vamde gajemdravadanam
vaamaamkaaroodhavallabhaaslishtam |
kumkumaparaagasonam
kuvalayineejaarakorakaapeedam || ~1 ||

sa jayati suvarnasailah
sakalajagachchakrasamghatitamoortih |
kaamchananikumjavaatee-
-kamdaladamareeprapanchasamgeetah || ~2 ||

harihayanairrtamaaruta-
-haritaamamteshvavasthitam tasya |
vinumah saanutritayam
vidhiharigaureesavishtapaadhaaram || ~3 ||

madhye punarmanohara-
-ratnaruchistabakaramjitadigamtam |
upari chatuhsatayojana-
-muttumgam srmgapumgavamupaase || ~4 ||

tatra chatuhsatayojana-
-parinaaham devasilpinaa rachitam |
naanaasaalamanoj~nam
namaamyaham nagaramaadividyaayaah || ~5 ||

prathamam sahasrapoorvaka-
-shatsatasamkhyaakayojanam paritah |
valayeekrtasvagaatram
varanam saranam vrajaamyayoroopam || ~6 ||

tasyottare sameerana-
-yojanadoore taramgitachchaayah |
ghatayatu mudam dviteeyo
ghamtaastanasaaranirmitah saalah || ~7 ||

ubhayoramtaraseema-
-nyuddaamabhramararamjitodaaram |
upavanamupaasmahe vaya-
-mooreekrtamamdamaarutasyamdam || ~8 ||

aalimgya bhadrakaalee-
-maaseenastatra harisilaasyaamaam |
manasi mahaakaalo me
viharatu madhupaanavibhramannetrah || ~9 ||

taarteeyeeko varana-
-stasyottaraseemni vaatayojanatah |
taamrena rachitamoorti-
-stanutaamaachandrataarakam bhadram || ~1~0 ||

madhye tayoscha manimaya-
-pallavasaakhaaprasoonapakshmalitaam |
kalpaanokahavaateem
kalaye makaramdapamkilaavaalaam || ~1~1 ||

tatra madhumaadhavasree-
-taruneebhyaam taraladrkchakoraabhyaam |
aalimgitoఽvataanmaa-
-manisam prathamarturaattapushpaastrah || ~1~2 ||

namata taduttarabhaage
naakipathollamghisrmgasamghaatam |
seesaakrtim tureeyam
sitakiranaalokanirmalam saalam || ~1~3 ||

saaladvayaamtaraale
saralaalikapotachaatusubhagaayaam |
samtaanavaatikaayaam
saktam chetoఽstu satatamasmaakam || ~1~4 ||

tatra tapanaatirookshah
saamraaj~neecharanasaamdritasvaamtah |
sukrasuchisreesahito
greeshmarturdisatu keertimaakalpam || ~1~5 ||

uttaraseemani tasyo-
-nnatasikharotkampihaatakapataakah |
prakatayatu panchamo nah
praakaarah kusalamaarakootamayah || ~1~6 ||

praakaarayoscha madhye
pallavitaanyabhrtapanchamonmeshaa |
harichandanadruvaatee-
-harataadaamoolamasmadanutaapam || ~1~7 ||

tatra nabhah sreemukhyai-
-staruneevargaih samanvitah paritah |
vajraattahaasamukharo
vaamchaapoortim tanotu varshartuh || ~1~8 ||

maarutayojanadoore
mahaneeyastasya chottare bhaage |
bhadram krsheeshta shashthah
praakaarah panchalohadhaatumayah || ~1~9 ||

anayormadhye samtata-
-mamkooraddivyakusumagamdhaayaam |
mamdaaravaatikaayaam
maanasamamgeekarotu me vihrtim || ~2~0 ||

tasyaamishorjalakshmee-
-taruneebhyaam saradrtuh sadaa sahitah |
abhyarchayan sa jeeyaa-
-dambaamaamodameduraih kusumaih || ~2~1 ||

tasyarshisamkhyayojana-
-doore dedeepyamaanasrmgaughah |
kaladhautakalitamoortih
kalyaanam disatu saptamah saalah || ~2~2 ||

madhye tayormarutpatha
lamghitavitapaagravirutakalakamthaa |
sreepaarijaatavaatee
sriyamanisam disatu seetaloddesaa || ~2~3 ||

