prapadye tam girim praayah sreenivaasaanukampayaa |
ikshusaarasravamtyeva yanmoortyaa sarkaraayitam || ~1 ||

vigaahe teerthabahulaam seetalaam gurusamtatim |
sreenivaasadayaambhodhipareevaahaparamparaam || ~2 ||

krtinah kamalaavaasakaarunyaikaamtino bhaje |
dhatte yatsooktiroopena trivedee sarvayogyataam || ~3 ||

paraasaramukhaanvamde bhageerathanaye sthitaan |
kamalaakaamtakaarunyagamgaaplaavitamadvidhaan || ~4 ||

aseshavighnasamanamaneekesvaramaasraye |
sreematah karunaambhodhau sikshaasrota ivotthitam || ~5 ||

samastajananeem vamde chaitanyastanyadaayineem |
sreyaseem sreenivaasasya karunaamiva roopineem || ~6 ||

vamde vrshagireesasya mahisheem visvadhaarineem |
tatkrpaapratighaataanaam kshamayaa vaaranam yayaa || ~7 ||

nisaamayatu maam neelaa yadbhogapatalairdhruvam |
bhaavitam sreenivaasasya bhaktadosheshvadarsanam || ~8 ||

kamapyanavadhim vamde karunaavarunaalayam |
vrshasailatatasthaanaam svayam vyaktimupaagatam || ~9 ||

akimchananidhim sootimapavargatrivargayoh |
amjanaadreesvaradayaamabhishtaumi niramjanaam || ~1~0 ||

anucharasaktyaadigunaamagresarabodhavirachitaalokaam |
svaadheenavrshagireesaam svayam prabhootaam pramaanayaami dayaam || ~1~1 ||

api nikhilalokasucharitamushtimdhayaduritamoorchanaajushtam |
samjeevayatu daye maamamjanagirinaatharamjanee bhavatee || ~1~2 ||

bhagavati daye bhavatyaam vrshagirinaathe samaaplute tumge |
apratighamajjanaanaam hastaalambo madaagasaam mrgyah || ~1~3 ||

krpanajanakalpalatikaam krtaaparaadhasya nishkriyaamaadyaam |
vrshagirinaathadaye tvaam vidamti samsaarataarineem vibudhaah || ~1~4 ||

vrshagirigrhamedhigunaa bodhabalaisvaryaveeryasaktimukhaah |
doshaa bhaveyurete yadi naama daye tvayaa vinaabhootaah || ~1~5 ||

aasrshti samtataanaamaparaadhaanaam nirodhineem jagatah |
padmaasahaayakarune pratisamcharakelimaacharasi || ~1~6 ||

achidavisishtaanpralaye jamtoonavalokya jaatanirvedaa |
karanakalebarayogam vitarasi vrshasailanaathakarune tvam || ~1~7 ||

anugunadasaarpitena sreedharakarune samaahitasnehaa |
samayasi tamah prajaanaam saastramayena sthirapradeepena || ~1~8 ||

rudhaa vrshaachalapateh paade mukhakaamtipatralachchaayaa |
karune sukhayasi vinataamkataakshavitapaih karaapacheyaphalaih || ~1~9 ||

nayane vrshaachalemdostaaraamaitreem dadhaanayaa karune |
drshtastvayaiva janimaanapavargamakrshtapachyamanubhavati || ~2~0 ||

samayopanataistava pravaahairanukampe krtasamplavaa dharitree |
saranaagatasasyamaalineeyam vrshasailesakrsheevalam dhinoti || ~2~1 ||

kalasodadhisampado bhavatyaah karune sanmatimamthasamskrtaayaah |
amrtaamsamavaimi divyadeham mrtasamjeevanamamjanaachalemdoh || ~2~2 ||

jaladheriva seetataa daye tvam vrshasailaadhipatessvabhaavabhootaa |
pralayaarabhateemnateem tadeekshaam prasabham graahayasi prasaktilaasyam || ~2~3 ||

