vittatarsharahitairmanujaanaam
sattamairanisasevyapadaabjam |
chittasuddhimabhilipsuraham draak
dattadevamanisam kalayaami || ~1 ||

kaartaveeryagurumatritanoojam
paadanamrasira aahitahastam |
sreedamukhyaharideesvarapoojyam
dattadevamanisam kalayaami || ~2 ||

naakanaayakasamarchitapaadam
paakachandradhara maulyavataaram |
kokabamdhusamavekshyamahaskam
dattadevamanisam kalayaami || ~3 ||

mookapamgu badhiraadimalokaan
lokatastaditaraanvidadhaanam |
ekavastuparibodhayitaaram
dattadevamanisam kalayaami || ~4 ||

yogadaanata ihaiva haramtam
rogamaasu namataam bhavasamj~nam |
raagamohamukha vairinivrttyai
dattadevamanisam kalayaami || ~5 ||

jaamadagnyamunaye tripuraayaah
j~naanakhamdamavabodhitavamtam |
jaamitaavidalanam natapamkteh
dattadevamanisam kalayaami || ~6 ||

taarakam bhavamahaajalaraaseh
poorakam padanatepsitaraaseh |
vaarakam kalimukhotthabhayaanaam
dattadevamanisam kalayaami || ~7 ||

satyavitsukhaniramtarasaktam
svaamtamaanatajanam vidadhaanam |
sraamtalokatatitoshanachandram
dattadevamanisam kalayaami || ~8 ||

rakshanaaya jagato dhrtadeham
sikshanaaya cha duradhvagataanaam |
rksharaajaparibhaavinitaalam
dattadevamanisam kalayaami || ~9 ||

navaratnamaalikeyam
grathitaa bhaktena kenachidyatinaa |
guruvaracharanaabjayuge
tanmodaayaarpitaa chiram jeeyaat || ~1~0 ||

iti sreejagadguru sreechandrasekharabhaarateesvaamipaadaih virachitaa sree datta navaratnamaalikaa |