tasyaamatipriyaabhyaam
saha khelan sahasahasyalakshmeebhyaam |
saamamto jhashaketo-
-rhemamto bhavatu hemavrddhyai nah || ~2~4 ||

uttaratastasya mahaa-
-nudbhatahutabhuksikhaarunamayookhah |
tapaneeyakhamdarachita-
-stanutaadaayushyamashtamo varanah || ~2~5 ||

kaadambavipinavaatee-
-manayormadhyabhuvi kalpitaavaasaam |
kalayaami soonakoraka-
-kamdalitaamodatumdilasameeraam || ~2~6 ||

tasyaamatisisiraakrti-
-raaseenastapatapasyalakshmeebhyaam |
shivamanisam kurutaanme
sisirartuh satataseetaladigamtah || ~2~7 ||

tasyaam kadambavaatyaam
tatprasavaamodamilitamadhugamdham |
saptaavaranamanoj~nam
saranam samupaimi mamtrineesaranam || ~2~8 ||

tatraalaye visaale
tapaneeyaarachitataralasopaane |
maanikyamamdapaamta-
-rmahite simhaasane sumanikhachite || ~2~9 ||

bimdutripanchakona-
-dvipanrpavasuvedadalakurekhaadhye |
chakre sadaa nivishtaam
shashthyashtatrimsadaksharesaaneem || ~3~0 ||

taapimchamechakaabhaam
taaleedalaghatitakarnataatamkaam |
taamboolapooritamukheem
taamraadharabimbadrshtadarahaasaam || ~3~1 ||

kumkumapamkiladehaam
kuvalayajeevaatusaavakavatamsaam |
kokanadasonacharanaam
kokilanikvaanakomalaalaapaam || ~3~2 ||

vaamaamgagalitachooleem
vanamaalyakadambamaalikaabharanaam |
muktaalalamtikaamchita
mugdhaalikamilitachitrakodaaraam || ~3~3 ||

karavidhrtakeerasaavaka-
-kalaninadavyaktanikhilanigamaarthaam |
vaamakuchasamgiveenaavaadana-
-saukhyaardhameelitaakshiyugaam || ~3~4 ||

aapaatalaamsukadharaa-
-maadirasonmeshavaasitakataakshaam |
aamnaayasaaragulikaa-
-maadyaam samgeetamaatrkaam vamde || ~3~5 ||

tasya cha suvarnasaala-
-syottaratastarunakumkumachchaayah |
samayatu mama samtaapam
saalo navamah sa pushparaagamayah || ~3~6 ||

anayoramtaravasudhaah
pranumah pratyagrapushparaagamayeeh |
simhaasanesvareemanu-
-chintananistamdrasiddhaneeramdhraah || ~3~7 ||

tatsaalottaradese
tarunajapaakiranadhoraneesonah |
prasamayatu padmaraaga-
-praakaaro mama paraabhavam dasamah || ~3~8 ||

amtarabhookrtavaasaa-
-nanayorapaneetachittavaimatyaan |
chakreseepadabhaktaam-
-schaaranavargaanaharnisam kalaye || ~3~9 ||

saaramgavaahayojanadoore-
-ఽsamghatitaketanastasya |
gomedakena rachito
gopaayatu maam samunnatah saalah || ~4~0 ||

vapradvayaamtarorvyaam
vatukairvividhaischa yogineebrmdaih |
satatam samarchitaayaah
sankarshanyaah pranaumi charanaabjam || ~4~1 ||

taapasayojanadoore
tasya samuttumga gopuropetah |
vaamchaapoortyai bhavataa-
-dvajramaneenikaranirmito vaprah || ~4~2 ||

varanadvitayaamtarato
vaasajusho vihitamadhurasaasvaadaah |
rambhaadivibudhavesyaa
rachayamtu mahaamtamasmadaanamdam || ~4~3 ||

tatra sadaa pravahamtee
tatinee vajraabhidhaa chiram jeeyaat |
chatulormijaalanrtya-
-tkalahamseekulakalakvanitapushtaa || ~4~4 ||

rodhasi tasyaa ruchire
vajresee jayati vajrabhooshaadhyaa |
vajrapradaanatoshita-
-vajrimukhatridasavinutachaaritraa || ~4~5 ||

