyadbhiruchchaih sapadi padamuru tyajyate daityavargai-
ryebho dhartum cha moordhnaa sprhayati satatam sarvageervaanavargah |
nityam nirmoolaneyurnichitataramamee bhaktinighnaatmanaam nah
padmaakshasyaamghripadmadvayatalanilayaah paamsavah paapapamkam || ~1~0 ||

rekhaa lekhaadivamdyaascharanatalagataaschakramatsyaadiroopaah
snigdhaah sookshmaah sujaataa mrdulalitatarakshaumasootraayamaanaah |
dadyurno mangalaani bhramarabharajushaa komalenaabdhijaayaah
kamrenaamredyamaanaah kisalayamrdunaa paaninaa chakrapaaneh || ~1~1 ||

yasmaadaakraamato dyaam garudamanisilaaketudandaayamaanaa
daaschyotamtee babhaase surasaridamalaa vaijayamteeva kaamtaa |
bhoomishtho yastathaanyo bhuvanagrhabrhatstambhasobhaam dadhau nah
paataametau paayojodaralalitatalau pamkajaakshasya paadau || ~1~2 ||

aakraamadbhyaam trilokeemasurasurapatee tat‍kshanaadeva neetau
yaabhyaam vairochaneemdrau yugapadapi vipatsampadorekahaamah |
taabhyaam taamrodaraabhyaam muhurahamajitasyaamchitaabhyaamubhaabhyaam
praajyaisvaryapradaabhyaam pranatimupagatah paadapamkeruhaabhyaam || ~1~3 ||

yebhyo varnaschaturthacharamata udabhoodaadisarge prajaanaam
saahasree chaapi samkhyaa prakatamabhihitaa sarvavedeshu yeshaam |
praaptaa visvambharaa yairativitatatanorvisvamoorterviraajo
vishnostebhyo mahadbhyah satatamapi namoఽstvamghripamkeruhebhyah || ~1~4 ||

vishnoh paadadvayaagre vimalanakhamanibhraajitaa raajate yaa
raajeevasyeva ramyaa himajalakanikaalamkrtaagraa dalaalee |
asmaakam vismayaarhaanyakhilajanamana praarthaneeyaa hi seyam
dadyaadaadyaanavadyaa tatiratiruchiraa mangalaanyamguleenaam || ~1~5 ||

yasyaam drshtvaamalaayaam pratikrtimamaraah sambhavantyaanamamtah
semdraah saamdreekrtershyaastvaparasurakulaasamkayaatamkavamtah |
saa sadyah saatirekaam sakalasukhakareem samid saadhayenna-
schamchachchaarvamsuchakraa charananalinayoschakrapaanernakhaalee || ~1~6 ||

paadaambhojanmasevaasamavanatasuravraatabhaasvatkireeta-
pratyuptochchaavachaasmapravarakaraganaischintitam yadvibhaati |
namraamgaanaam harerno haridupalamahaakoormasaumdaryahaari-
chchaayam sreyahpradaayi prapadayugamidam praapayetpaapamamtam || ~1~7 ||

sreematyau chaaruvrtte karaparimalanaanamdahrshte ramaayaah
saumdaryaadhyemdraneelopalarachitamahaadandayoh kaamtichore |
sooreemdraih stooyamaane surakulasukhade sooditaaraatisamghe
jamghe naaraayaneeye muhurapi jayataamasmadamho haramtyau || ~1~8 ||

samyaksaahyam vidhaatum samamiva satatam jamghayoh khinnayorye
bhaareebhootorudandadvayabharanakrtottambhabhaavam bhajete |
chittaadarsam nidhaatum mahitamiva sataam te samudraayamaane
vrttaakaare vidhattaam hyadi mudamajitasyaanisam jaanunee nah || ~1~9 ||

devo bheetim vidhaatuh sapadi vidadhatau kaitabhaakhyam madhum chaa-
pyaaropyaaroodhagarvaavadhijaladhi yayoraadidaityau jaghaana |
vrttaavanyonyatulyau chaturamupachayam bibhrataavabhraneelaa-
vooroo chaaroo harestau mudamatisayineem maanase no vidhattaam || ~2~0 ||