pranatapratikoolamoolaghaatee pratighah koఽpi vrshaachalesvarasya |
kalame yavasaapachaayaneetyaa karune kimkarataam tavopayaati || ~2~4 ||

abahishkrtanigrahaanvidamtah kamalaakaamtagunaansvatamtrataadeen |
avikalpamanugraham duhaanaam bhavateemeva daye bhajamti samtah || ~2~5 ||

kamalaanilayastvayaa dayaaluh karune nishkarunaa niroopane tvam |
ata eva hi taavakaasritaanaam duritaanaam bhavati tvadeva bheetih || ~2~6 ||

atilamghitasaasaneshvabheekshnam vrshasailaadhipatirvijrmbhitoshmaa |
punareva daye kshamaanidaanairbhavateemaadriyate bhavatyadheenaih || ~2~7 ||

karune duriteshu maamakeshu pratikaaraamtaradurjayeshu khinnah |
kavachaayitayaa tvayaiva saarmgee vijayasthaanamupaasrito vrshaadrim || ~2~8 ||

mayi tishthati dushkrtaam pradhaane mitadoshaanitaraanvichinvatee tvam |
aparaadhaganairapoornakukshih kamalaakaamtadaye katham bhavitree || ~2~9 ||

ahamasmyaparaadhachakravartee karune tvam cha guneshu saarvabhaumee |
vidushee sthitimeedrseem svayam maam vrshasailesvarapaadasaatkuru tvam || ~3~0 ||

asithilakaraneఽsminnakshatasvaasavrttau
vapushi gamanayogye vaasamaasaadayeyam |
vrshagirikatakeshu vyamjayatsu prateetai-
rmadhumathanadaye tvaam vaaridhaaraaviseshaih || ~3~1 ||

aviditanijayogakshemamaatmaanabhij~nam
gunalavarahitam maam goptukaamaa daye tvam |
paravati chaturaiste vibhramaih sreenivaase
bahumatimanapaayaam vimdasi sreedharanyoh || ~3~2 ||

phalavitaranadaksham pakshapaataanabhij~nam
pragunamanuvidheyam praapya padmaasahaayam |
mahati gunasamaaje maanapoorvam daye tvam
prativadasi yathaarham paapmanaam maamakaanaam || ~3~3 ||

anubhavitumaghaugham naalamaagaamikaalah
prasamayitumasesham nishkriyaabhirna sakyam |
svayamiti hi daye tvam sveekrtasreenivaasaa
sithilitabhavabheetissreyase jaayase nah || ~3~4 ||

avataranaviseshairaatmaleelaapadesai-
ravamatimanukampe mamdachitteshu vimdan |
vrshabhasikharinaathastvannidesena noonam
bhajati charanabhaajaam bhaavino janmabhedaan || ~3~5 ||

parahitamanukampe bhaavayamtyaam bhavatyaam
sthiramanupadhi haardam sreenivaaso dadhaanah |
lalitaruchishu lakshmeebhoomineelaasu noonam
prathayati bahumaanam tvatpratichchandabuddhyaa || ~3~6 ||

vrshagirisavidheshu vyaajato vaasabhaajaam
duritakalushitaanaam dooyamaanaa daye tvam |
karanavilayakaale kaamdiseekasmrteenaam
smarayasi bahuleelam maadhavam saavadhaanaa || ~3~7 ||

disi disi gatividbhirdesikairneeyamaanaa
sthirataramanukampe styaanalagnaa gunaistvam |
parigatavrshasailam paaramaaropayamtee
bhavajaladhigataanaam potapaatree bhavitree || ~3~8 ||

parimitaphalasamgaatpraaninah kimpachaanaa
nigamavipanimadhye nityamuktaanushaktam |
prasadanamanukampe praaptavatyaam bhavatyaam
vrshagiriharineelam vyamjitam nirvisamti || ~3~9 ||

tvayi bahumatiheenah sreenivaasaanukampe
jagati gatimihaanyaam devi sammanyate yah |
sa khalu vibudhasimdhau sannikarshe vahamtyaam
samayati mrgatrshnaaveechikaabhih pipaasaam || ~4~0 ||

