krpaapaaraavaaraam tapanatanayaam taapasamaneem
muraaripreyasyaam bhavabhayadavaam bhaktivaradaam |
viyajjvaalonmuktaam sriyamapi sukhaapteh paridinam
sadaa dheero noonam bhajati yamunaam nityaphaladaam || ~1 ||

madhuvanachaarini bhaaskaravaahini jaahnavisamgini simdhusute
madhuripubhooshani maadhavatoshini gokulabheetivinaasakrte |
jagadaghamochini maanasadaayini kesavakelinidaanagate
jaya yamune jaya bheetinivaarini samkatanaasini paavaya maam || ~2 ||

ayi madhure madhumodavilaasini sailavidaarini vegapare
parijanapaalini dushtanishoodini vaamchitakaamavilaasadhare |
vrajapuravaasijanaarjitapaatakahaarini visvajanoddharike
jaya yamune jaya bheetinivaarini samkatanaasini paavaya maam || ~3 ||

ativipadambudhimagnajanam bhavataapasataakulamaanasakam
gatimatiheenamaseshabhayaakulamaagatapaadasarojayugam |
rnabhayabheetimanishkrtipaatakakotisataayutapumjataram
jaya yamune jaya bheetinivaarini samkatanaasini paavaya maam || ~4 ||

navajaladadyutikotilasattanuhemabhayaabhararamjitake
tadidavahelipadaamchalachamchalasobhitapeetasucheladhare |
manimayabhooshanachitrapataasanaramjitagamjitabhaanukare
jaya yamune jaya bheetinivaarini samkatanaasini paavaya maam || ~5 ||

subhapuline madhumattayadoodbhavaraasamahotsavakelibhare
uchchakulaachalaraajitamauktikahaaramayaabhararodasike |
navamanikotikabhaaskarakamchukisobhitataarakahaarayute
jaya yamune jaya bheetinivaarini samkatanaasini paavaya maam || ~6 ||

karivaramauktikanaasikabhooshanavaatachamatkrtachamchalake
mukhakamalaamalasaurabhachamchalamattamadhuvratalochanike |
maniganakumdalalolaparisphuradaakulagamdayugaamalake
jaya yamune jaya bheetinivaarini samkatanaasini paavaya maam || ~7 ||

kalaravanoopurahemamayaachitapaadasaroruhasaarunike
dhimidhimidhimidhimitaalavinoditamaanasamamjulapaadagate |
tava padapamkajamaasritamaanavachittasadaakhilataapahare
jaya yamune jaya bheetinivaarini samkatanaasini paavaya maam || ~8 ||

bhavottaapaambhodhau nipatitajano durgatiyuto
yadi stauti praatah pratidinamananyaasrayatayaa |
hayaahreshaih kaamam karakusumapumjai ravisutaam
sadaa bhoktaa bhogaanmaranasamaye yaati haritaam || ~9 ||