kaste boddhum prabhavati param devadeva prabhaavam
yasmaadittham vividharachanaa srshtireshaa babhoova |
bhaktigraahyastvamiha tadapi tvaamaham bhaktimaatraat
stotum vaa~nchaamyatimahadidam saahasam me sahasva || ~1 ||
kshityaadeenaamavayavavataam nischitam janma taavat
tannaastyeva kvachana kalitam kartradhishthaanaheenam |
naadhishthaatum prabhavati jado naapyaneesascha bhaavah
tasmaadaadyastvamasi jagataam naatha jaane vidhaataa || ~2 ||
indram mitram varunamanilam padmajam vishnumeesam
praahuste te paramashiva te maayayaa mohitaastvaam |
etaih saardham sakalamapi yachchaktilese samaaptam
sa tvam devah srtishu viditah sambhurityaadidevah || ~3 ||
aanamdaabdheh kimapi cha ghaneebhaavamaasthaaya roopam
saktyaa saardham paramamumayaa saasvatam bhogamichchan |
adhvaateete suchidivasakrtkotideepre kapardin
aadye sthaane viharasi sadaa sevyamaano ganeshaih || ~4 ||
tvam vedaantairvividhamahimaa geeyase visvanetah
tvam vipraadyairvarada nikhilairijyase karmabhih svaih |
tvam drshtaanusravikavishayaanandamaatraavitrshnaih
antargranthipravilayakrte chintyase yogibrmdaih || ~5 ||
dhyaayantastvaam katichana bhavam dustaram nistaranti
tvatpaadaabjam vidhivaditare nityamaaraadhayantah |
anye varnaasramavidhirataah paalayantastvadaaj~naam
sarvam hitvaa bhavajalanidhaavesha majjaami ghore || ~6 ||
utpadyaapi smarahara mahatyuttamaanaam kuleఽsmin
aasvaadya tvanmahimajaladherapyaham seekaraanoon |
tvatpaadaarchavimukhahrdayaschaapalaadimdriyaanaam
vyagrastuchcheshvahaha jananam vyarthayaamyesha paapah || ~7 ||
arkadronaprabhrtikusumairarchanam te vidheyam
praapyam tena smarahara phalam mokshasaamraajyalakshmeeh |
etajjaanannapi shiva shiva vyarthayankaalamaatman
aatmadrohee karanavivaso bhooyasaadhah pataami || ~8 ||
kim vaa kurve vishamavishayasvairinaa vairinaaham
baddhah svaamin vapushi hrdayagranthinaa saardhamasmin |
ukshnaa darpajvarabharajushaa saakamekatra naddhah
sraamyanvatsah smarahara yuge dhaavataa kim karotu || ~9 ||
naaham roddhum karananichayam durnayam paarayaami
smaaram smaaram janipatharujam naatha seedaami bheetyaa |
kim vaa kurve kimuchitamiha kvaadya gachchaami hanta
tvatpaadaabjaprapadanamrte naiva pasyaamyupaayam || ~1~0 ||
ullamghyaaj~naamudupatikalaachooda te visvavamdya
tyaktaachaarah pasuvadadhunaa muktalajjascharaami |
evam naanaavidhabhavatatipraaptadeerghaaparaadhah
klesaambhodhim kathamahamrte tvatprasaadaattareyam || ~1~1 ||
kshaamyasyeva tvamiha karunaasaagarah krtsnamaagah
samsaarottham girisa sabhayapraarthanaadainyamaatraat |
yadyapyevam pratikalamaham vyaktamaagassahasram
kurvan mookah kathamiva tathaa nistrapah praarthayeyam || ~1~2 ||
sarvam ksheptum prabhavati janah samsrtipraaptamaagah
chetah svaasaprasamasamaye tvatpadaabje nidhaaya |
tasminkaale yadi mama mano naatha doshatrayaartam
praj~naaheenam purahara bhavet tatkatham me ghateta || ~1~3 ||
praanotkraantivyatikaradalatsandhibamdhe sareere
premaavesaprasaradamitaakramdite bandhuvarge |
antah praj~naamapi shiva bhajannantaraayairanamtaih
aaviddhoఽham tvayi kathamimaamarpayishyaami buddhim || ~1~4 ||
adyaiva tvatpadanalinayorarpayaamyantaraatman
aatmaanam me saha parikarairadrikanyaadhinaatha |
naaham boddhum shiva tava padam nakriyaa yogacharyaah
kartum saknomyanitaragatih kevalam tvaam prapadye || ~1~5 ||
yah srashtaaram nikhilajagataam nirmame poorvameesah
tasmai vedaanadita sakalaanyascha saakam puraanaih |
tam tvaamaadyam gurumahamasaavaatmabuddhiprakaasam
samsaaraartah saranamadhunaa paarvateesam prapadye || ~1~6 ||
brahmaadeen yah smarahara pasoonmohapaasena baddhvaa
sarvaanekaschidachidadhikah kaarayitvaaఽఽtmakrtyam |
