chidachitparatattvaanaam tattvaayaathaarthyavedine |
raamaanujaaya munaye namo mama gareeyase ||

svaadheenatrividhachetanaaఽchetana svaroopasthiti pravrttibhedam, klesakarmaadyaseshadoshaasamsprshtam, svaabhaavikaanavadhikaatisaya j~naanabalaisvarya veeryasaktitejassauseelya vaatsalya maardavaarjava sauhaarda saamya kaarunya maadhurya gaambheerya audaarya chaaturya sthairya dhairya saurya paraakrama satyakaama satyasa~mkalpa krtitva krtaj~nataadyasamkhyeya kalyaanaguna ganaugha mahaarnavam, parabrahmabhootam, purushottamam, sreera~mgasaayinam, asmatsvaaminam, prabuddhanityaniyaamya nityadaasyaikarasaatmasvabhaavoఽham, tadekaanubhavah tadekapriyah, paripoornam bhagavantam visadatamaanubhavena nirantaramanubhooya, tadanubhavajanitaanavadhikaatisaya preetikaaritaaseshaavasthochita aseshaseshataikaratiroopa nityaki~mkaro bhavaani |

svaatmanitya niyaamya nityadaasyaikarasaatma svabhaavaanusandhaanapoorvaka bhagavadanavadhikaatisaya svaamyaadyakhila gunaganaanubhava janitaanavadhikaatisaya preetikaaritaaseshaavasthochitaasesha seshataikaratiroopa nityakai~mkarya praaptyupaayabhootabhakti tadupaaya samyag j~naanatadupaaya sameecheenakriyaa tadanugunasaattvikataaఽఽstikyaadi samastaatmagunaviheenah, duruttaraananta tadviparyaya j~naanakriyaanugunaanaadi paapavaasanaa mahaarnavaantarnimagnah, tilatailavaddaaruvahnivaddurvivecha triguna kshanaksharana svabhaavaachetana prakrtivyaaptiroopa duratyaya bhagavanmaayaa tirohita svaprakaasah, anaadyavidyaasa~nchitaanantaasakya visramsana karmapaasa pragrathitah, anaagataanantakaala sameekshayaaఽpyadrshtasantaaropaayah, nikhilajantujaatasaranya, sreemannaaraayana, tava charanaaravindayugalam saranamaham prapadye ||

evamavasthitasyaapyarthitvamaatrena, paramakaaruniko bhagavaan, svaanubhava preetyopaneetaikaantikaatyantika nityakai~mkaryaikaratiroopa nityadaasyam daasyateeti visvaasapoorvakam bhagavantam nityaki~mkarataam praarthaye ||

tavaanubhootisambhootapreetikaarita daasataam |
dehi me krpayaa naatha na jaane gatimanyathaa ||

sarvaavasthochitaasesha seshataikaratistava |
bhaveyam pundareekaaksha tvamevaivam kurushva maam ||

evambhoota tattva yaathaatmyavabodha tadichchaarahitasyaapi, etaduchchaaranamaatraavalambanena, uchyamaanaartha paramaarthanishtham me manastvamevaadyaiva kaaraya ||

apaara karunaambudhe, anaalochita viseshaasesha lokasaranya, pranataartihara, aasritavaatsalyaika mahodadhe, anavaratavidita nikhilabhootajaata yaathaatmya, satyakaama, satyasa~mkalpa, aapatsakha, kaakutstha, sreeman, naaraayana, purushottama, sreera~mganaatha, mama naatha, namoఽstu te ||

iti sreebhagavadraamaanuja virachitam sree ra~mga gadyam |