kuvalayanibhaa kauseyaardhorukaa mukutojjvalaa
halamusalinee sadbhaktebhyo varaabhayadaayinee |
kapilanayanaa madhye kshaamaa kathoraghanastanee
jayati jagataam maatah saa te varaahamukhee tanuh || ~1 ||
tarati vipado ghoraa dooraatparihriyate bhayam
skhalitamatibhirbhootapretaih svayam vriyate sriyaa |
kshapayati ripooneeshte vaachaam rane labhate jayam
vasayati jagatsarvam vaaraahi yastvayi bhaktimaan || ~2 ||
stimitagatayah seedadvaachah parichyutahetayah
kshubhitahrdayaah sadyo nasyaddrso galitaujasah |
bhayaparavasaa bhagnotsaahaah paraahatapaurushaah
bhagavati purastvadbhaktaanaam bhavamti virodhinah || ~3 ||
kisalayamrdurhastah klisyeta kamdukaleelayaa
bhagavati mahaabhaarah kreedaasaroruhameva te |
tadapi musalam dhatse haste halam samayadruhaam
harasi cha tadaaghaataih praanaanaho tava saahasam || ~4 ||
janani niyatasthaane tvadvaamadakshinapaarsvayo-
-rmrdubhujalataamamdokshepapravaatitachaamare |
satatamudite guhyaachaaradruhaam rudhiraasavai-
-rupasamayataam satroon sarvaanubhe mama daivate || ~5 ||
haratu duritam kshetraadheesah svasaasanavidvishaam
rudhiramadiraamattah praanopahaarabalipriyah |
aviratachatatkurvaddamshtraasthikotiratanmukho
bhagavati sa te chandochchandah sadaa puratah sthitah || ~6 ||
kshubhitamakarairveecheehastoparuddhaparasparai-
-schaturudadhibhih kraamtaa kalpaamtadurlalitodakaih |
janani kathamuttishthet paataalasarpabilaadilaa
tava tu kutile damshtraakotee na chedavalambanam || ~7 ||
tamasi bahule soonyaatavyaam pisaachanisaachara-
-pramathakalahe choravyaaghroragadvipasamkate |
kshubhitamanasah kshudrasyaikaakinoఽpi kuto bhayam
sakrdapi mukhe maatastvannaama sannihitam yadi || ~8 ||
viditavibhavam hrdyaih padyairvaraahamukheestavam
sakalaphaladam poornam mantraaksharairimameva yah |
pathati sa patuh praapnotyaayuschiram kavitaam priyaam
sutasukhadhanaarogyam keertim sriyam jayamurvaraam || ~9 ||
iti sree varaahamukhee stavah |
Whether you seek guidance, have inquiries, or wish to share your experiences, our dedicated team is here to assist you on your spiritual journey.