yaschaiteshu svapadasaranaanvidyayaa mochayitvaa
saandraanamdam gamayati param dhaama tam tvaam prapadye || ~1~7 ||
bhaktaagryaanaam kathamapi parairyoఽchikitsyaamamartyaih
samsaaraakhyaam samayati rujam svaatmabodhaushadhena |
tam sarvaadheesvara bhavamahaadeerghateevraamayena
klishtoఽham tvaam varada saranam yaami samsaaravaidyam || ~1~8 ||
dhyaato yatnaadvijitakaranairyogibhiryo vimrgyah
tebhyah praanotkramanasamaye sannidhaayaatmanaiva |
tadvyaachashte bhavabhayaharam taarakam brahma devah
tam seveఽham girisa satatam brahmavidyaagurum tvaam || ~1~9 ||
daasoఽsmeeti tvayi shiva mayaa nityasiddham nivedyam
jaanaasyetat tvamapi yadaham nirgatih sambhramaami |
naastyevaanyanmama kimapi te naatha vij~naapaneeyam
kaarunyaanme saranavaranam deenavrttergrhaana || ~2~0 ||
brahmopemdraprabhrtibhirapi svepsitapraarthanaaya
svaaminnagre chiramavasarastoshayadbhih prateekshyah |
draageva tvaam yadiha saranam praarthaye keetakalpah
tadvisvaadheesvara tava krpaameva visvasya deene || ~2~1 ||
karmaj~naanaprachayamakhilam dushkaram naatha pasyan
paapaasaktam hrdayamapi chaapaarayansanniroddhum |
samsaaraakhye purahara mahatyamdhakoope visheedan
hastaalamba prapatanamidam praapyate nirbhayosmi || ~2~2 ||
tvaamevaikam hatajanipathe paanthamasmin prapanche
matvaa janmaprachayajaladheh bibhyatah paarasoonyaat |
yatte dhanyaah suravara mukham dakshinam samsrayanti
klishtam ghore chiramiha bhave tena maam paahi nityam || ~2~3 ||
ekoఽsi tvam shiva janimataameesvaro bandhamuktyoh
klesaamgaaraavalishu luthatah kaa gatistvaam vinaa me |
tasmaadasminniha pasupate ghorajanmapravaahe
khinnam dainyaakaramatibhayam maam bhajasva prapannam || ~2~4 ||
yo devaanaam prathamamasubhadraavako bhaktibhaajaam
poorvam visvaadhika satadhrtim jaayamaanam maharshih |
drshtyaapasyatsakalajagateesrshtisaamarthyadaatryaa
sa tvam gramthipravilayakrte vidyayaa yojayaasmaan || ~2~5 ||
yadyaakaasam subhada manujaascharmavadveshtayeyuh
duhkhasyaantam tadapi purushastvaamavij~naaya naiti |
vij~naanam cha tvayi shiva rte tvatprasaadaanna labhyam
tadduhkhaartah kamiha saranam yaami devam tvadanyam || ~2~6 ||
kim goodhaarthairakrtakavachogumbhanaih kim puraanaih
tantraadyairvaa purushamatibhirdurniroopyaikamatyaih |
kim vaa saastrairaphalakalahollaasamaatrapradhaanaih
vidyaa vidyesvara krtadhiyaam kevalam tvatprasaadaat || ~2~7 ||
paapishtoఽham vishayachapalah santatadrohasaalee
kaarpanyaikasthiranivasatih punyagandhaanabhij~nah |
yadyapyevam tadapi saranam tvatpadaabjam prapannam
nainam deenam smarahara tavopekshitum naatha yuktam || ~2~8 ||
aalochyaivam mayi yadi bhavaannaatha doshaananantaan
asmatpaadaasrayanapadaveem naarhateeti kshipenmaam |
adyaivemam saranavirahaadviddhi bheetyaiva nashtam
graamo grhnaatyahitatanayam kim nu maatraa nirastam || ~2~9 ||
kshamtavyam vaa nikhilamapi me bhootabhaavi vyaleekam
durvyaapaarapravanamathavaa sikshaneeyam mano me |
na tvevaartyaa niratisayayaa tvatpadaabjam prapannam
tvadvinyastaakhilabharamamum yuktameesa prahaatum || ~3~0 ||
sarvaj~nastvam niravadhikrpaasaagarah poornasaktih
kasmaadenam na ganayasi maamaapadabdhau nimagnam |
ekam paapaatmakamapi rujaa sarvatoఽtyantadeenam
jantum yadyuddharasi shiva kastaavataatiprasamgah || ~3~1 ||
atyantaartivyathitamagatim deva maamuddhareti
kshunno maargastva shiva puraa kena vaaఽnaathanaatha |
kaamaalambe bata tadadhikaam praarthanaareetimanyaam
traayasvainam sapadi krpayaa vastutattvam vichintya || ~3~2 ||
etaavantam bhramananichayam praapitoఽyam varaakah
sraantah svaaminnagatiradhunaa mochaneeyastvayaaham |
krtyaakrtyavyapagatamatirdeenasaakhaamrgoఽyam
samtaadyainam dasanavivrtim pasyataste phalam kim || ~3~3 |
