devaa oochuh |
brahmane brahmavij~naanadugdhodadhi vidhaayine |
brahmatattvadidrkshoonaam brahmadaaya namo namah || ~1 ||

kashtasamsaaramagnaanaam samsaarottaarahetave |
saakshine sarvabhootaanaam saakshiheenaaya te namah || ~2 ||

sarvadhaatre vidhaatre cha sarvadvamdvaapahaarine |
sarvaavasthaasu sarveshaam saakshine vai namo namah || ~3 ||

paraatparaviheenaaya paraaya parameshthine |
parij~naanavataamaattasvaroopaaya namo namah || ~4 ||

padmajaaya pavitraaya padmanaabhasutaaya cha |
padmapushpaih supoojyaaya namah padmadharaaya cha || ~5 ||

surajyeshthaaya suryaadidevataa trptikaarine |
suraasuranaraadeenaam sukhadaaya namo namah || ~6 ||

vedhase visvanetraaya visuddhaj~naanaroopine |
vedavedyaaya vedaamtanidhaye vai namo namah || ~7 ||

vidhaye vidhiheenaaya vidhivaakyavidhaayine |
vidhyukta karmanishthaanaam namo vidyaapradaayine || ~8 ||

virimchaaya visishtaaya visishtaartiharaaya cha |
vishannaanaam vishaadaabdhivinaasaaya namo namah || ~9 ||

namo hiranyagarbhaaya hiranyagirivartine |
hiranyadaanalabhyaaya hiranyaatipriyaaya cha || ~1~0 ||

sataananaaya saamtaaya sankaraj~naanadaayine |
samaadisahitaayaiva j~naanadaaya namo namah || ~1~1 ||

sambhave sambhubhaktaanaam sankaraaya sareerinaam |
saamkaraj~naanaheenaanaam satrave vai namo namah || ~1~2 ||

namah svayambhuve nityam svayam bhoobrahmadaayine |
svayam brahmasvaroopaaya svatamtraaya paraatmane || ~1~3 ||

druhinaaya duraachaaraniratasya duraatmanah |
duhkhadaayaanyajamtoonaam aatmadaaya namo namah || ~1~4 ||

vamdyaheenaaya vamdyaaya varadaaya parasya cha |
varishthaaya varishthaanaam chaturvaktraaya vai namah || ~1~5 ||

prajaapatisamaakhyaaya prajaanaam pataye namah |
praajaapatyaviraktasya namah praj~naapradaayine || ~1~6 ||

pitaamahaaya pitraadikalpanaarahitaaya cha |
pisunaagamyadehaaya pesalaaya namo namah || ~1~7 ||

jagatkartre jagadgoptre jagaddhamtre paraatmane |
jagaddrsyaviheenaaya chinmaatrajyotishe namah || ~1~8 ||

visvotteernaaya visvaaya visvaheenaaya saakshine |
svaprakaasaikamaanaaya namah poornaparaatmane || ~1~9 ||

stutyaaya stutiheenaaya stotraroopaaya tattvatah |
stotrnaamapi sarveshaam sukhadaaya namo namah || ~2~0 ||

iti skaamdapuraane sootasamhitaayaam devakrta brahmastotram ||