aaj~naam khyaatim dhanamanucharaanaadhiraajyaadikam vaa
kaale drshtvaa kamalavasaterapyakimchitkaraani |
padmaakaamtam pranihitavateem paalaneఽnanyasaadhye
saaraabhij~naa jagati krtinassamsrayamte daye tvaam || ~4~1 ||

praajaapatyaprabhrtivibhavam prekshya paryaayaduhkham
janmaakaamkshan vrshagirivane jagmushaam tasthushaam vaa |
aasaasaanaah katichana vibhoh tvatparishvamgadhanyaih
amgeekaaram kshanamapi daye haardatumgairapaamgaih || ~4~2 ||

naabheepadmasphuranasubhagaa navyaneelotpalaabhaa
kreedaasailam kamapi karune vrnvatee vemkataakhyam |
seetaa nityam prasadanavatee sraddhadhaanaavagaahyaa
divyaa kaachijjayati mahatee deerghikaa taavakeenaa || ~4~3 ||

yasmimdrshte taditarasukhairgamyate goshpadatvam
satyam j~naanam tribhiravadhibhirmuktamaanamdasimdhum |
tvatsveekaaraattamiha krtinassooribrmdaanubhaavyam
nityaapoorvam nidhimiva daye nirvisamtyamjanaadrau || ~4~4 ||

saaram labdhvaa kamapi mahatah sreenivaasaamburaaseh
kaale kaale ghanarasavatee kaalikevaanukampe |
vyaktonmeshaa mrgapatigirau visvamaapyaayayamtee
seelopaj~nam ksharati bhavatee seetalam sadgunaugham || ~4~5 ||

bheeme nityam bhavajalanidhau majjataam maanavaanaa-
maalambaartham vrshagiripatistvannidesaatprayumkte |
praj~naasaaram prakrtimahataa moolabhaagena jushtam
saakhaabhedaissubhagamanagham saasvatam saastrapaanim || ~4~6 ||

vidvatsevaakatakanikashairveetapamkaasayaanaam
padmaakaamtah pranayati daye darpanam te svasaastram |
leelaadakshaam tvadanavasare laalayanvipralipsaam
maayaasaastraanyapi samayitum tvatprapannaprateepaan || ~4~7 || [damayitum]

daivaatpraapte vrshagiritatam dehini tvannidaanaa-
tsvaaminpaaheetyavasavachane vimdati svaapamamtyam |
devah sreemaan disati karune drshtimichchamstvadeeyaa-
mudghaatena srutiparishadaamuttarenaabhimukhyam || ~4~8 ||

sreyassootim sakrdapi daye sammataam yassakheem te
seetodaaraamalabhata janah sreenivaasasya drshtim |
devaadeenaamayamanrnataam dehavattveఽpi vimda-
nbamdhaanmukto balibhiranaghaih pooryate tatprayuktaih || ~4~9 ||

divyaapaamgam disasi karune yeshu saddesikaatmaa
kshipram praaptaa vrshagiripatim kshatrabamdhvaadayaste |
visvaachaaryaa vidhishivamukhaassvaadhikaaroparuddhaa
manye maataa jada iva sute vatsalaa maadrse tvam || ~5~0 ||

atikrpanoఽpi jamturadhigamya daye bhavatee-
masithiladharmasetupadaveem ruchiraamachiraat |
amitamahormijaalamatilamghya bhavaambunidhim
bhavati vrshaachalesapadapattananityadhanee || ~5~1 ||

abhimukhabhaavasampadabhisambhavinaam bhavinaam
kvachidupalakshitaa kvachidabhamguragoodhagatih |
vimalarasaavahaa vrshagireesadaye bhavatee
sapadi sarasvateeva samayatyaghamapratigham || ~5~2 ||

api karune janasya tarunemduvibhooshanataa-
mapi kamalaasanatvamapi dhaama vrshaadripateh |
taratamataavasena tanute nanu te vitatih
parahitavarshmanaa paripachelimakelimatee || ~5~3 ||