maataa taatah suta iti samaabadhya maam mohapaasai-
raapaatyaivam bhavajalanidhau haa kimeesa tvayaaptam |
etaavantam samayamiyateemaartimaapaaditeఽsmin
kalyaanee te kimiti na krpaa kaapi me bhaagyarekhaa || ~3~4 ||
bhumkshe guptam bata sukhanidhim taata saadhaaranam tvam
bhikshaavrttim paramabhinayanmaayayaa maam vibhajya |
maryaadaayaah sakalajagataam naayakah sthaapakastvam
yuktam kim tadvada vibhajanam yojayasvaatmanaa maam || ~3~5 ||
na tvaa janmapralayajaladheruddharaameeti cheddheeh
aastaam tanme bhavatu cha janiryatra kutraapi jaatau |
tvadbhaktaanaamanitarasukhaih paadadhooleekisoraih
aarabdham me bhavatu bhagavan bhaavi sarvam sareeram || ~3~6 ||
keetaa naagaastarava iti vaa kim na samti sthaleshu
tvatpaadaambhoruhaparimalodvaahimandaanileshu |
teshvekam vaa srja punarimam naatha deenaartihaarin
aatoshaanmaam mrda bhavamahaamgaranadyaam luthantam || ~3~7 ||
kaale kamthasphuradasukalaalesasattaavaloka-
vyagrodagravyasanisakalasnigdharuddhopakamthe |
amtastodairavadhirahitaamaartimaapadyamaane-
ఽpyamghridvamdve tava nivisataamantaraatman mamaatmaa || ~3~8 ||
amtarbaashpaakulitanayanaanamtaramgaanapasyan
agre ghosham ruditabahulam kaataraanaamasrnvan |
atyutkraantisramamaganayannamtakaale kapardin
amghridvamdve tavanivisataamantaraatman mamaatmaa || ~3~9 ||
chaarusmeraananasarasijam chandrarekhaavatamsam
phullanmalleekusumakalikaadaamasaubhaagyachoram |
amtah pasyaamyachalasutayaa ratnapeethe nishannam
lokaateetam satatashivadam roopamapraakrtam te || ~4~0 ||
svapne vaapi svarasavikasaddivyapamkeruhaabham
pasyeyam kim tava pasupate paadayugmam kadaachit |
kvaaham paapah kva tava charanaalokabhaagyam tathaapi
pratyaasaam me ghatayati punarvisrutaa teఽnukampaa || ~4~1 ||
bhikshaavrttim chara pitrvane bhootasamghairbhramedam
vij~naatam te charitamakhilam vipralipsoh kapaalin |
aavaikumthadruhinamakhilapraaninaameesvarastvam
naatha svapneఽpyahamiha na te paadapadmam tyajaami || ~4~2 ||
aalepanam bhasitamaavasathah smasaanam
astheeni te satatamaabharanaani samtu |
nihnotumeesa sakalasrutipaarasiddham
aisvaryamambujabhavoఽpi cha na kshamaste || ~4~3 ||
vividhamapi gunaugham vedayantvarthavaadaah
parimitavibhavaanaam paamaraanaam suraanaam |
tanuhimakaramaule taavataa tvatparatve
kati kati jagadeesaah kalpitaa no bhaveyuh || ~4~4 ||
vihara pitrvane vaa visvapaare pure vaa
rajatagiritate vaa ratnasaanusthale vaa |
disa bhavadupakamtham dehi me bhrtyabhaavam
paramashiva tava sreepaadukaavaahakaanaam || ~4~5 ||
balamabalamameeshaam balvajaanaam vichintyam
kathamapi shiva kaalakshepamaatrapradhaanaih |
nikhilamapi rahasyam naatha nishkrshya saakshaat
sarasijabhavamukhyaih saadhitam nah pramaanam || ~4~6 ||
na kimchinmeneఽtah samabhilashaneeyam tribhuvane
sukham vaa duhkham vaa mama bhavatu yadbhaavi bhagavan |
samunmeelatpaathoruhakuharasaubhaagyamushite
padadvamdve chetah parichayamupeyaanmama sadaa || ~4~7 ||
udarabharanamaatram saadhyamuddisya neeche-
shvasakrdupanibaddhaamaahitochchishtabhaavaam |
ahamiha nutibhamgeemarpayityopahaaram
tava charanasaroje taatajaatoఽparaadhee || ~4~8 ||
sarvam sadaashiva sahasva mamaaparaadham
magnam samuddhara mahatyamumaapadabdhau |
sarvaatmanaa tava padaambujameva deenah
svaaminnananyasaranah saranam prapadye || ~4~9 ||
aatmaarpanastutiriyam bhagavannibaddhaa
yadyapyananyamanasaa na mayaa tathaapi |
vaachaapi kevalamayam saranam vrneete
deeno varaaka iti raksha krpaanidhe maam || ~5~0 ||
iti aatmaarpanastutih |
Whether you seek guidance, have inquiries, or wish to share your experiences, our dedicated team is here to assist you on your spiritual journey.