tasyodeechyaam hariti
stavakitasushamaavaleedhaviyadamtah |
vaidooryaratnarachito
vaimalyam disatu chetaso varanah || ~4~6 ||

adhimadhyametayoh puna-
-rambaacharanaavalambitasvaamtaan |
kaarkotakaadinaagaan
kalayaamah kim cha balimukhaan danujaan || ~4~7 ||

gamdhavahasamkhyayojana-
-doore gaganordhvajaamghikastasya |
vaasavamanipraneeto
varano bahalayatu vaidusheem visadaam || ~4~8 ||

madhyakshonyaamanayo-
-rmahemdraneelaatmakaani cha saraamsi |
saatodareesahaayaa-
-nbhoopaalaanapi punah punah pranumah || ~4~9 ||

aasugayojanadoore
tasyordhvam kaamtidhavalitadigamtah |
muktaavirachitagaatro
muhurasmaakam mude bhavatu saalah || ~5~0 ||

aavrttyoradhimadhyam
poorvasyaam disi puramdarah sreemaan |
abhramuvitaadhiroodho
vibhramamasmaakamanisamaatanutaat || ~5~1 ||

tatkone vyajanasru-
-ktomarapaatrasruvaannasaktidharah |
svaahaasvadhaasametah
sukhayatu maam havyavaahanah suchiram || ~5~2 ||

dakshinadigamtaraale
dandadharo neelaneeradachchaayah |
tripuraapadaabjabhaktastirayatu
mama nikhilamamhasaam nikaram || ~5~3 ||

tasyaiva paschimaayaam
disi dalitemdeevaraprabhaasyaamah |
khetaasiyashtidhaaree
khedaanapanayatu yaatudhaano me || ~5~4 ||

tasyaa uttaradese
dhavalaamgo vipulajhashavaraaroodhah |
paasaayudhaattapaanih
paasee vidalayatu paasajaalaani || ~5~5 ||

vamde taduttarahari-
-tkone vaayum chamooruvaravaaham |
korakitatattvabodhaa-
-ngorakshapramukhayoginoఽpi muhuh || ~5~6 ||

taruneeridaapradhaanaa-
-stisro vaatasya tasya krtavaasaah |
pratyagrakaapisaayana-
-paanaparibhraamtalochanaah kalaye || ~5~7 ||

tallokapoorvabhaage
dhanadam dhyaayaami sevadhikulesam |
api maanibhadramukhyaa-
-nambaacharanaavalambino yakshaan || ~5~8 ||

tasyaiva poorvaseemani
tapaneeyaarachitagopure nagare |
kaatyaayaneesahaayam
kalaye seetaamsukhamdachoodaalam || ~5~9 ||

tatpurashodasavarana-
-sthalabhaajastarunachandrachoodaalaan |
rudraadhyaaye pathitaa-
-nrudraaneesahacharaanbhaje rudraan || ~6~0 ||

pavamaanasamkhyayojana-
-doore baalatrnmechakastasya |
saalo marakatarachitah
sampadamachalaam sriyam cha pushnaatu || ~6~1 ||

aavrtiyugmaamtarato
haritamaneenivahamechake dese |
haatakataaleevipinam
haalaaghataghatitavitapamaakalaye || ~6~2 ||

tatraiva mamtrineegrha-
-parinaaham taralaketanam sadanam |
marakatasaudhamanoj~nam
dadyaadaayoomshi dandanaathaayaah || ~6~3 ||

sadane tatra harinmani-
-samghatite mamdape satastambhe |
kaartasvaramayapeethe
kanakamayaamburuhakarnikaamadhye || ~6~4 ||

bimdutrikonavartula-
-shadasravrttadvayaanvite chakre |
samchaarinee dasottara-
sataarnamanuraajakamalakalahamsee || ~6~5 ||

kolavadanaa kusesaya-
-nayanaa kokaarimamditasikhamdaa |
samtaptakaamchanaabhaa
sandhyaarunachelasamvrtanitambaa || ~6~6 ||

halamusalasamkhachakraa-
-ఽmkusapaasaabhayavarasphuritahastaa |
koolamkashaanukampaa
kumkumajambaalitastanaabhogaa || ~6~7 ||

dhoortaanaamatidooraa-
-vaartaaseshaavalagnakamaneeyaa |
aartaaleesubhadaatree
vaartaalee bhavatu vaamchitaarthaaya || ~6~8 ||

