tat j~naanam prasamakaram yadimdriyaanaam
tat j~neyam yadupanishatsunischitaartham |
te dhanyaa bhuvi paramaarthanischitehaah
seshaastu bhramanilaye paribhramamtah || ~1 ||

aadau vijitya vishayaanmadamoharaaga-
dveshaadisatruganamaahrtayogaraajyaah |
j~naatvaa matam samanubhooyaparaatmavidyaa-
kaamtaasukham vanagrhe vicharamti dhanyaah || ~2 ||

tyaktvaa grhe ratimadhogatihetubhootaa-
maatmechchayopanishadartharasam pibamtah |
veetasprhaa vishayabhogapade viraktaa
dhanyaascharamti vijaneshu viraktasamgaah || ~3 ||

tyaktvaa mamaahamiti bandhakare pade dve
maanaavamaanasadrsaah samadarsinascha |
kartaaramanyamavagamya tadarpitaani
kurvamti karmaparipaakaphalaani dhanyaah || ~4 ||

tyaktvaishanaatrayamavekshitamokshamargaa
bhaikshaamrtena parikalpitadehayaatraah |
jyotih paraatparataram paramaatmasamj~nam
dhanyaa dvijaarahasi hrdyavalokayamti || ~5 ||

naasanna sanna sadasanna mahanna chaanu
na stree pumaanna cha napumsakamekabeejam |
yairbrahma tatsamanupaasitamekachittai-
rdhanyaa virejuritare bhavapaasabaddhaah || ~6 ||

aj~naanapamkaparimagnamapetasaaram
duhkhaalayam maranajanmajaraavasaktam |
samsaarabamdhanamanityamavekshya dhanyaa
j~naanaasinaa tadavaseerya vinischayamti || ~7 ||

saamtairananyamatibhirmadhurasvabhaavai-
rekatvanischitamanobhirapetamohaih |
saakam vaneshu viditaatmapadasvarupam
tadvastu samyaganisam vimrsamti dhanyaah || ~8 ||