dhrtabhuvanaa daye trividhagatyanukoolataraa
vrshagirinaathapaadaparirambhavatee bhavatee |
aviditavaibhavaaఽpi surasimdhurivaatanute
sakrdavagaahamaanamapataapamapaapamapi || ~5~4 ||

nigamasamaasritaa nikhilalokasamrddhikaree
bhajadaghakoolamudvahagatih paritaptahitaa |
prakatitahamsamatsyakamathaadyavataarasataa
vibudhasarichchriyam vrshagireesadaye vahasi || ~5~5 ||

jagati mitampachaa tvaditaraa tu daye taralaa
phalaniyamojjhitaa bhavati samtapanaaya punah |
tvamiha niramkusaprasakanaadivibhootimatee
vitarasi dehinaam niravadhim vrshasailanidhim || ~5~6 ||

sakarunalaukikaprabhuparigrahanigrahayo-
rniyatimupaadhichakraparivrttiparamparayaa |
vrshabhamaheedharesakarune vitaramgayataam
srutimitasampadi tvayi katham bhavitaa visayah || ~5~7 ||

vrshagirikrishnameghajanitaam janitaapaharaam
tvadabhimatim suvrshtimupajeevya nivrttatrshah |
bahushu jalaasayeshu bahumaanamapohya daye
na jahati satpatham jagati chaatakavatkrtinah || ~5~8 ||

tvadudayatoolikaabhiramunaa vrshasailajushaa
sthiratarasilpinaiva parikalpitachitradhiyah |
yatipatiyaamunaprabhrtayah prathayamti daye
jagati hitam na nastvayi bharanyasanaadadhikam || ~5~9 ||

mrduhrdaye daye mrditakaamahite mahite
dhrtavibudhe budheshu vitataatmadhure madhure |
vrshagirisaarvabhaumadayite mayi te mahateem
bhavukanidhe nidhehi bhavamoolaharaam lahareem || ~6~0 ||

akoopaarairekodakasamayavaitamdikajavai-
ranirvaapyaam kshipram kshapayitumavidyaakhyabadabaam |
krpe tvam tattaadrkprathimavrshaprthveedharapati-
svaroopadvaigunyadvigunanijabimduh prabhavasi || ~6~1 ||

vivitsaavetaaleevigamaparisuddheఽpi hrdaye
patupratyaahaaraprabhrtiputapaakaprachakitaah |
namamtastvaam naaraayanasikharikootasthakarune
niruddhatvaddrohaa nrpatisutaneetim na jahati || ~6~2 ||

ananyaadheenassanbhavati paratamtrah pranamataam
krpe sarvadrashtaa na ganayati teshaamapakrtim |
patistvatpaaraarthyam prathayati vrshakshmaadharapati-
rvyavasthaam vaiyaatyaaditi vighatayamtee viharasi || ~6~3 ||

apaam patyussatroonasahanamunerdharmanigalam
krpe kaakasyaikam hitamiti hinasti sma nayanam |
vileenasvaatamtryo vrshagiripatistvadvihrtibhi-
rdisatyevam devo janitasugatim dandanagatim || ~6~4 ||

nishaadaanaam netaa kapikulapatih kaapi sabaree
kuchelah kubjaa saa vrajayuvatayo maalyakrditi |
ameeshaam nimnatvam vrshagiripaterunnatimapi
prabhootaissrotobhih prasabhamanukampe samayasi || ~6~5 ||

tvayaa drshtastushtim bhajati parameshthee nijapade
vahanmoorteerashtau viharati mrdaaneeparibrdhah |
bibharti svaaraajyam vrshasikharisrmgaarikarune
sunaaseero devaasurasamaranaaseerasubhatah || ~6~6 ||

daye dugdhodanvadvyatiyutasudhaasimdhunayata-
stvadaasleshaannityam janitamrtasamjeevanadasaah |
svadamte daamtebhyassrutivadanakarpooragulikaa
vivrnvamtaschittam vrshasikharivisvambharagunaah || ~6~7 ||