peetena dyotate yachchaturaparihitenaambarenaatyudaaram
jaataalamkaarayogam jalamiva jaladherbaadabaagniprabhaabhih |
etatpaatityadaanno jaghanamatighanaadenaso maananeeyam
saatatyenaiva chetovishayamavataratpaatu peetaambarasya || ~2~1 ||

yasyaa daamnaa tridhaamno jaghanakalitayaa bhraajateఽmgam yathaabdhe-
rmadhyastho mamdaraadrirbhujagapatimahaabhogasamnaddhamadhyah |
kaamchee saa kaamchanaabhaa manivarakiranairullasadbhih pradeeptaa
kalyaam kalyaanadaatreem mama matimanisam kamraroopaam karotu || ~2~2 ||

unnamram kamramuchchairupachitamudabhoodyatra patrairvichitraih
poorvam geervaanapoojyam kamalajamadhupasyaasid tatpayojam |
yasminneelaasmaneelaistaralaruchijalaih poorite kelibuddhyaa
naaleekaakshasya naabheesarasi vasatu naschittahamsaschiraaya || ~2~3 ||

paataalam yasya naalam valayamapi disaam patrapamkteernagendraa-
nvidvaamsah kesaraaleerviduriha vipulaam karnikaam svarnasailam |
bhooyaadgaayatsvayambhoomadhukarabhavanam bhoomayam kaamadam no
naaleekam naabhipadmaakarabhavamuru tannaagasayyasya saureh || ~2~4 ||

aadau kalpasya yasmaatprabhavati vitatam visvametadvikalpaih
kalpaamte yasya chaamta pravisati sakalam sthaavaram jamgamam cha |
atyamtaachintyamoorteschirataramajitasyaamtarikshasvaroope
tasminnasmaakamamtahkaranamatimudaa kreedataatkrodabhaage || ~2~5 ||

kaamtyambhahpoorapoorne lasadasitavaleebhamgabhaasvattaramge
gambheeraakaaranaabheechaturataramahaavartasobhinyudaare |
kreedatvaanadvahemodaranahanamahaabaadabaagniprabhaadhye
kaamam daamodareeyodarasalilanidhau chittamatsyaschiram nah || ~2~6 ||

naabheenaaleekamoolaadadhikaparimalonmohitaanaamaleenaam
maalaa neeleva yamtee sphurati ruchimatee vaktrapadmonmukhee yaa |
raamyaa saa romaraajirmahitaruchikaree madhyabhaagasya vishno-
schittasthaa maa viramseechchirataramuchitaam saadhayamtee sreeyam nah || ~2~7 ||

samsteernam kaustubhaamsuprasarakisalayairmugdhamuktaaphalaadhyam
sreevatsollaasi phullapratinavavanamaalaamki raajadbhujaamtam |
vakshah sreevrkshakaamtam madhukaranikarasyaamalam saar‍~mgapaaneh
samsaaraadhvasramaartairupavanamiva yatsevitam tatprapadye || ~2~8 ||

kaamtam vaksho nitaamtam vidadhadiva galam kaalimaa kaalasatro-
rimdorbimbam yathaamko madhupa iva tarormamjareem raajate yah |
sreemaannityam vidheyaadaviralamilitah kaustubhasreeprataanaih
sreevatsah sreepateh sa sriya iva dayito vatsa uchchaih sriyam nah || ~2~9 ||

sambhooyaambhodhimadhyaatsapadi sahajayaa yah sriyaa samnidhatte
neele naaraayanorah sthalagaganatale haaratoropasevye |
aasaah sarvaah prakaasaa vidadhadapidadhachchaatmabhaasaanyatejaa-
syaascharyasyaakaro no dyumaniriva manih kaustubhah soఽstubhootyai || ~3~0 ||

