bhedaabhedau sapadigalitau punyapaape viseerne
maayaamohau kshayamadhigatau nashtasamdehavrttee |
sabdaateetam trigunarahitam praapya tattvaavabodham
nistraigunye pathi vicharataam ko vidhih ko nishedhah || ~1 ||

yassvaatmaanam sakalavapushaamekamamtarbahistham
drshtvaa poornam khamiva satatam sarvabhaamdasthamekam |
naanyatkaaryam kimapi cha tathaa kaaranaadbhinnaroopam
nistraigunye pathi vicharataam ko vidhih ko nishedhah || ~2 ||

yadvannadyoఽmbudhimadhigataassaagaratvam prapannaah
taddvajjeevaassamarasagataah chitsvaroopam prapannaah |
vaachaateete samarasaghane sachchidaanamdaroope
nistraigunye pathi vicharataam ko vidhih ko nishedhah || ~3 ||

hemnah kaaryam hutavahagatam hemataameti tadvat
ksheeram ksheere samarasagatam toyamevaambumadhye |
evam sarvam samarasagatam tvam padam tatpadaarthe
nistraigunye pathi vicharataam ko vidhih ko nishedhah || ~4 ||

kaschaatraaham kimapi cha bhavaan koఽyamatra prapanchah
svaamtarvedye gaganasadrse poornatattvaprakaase |
aanamdaakhye samarasaghane baahya amtarvileene
nistraigunye pathi vicharataam ko vidhih ko nishedhah || ~5 ||

drshtvaa sarvam paramamamrtam svaprakaasasvaroopam
budhvaatmaanam vimalamachalam sachchidaanamdaroopam |
brahmaadhaaram sakalajagataam saakshinam nirvisesham
nistraigunye pathi vicharataam ko vidhih ko nishedhah || ~6 ||

kaaryaakaaryam kimapi charato naivakartrtvamasti
jeevanmuktissthitiriha gataa dagdhavastraavabhaasaa |
evam dehe prachalitatayaa drsyamaanassa mukto
nistraigunye pathi vicharataam ko vidhih ko nishedhah || ~7 ||

yasmin visvam sakalabhuvanam saimdhavam simdhumadhye
prthvyambvagnisvasanagaganam jeevabhaavakramena |
yadyalleenam tadidamakhilam sachchidaanamdaroopam
nistraigunye pathi vicharataam ko vidhih ko nishedhah || ~8 ||

satyam satyam paramamamrtam saamti kalyaanahetum
maayaaranye dahanamamalam saamtinirvaanadeepam |
tejoraasim nigamasadanam vyaasaputraashtakam yah
praatahkaale pathati sahasaa yaati nirvaanamaargam || ~9 ||

iti sukaashtakam ||