jagajjanmasthemapralayarachanaakelirasiko
vimuktyaikadvaaram vighatitakavaatam pranayinaam |
iti tvayyaayattam dvitayamupadheekrtya karune
visuddhaanaam vaachaam vrshasikharinaathasstutipadam || ~6~8 ||

kalikshobhonmeelatkshitikalushakoolamkashajavai-
ranuchchedai retairavatatatavaishamyarahitaih |
pravaahaiste padmaasahacharaparishkaarini krpe
vikalpamteఽnalpaa vrshasikharino nirjharagunaah || ~6~9 ||

khilam chetovrtteh kimidamiti vismerabhuvanam
krpe simhakshmaabhrtkrtamukhachamatkaarakaranam |
bharanyaasachchannaprabalavrjinapraabhrtabhrtaam
pratiprasthaanam te srutinagarasrmgaatakajushah || ~7~0 ||

trividhachidachitsattaasthemapravrttiniyaamikaa
vrshagirivibhorichchaa saa tvam parairaparaahataa |
krpanabharabhrtkimkurvaanaprabhootagunaamtaraa
vahasi karune vaichakshanyam madeekshanasaahase || ~7~1 ||

vrshagiripaterhrdyaa visvaavataarasahaayinee
kshapitanikhilaavadyaa devi kshamaadinishevitaa |
bhuvanajananee pumsaam bhogaapavargavidhaayinee
vitamasi pade vyaktim nityaam bibharshi daye svayam || ~7~2 ||

svayamudayinassiddhaadyaavishkrtaascha subhaalayaa
vividhavibhavavyoohaavaasaah param cha id vibhoh |
vrshagirimukheshveteshvichchaavadhi pratilabdhaye
drdhavinihitaa nisrenistvam daye nijaparvabhih || ~7~3 ||

hitamiti jagaddrshtyaa kluptairakluptaphalaamtarai-
ramativihitairanyairdharmaayitaischa yadrchchayaa |
parinatabahuchchadmaa padmaasahaayadaye svayam
pradisasi nijaabhipretam nah prasaamyadapatrapaa || ~7~4 ||

atividhishivairaisvaryaatmaanubhootirasairjanaa-
nahrdayamihopachchandyaishaamasamgadasaarthinee |
trshitajanataateerthasnaanakramakshapitainasaam
vitarasi daye veetaatamkaa vrshaadripateh padam || ~7~5 ||

vrshagirisudhaasimdhau jamturdaye nihitastvayaa
bhavabhayapareetaapachchittyai bhajannaghamarshanam |
mushitakalusho mukteragresarairabhipooryate
svayamupanataissvaatmaanamdaprabhrtyanubamdhibhih || ~7~6 ||

anitarajushaamamtarmooleఽpyapaayapariplave
krtavidanaghaa vichchidyaishaam krpe yamavasyataam |
prapadanaphalapratyaadesaprasamgavivarjitam
pratividhimupaadhatse saardham vrshaadrihitaishinaa || ~7~7 ||

kshanavilayinaam saastraarthaanaam phalaaya nivesite
pitrsuragane nirvesaatpraagapi pralayam gate |
adhigatavrshakshmaabhrnnaathaamakaalavasamvadaam
pratibhuvamiha vyaachakhyustvaam krpe nirupaplavaam || ~7~8 ||

tvadupasadanaadadya svo vaa mahaapralayeఽpi vaa
vitarati nijam paadaambhojam vrshaachalasekharah |
tadiha karune tattatkreedaataramgaparamparaa-
taratamatayaa jushtaayaaste duratyayataam viduh || ~7~9 ||

pranihitadhiyaam tvatsamprkte vrshaadrisikhaamanau
prasrmarasudhaadhaaraakaaraa praseedati bhaavanaa |
drdhamiti daye dattaasvaadam vimuktivalaahakam
nibhrtagaruto nidhyaayamti sthiraasayachaatakaah || ~8~0 ||