yaa vaayaavaanukoolyaatsarati maniruchaa bhaasamaanaa samaanaa
saakam saakampamamse vasati vidadhatee vasubhadram subhadram |
saaram saaramgasamghairmukharitakusumaa mechakaamtaa cha kaamtaa
maalaa maalaalitaasmaanna viramatu sukhairyojayamtee jayamtee || ~3~1 ||

haarasyoruprabhaabhih pratinavavanamaalaasubhih praamsuroopaih
sreebhischaapyamgadaanaam kabalitaruchi yannishkabhaabhischa bhaati |
baahulyenaiva baddhaamjaliputamajitasyaabhiyaachaamahe ta-
dvamdhaartim baadhataam no bahuvihatikareem bamdhuram baahumoolam || ~3~2 ||

visvatraanaikadeekshaastadanugunagunakshatranirmaanadakshaah
kartaaro durniroopasphutagunayasasaa karmanaamadbhutaanaam |
saar‍~mgam baanam krpaanam phalakamarigade paadmasamkhau sahasram
bibhraanaah sastrajaalam mama dadhatu harerbaahavo mohahaanim || ~3~3 ||

kamthaakalpodgatairyah kanakamayalasatkumdalotthairudaarai-
rudyotaih kaustubhasyaapyurubhirupachitaschitravarno vibhaati |
kamthaasleshe ramaayaah karavalayapadairmudrite bhradraroope
vaikumtheeyeఽtra kamthe vasatu mama matih kumthabhaavam vihaaya || ~3~4 ||

padmaanamdapradaataa parilasadarunasreepareetaagrabhaagah
kaale kaale cha kambupravarasasadharaapoorane yah praveenah |
vaktraakaasaamtarasthastirayati nitaraam damtataaraughasobhaam
sreebharturdamtavaasodyumaniraghatamonaasanaayaastvasau nah || ~3~5 ||

nityam snehaatirekaannijakamituralam viprayogaakshamaa yaa
vaktremdoramtaraale krtavasatirivaabhaati nakshatraraajih |
lakshmeekaamtasya kaamtaakrtirativilasanmugdhamuktaavalisree-
rdamtaalee samtatam saa natinutinirataanakshataanrakshataannah || ~3~6 ||

brahmanbrahmanyajihmaam matimapi kurushe deva sambhaavaye tvaam
sambho sakra trilokeemavasi kimamarairnaaradaadyaah sukham vah |
ittham sevaavanamram suramuninikaram veekshya vishnoh prasanna-
syaasyemdoraasravamtee varavachanasudhaahlaadayenmaanasam nah || ~3~7 ||

karnasthasvarnakamrojjvalamakaramahaakumdalaprotadeepya-
nmaanikyasreeprataanaih parimilitamalisyaamalam komalam yat |
prodyatsuryaamsuraajanmarakatamukuraakaarachoram muraare-
rgaadhaamaagaamineem nah samayatu viid gamdayormamdalam tat || ~3~8 ||

vaktaambhoje lasamtam muhuradharamanim pakvabimbaabhiraamam
drshtvaa drashtum sukasya sphutamavataratastumdadandaayate yah |
ghonah soneekrtaatmaa sravanayugalasatkumdalosrairmuraareh
praanaakhyasyaanilasya prasaranasaranih praanadaanaaya nah syaat || ~3~9 ||

dikkaalau vedayamtau jagati muhurimau samcharamtau raveemdoo
trailokyaalokadeepaavabhidadhati yayoreva roopam muneemdraah |
asmaanabjaprabhe te prachuratarakrpaanirbharam prekshamaane
paataamaataamrasuklaasitaruchiruchire padmanetrasya netre || ~4~0 ||

paataatpaataalapaataatpatagapatigaterbhrooyugam bhugnamadhyam
yeneshamchchaalitena svapadaniyamitaah saasuraa devasamghaah |
nrtyallaalaataramge rajanikaratanorardhakhamdaavadaate
kaalavyaaladvayam vaa vilasati samayaa vaalikaamaataram nah || ~4~1 ||