krpe vigatavelayaa krtasamagraposhaistvayaa
kalijvalanadurgate jagati kaalameghaayitam |
vrshakshitidharaadishu sthitipadeshu saanuplavai-
rvrshaadripativigrahairvyapagataakhilaavagrahaih || ~8~1 ||

prasooya vividham jagattadabhivrddhaye tvam daye
sameekshanavichintanaprabhrtibhissvayam taadrsaih |
vichitragunachitritaam vividhadoshavaidesikeem
vrshaachalapatestanum visasi matsyakoormaadikaam || ~8~2 ||

yugaamtasamayochitam bhajati yoganidraarasam
vrshakshitibhrdeesvare viharanakramaajjaagrati |
udeernachaturarnaveekadanavedineem medineem
samuddhrtavatee daye tvadabhijushtayaa damshtrayaa || ~8~3 ||

sataapatalabheeshane sarabhasaattahaasodbhate
sphuratkrudhi parisphutabhrukutikeఽpi vaktre krte |
daye vrshagireesiturdanujadimbhadattastanaa
sarojasadrsaa drsaa samuditaakrtirdrsyase || ~8~4 ||

prasaktamadhunaa vidhipranihitaissaparyodakai-
ssamastaduritachchidaa nigamagamdhinaa tvam daye |
aseshamaviseshatastrijagadamjanaadreesitu-
scharaacharamacheekarascharanapamkajenaamkitam || ~8~5 ||

parasvathatapodhanaprathanasatkrtoopaakrta-
kshiteesvarapasuksharatkshatajakumkumasthaasakaih |
vrshaachaladayaalunaa nanu vihartumaalipyathaah
nidhaaya hrdaye daye nihatarakshitaanaam hitam || ~8~6 ||

krpe krtajagaddhite krpanajamtuchintaamane
ramaasahacharam tadaa raghudhureenayamtyaa tvayaa |
vyabhajyata saritpatissakrdavekshanaattatkshanaa-
tprakrshtabahupaatakaprasamahetunaa setunaa || ~8~7 ||

krpe paravatastvayaa vrshagireesituh kreeditam
jagaddhitamaseshatastadidamitthamarthaapyate |
madachchalaparichyutapranatadushkrtaprekshitai-
rhataprabaladaanavairhaladharasya helaasataih || ~8~8 ||

prabhootavibudhadvishadbharanakhinnavisvambharaa-
bharaapanayanachchalaattvamavataarya lakshmeedharam |
niraakrtavatee daye nigamasaudhadeepasriyaa
vipaschidavigeetayaa jagati geetayaaఽmdham tamah || ~8~9 ||

vrshaadrihayasaadinah prabaladormarutpremkhita-
stvishaa sphutatatidgunastvadavasekasamskaaravaan |
karishyati daye kaliprabalagharmanirmoolanam
punah krtayugaamkuram bhuvi krpaanadhaaraadharah || ~9~0 ||

visvopakaaramiti naama sadaa duhaanaa-
madyaapi devi bhavateemavadheerayamtam |
naathe nivesaya vrshaadripatau daye tvam
nyastasvarakshanabharam tvayi maam tvayaiva || ~9~1 ||

naisargikena tarasaa karune niyuktaa
nimnetareఽpi mayi te vitatiryadi syaat |
vismaapayedvrshagireesvaramapyavaaryaa
velaatilamghanadaseva mahaamburaaseh || ~9~2 ||

vij~naatasaasanagatirvipareetavrttyaa
vrtraadibhih parichitaam padaveem bhajaami |
evam vidhe vrshagireesadaye mayi tvam
deene vibhossamaya dandadharatvaleelaam || ~9~3 ||

maasaahasoktighanakamchukavamchitaanyah
pasyatsu teshu vidadhaamyatisaahasaani |
padmaasahaayakarune na runatsi kim tvam
ghoram kulingasakuneriva cheshtitam me || ~9~4 ||

vikshepamarhasi daye vipalaayiteఽpi
vyaajam vibhaavya vrshasailapatervihaaram |
svaadheenasatvasaranissvayamatra jamtau
draagheeyasee drdhataraa gunavaaguraa tvam || ~9~5 ||

samtanyamaanamaparaadhaganam vichintya
trasyaami hamta bhavateem cha vibhaavayaami |
ahnaaya me vrshagireesadaye jaheemaa-
maaseevishagrahanakelinibhaamavasthaam || ~9~6 ||

autsukyapoorvamupahrtya mahaaparaadhaa-
nmaatah prasaadayitumichchati me manastvaam |
aalihya taanniravaseshamalabdhatrpti-
staamyasyaho vrshagireesadhrtaa daye tvam || ~9~7 ||

jahyaadvrshaachalapatih pratigheఽpi na tvaam
gharmopatapta iva seetalataamudanvaan |
saa maamarumtudabharanyasanaanuvrtti-
stadveekshanaih sprsa daye tava kelipadmaih || ~9~8 ||

drshteఽpi durbaladhiyam damaneఽpi drptam
snaatvaaఽpi dhoolirasikam bhajaneఽpi bheemam |
baddhvaa grhaana vrshasailapaterdaye maam
tvadvaaranam svayamanugrahasrmkhalaabhih || ~9~9 ||

naatah param kimapi me tvayi naathaneeyam
maatardaye mayi kurushva tathaa prasaadam |
baddhaadaro vrshagiripranayee yathaaఽsau
muktaanubhootimiha daasyati me mukumdah || ~1~0~0 ||

nisseemavaibhavajushaam mishataam gunaanaam
stoturdaye vrshagireesagunesvareem tvaam |
taireva noonamavasairabhinamditam me
satyaapitam tava balaadakutobhayatvam || ~1~0~1 ||

adyaapi tadvrshagireesadaye bhavatyaa-
maarambhamaatramanidam prathamastuteenaam |
samdarsitasvaparanirvahanaa sahethaah
mamdasya saahasamidam tvayi vamdino me || ~1~0~2 ||

praayo daye tvadanubhaavamahaamburaasau
praachetasaprabhrtayoఽpi param tatasthaah |
tatraavateernamatalasprsamaaplutam maam
padmaapateh prahasanochitamaadriyethaah || ~1~0~3 ||

vedaamtadesikapade vinivesya baalam
devo dayaasatakametadavaadayanmaam |
vaihaarikena vidhinaa samaye grheetam
veenaaviseshamiva vemkatasailanaathah || ~1~0~4 ||

anavadhimadhikrtya sreenivaasaanukampaa-
mavitathavishayatvaadvisvamavreelayamtee |
vividhakusalaneevee vemkatesaprasootaa
stutiriyamanavadyaa sobhate satvabhaajaam || ~1~0~5 ||

satakamidamudaaram samyagabhyasyamaanaan
vrshagirimadhiruhya vyaktamaalokayamtee |
anitarasaranaanaamaadhiraajyeఽbhishimche-
chchamitavimatapakshaa saarmgadhanvaanukampaa || ~1~0~6 ||

visvaanugrahamaataram vyatishajatsvargaapavargaam sudhaa-
sadhreecheemiva vemkatesvarakavirbhaktyaa dayaamastuta |
padmaanaamiha yadvidheyabhagavatsamkalpakalpadrumaa-
jjamjhaamaarutadhootachootanayatassaampaatikoఽyam kramah || ~1~0~7 ||

kaamam samtu mithah karambitagunaavadyaani padyaani nah
kasyaasmin satake sadambukatake doshasrutim kshaamyati |
nishpratyoohavrshaadrinirjharajharatkaarachchalenochchala-
ddeenaalambanadivyadampatidayaakallolakolaahalah || ~1~0~8 ||

iti sreekavitaarkikasimhasya sarvatamtrasvatamtrasya sreemadvemkatanaathasya vedaamtaachaaryasya krtishu dayaasatakam |