lakshmaakaaraalakaalisphuradalikasasaamkaardhasamdarsameela-
nnetraambhojaprabodhotsukanibhrtataraaleenabhrmgachchataabhe |
lakshmeenaathasya lakshyeekrtavibudhaganaapaamgabaanaasanaardha-
chchaaye no bhooribhootiprasavakusalate bhroolate paalayetaam || ~4~2 ||

rookshasmaarekshuchaapachyutasaranikaraksheenalakshmeekataaksha-
protphullatpadmamaalaavilasitamahitasphaatikaisaanalingam |
bhooyaadbhooyo vibhootyai mama bhuvanapaterbhroolataadvamdvamadhyaa-
duttham tatpumdramoordhvam janimaranatamahkhamdanam mamdanam cha || ~4~3 ||

peetheebhootaalakaamte krtamakutamahaadevalingapratishthe
laalaate naatyaramge vikatataratate kaitabhaareschiraaya |
proddhaatyaivaatmatamdreeprakatapatakuteem prasphuramteem sphutaamgam
patveeyam bhaavanaakhyaam chatulamatinatee naatikaam naatayennah || ~4~4 ||

maalaaleevaalidhaamnah kuvalayakalitaa sreepateh kumtalaalee
kaalindyaaruhya moordhno galati harasirah svardhuneespardhayaa nu |
raahurvaa yaati vaktram sakalasasikalaabhraamtilolaamtaraatmaa
laukairaalokyate yaa pradisatu satatam saakhilam mangalam nah || ~4~5 ||

suptaakaaraah prasupte bhagavati vibudhairapyadrshtasvaroopaa
vyaaptavyomaamtaraalaastaralamaniruchaa ramjitaah spashtabhaasah |
dehachchaayodgamaabhaa ripuvapuraguruplosharoshaagnidhoomyaah
kesaah kesidvisho no vidadhatu vipulaklesapaasapranaasam || ~4~6 ||

yatra pratyuptaratnapravaraparilasadbhoorirochisprataana-
sphoortyaam moortirmuraarerdyumanisatachitavyomavaddurnireekshyaa |
kurvatpaarepayodhi jvaladakrsasikhaabhaasvadaurvaagnisamkaam
sasvannah sarma disyaatkalikalushatamahpaatanam tatkireetam || ~4~7 ||

bhraamtvaa bhraamtvaa yadamtastribhuvanagururapyabdakoteeranekaa
gamtum naamtam samartho bhramara iva punarnaabhinaaleekanaalaat |
unmajjannoorjitasreestribhuvanamaparam nirmame tatsadrksham
dehaambhodhih sa deyaanniravadhiramrtam daityavidveshino nah || ~4~8 ||

matsyah koormo varaaho naraharinapatirvaamano jaamadagnyah
kaakutsthah kamsaghaatee manasijavijayee yascha kalkirbhavishyan |
vishnoramsaavataraa bhuvanahitakaraa dharmasamsthaapanaarthaah
paayaasurmaam ta ete gurutarakarunaabhaarakhinnaasayaa ye || ~4~9 ||

yasmaadvaacho nivrttaah samamapi manasaa lakshanaameekshamaanaah
svaarthalaabhaatparaarthavyapagamakathanaslaaghino vedavaadaah |
nityaanamdam svasamvinniravadhivimalasvaamtasamkraamtabimba-
chchaayaapatyaapi nityam sukhayati yamino yattadavyaanmaho nah || ~5~0 ||

aapaadaadaa cha seershaadvapuridamanagham vaishnavam yah svachitte
dhatte nityam nirastaakhilakalikalusha samtataamtah pramodam |
juhvajjihvaakrsaanau haricharitahavih stotramantraanupaathai-
statpaadaambhoruhaabhyaam satatamapi namaskurmahe nirmalaabhyaam || ~5~1 ||

modaatpaadaadikesastutimitirachitaa keertayitvaa tridhaamna
paadaabjadvamdvasevaasamayanatamatirmastakenaanamedya |
unmuchyaivaatmanainonichayakavachaka panchataametya bhaano-
rbimbaamtargochara sa pravisati paramaanamdamaatmasvaroopam || ~5~2 ||