tasyaah parito devih
svapnesyunmattabhairaveemukhyaah |
pranamata jambhinyaadyaah
bhairavavargaamscha hetukapramukhaan || ~6~9 ||

poorvoktasamkhyayojana-
-doore pooyaamsupaatalastasya |
vidraavayatu madaartim
vidrumasaalo visamkatadvaarah || ~7~0 ||

aavaranayoraharnisa-
-mamtarabhoomauprakaasasaalinyaam |
aaseenamambujaasana-
-mabhinavasimdooragauramahameede || ~7~1 ||

varanasya tasya maaruta-
-yojanato vipulagopuradvaarah |
saalo naanaaratnaih
samghatitaamgah krsheeshta madabheeshtam || ~7~2 ||

amtarakakshyaamanayo-
-raviralasobhaapichandiloddesaam |
maanikyamamdapaakhyaam
mahateemadhihrdayamanisamaakalaye || ~7~3 ||

tatra sthitam prasannam
tarunatamaalapravaalakiranaabham |
karnaavalambikumdala-
-kamdalitaabheesukavachitakapolam || ~7~4 ||

sonaadharam suchismita-
-menaamkavadanamedhamaanakrpam |
mugdhainamadaviseshaka-
-mudritanitilemdurekhikaaruchiram || ~7~5 ||

naaleekadalasahodara-
-nayanaamchalaghatitamanasijaakootam |
kamalaakathinapayodhara-
-kastooreeghusrnapamkiloraskam || ~7~6 ||

chaampeyagamdhikaisyam
sampaasabrahmachaarikauseyam |
sreevatsakaustubhadharam
sritajanarakshaadhureenacharanaabjam || ~7~7 ||

kambusudarsanavilasa-
-tkarapadmam kamthalolavanamaalam |
muchukumdamokshaphaladam
mukumdamaanamdakamdamavalambe || ~7~8 ||

tadvaranottarabhaage
taaraapatibimbachumbinijasrmgah |
vividhamaneeganaghatito
vitaratu saalo vinirmalaam dhishanaam || ~7~9 ||

praakaaradvitayaamtara-
-kakshyaam prthuratnanikarasamkeernaam |
namata sahasrastambhaka-
-mamdapanaamnaativisrutaam bhuvane || ~8~0 ||

pranumastatra bhavaanee-
-sahacharameesaanamimdukhamdadharam |
srmgaaranaayikaamanu-
-seelanabhaajoఽpi bhrmginamdimukhaan || ~8~1 ||

tasyainavaahayojana-
-doore vamde manomayam vapram |
amkooranmanikiranaa-
-mamtarakakshyaam cha nirmalaamanayoh || ~8~2 ||

tatraivaamrtavaapeem
taralataramgaavaleedhatatayugmaam |
muktaamayakalahamsee-
-mudritakanakaaravimdasamdohaam || ~8~3 ||

sakropalamayabhrmgee-
-samgeetonmeshaghoshitadigamtaam |
kaamchanamayaamgavilasa-
-tkaaramdavashamdataandavamanoj~naam || ~8~4 ||

kuruvimdaatmakahallaka-
-korakasushamaasamoohapaatalitaam |
kalaye sudhaasvaroopaam
kamdalitaamamdakairavaamodaam || ~8~5 ||

tadvaapikaamtaraale tarale
manipotaseemni viharamteem |
simdoorapaatalaamgeem
sitakiranaamkoorakalpitavatamsaam || ~8~6 ||

parvemdubimbavadanaam
pallavasonaadharasphuritahaasaam |
kutilakabareem kuramgee-
-sisunayanaam kumdalasphuritagamdaam || ~8~7 ||

nikatasthapotanilayaah
sakteeh sayavidhrtahemasrmgajalaih |
parishimchamteem parita-
-staaraam taarunyagarvitaam vamde || ~8~8 ||

praaguktasamkhyayojanadoore
pranamaami buddhimayasaalam |
anayoramtarakakshyaa-
-mashtaapadapushtamedineem ruchiraam || ~8~9 ||

kaadambareenidhaanaam
kalayaamyaanamdavaapikaam tasyaam |
sonaasmanivahanirmita-
-sopaanasrenisobhamaanatateem || ~9~0 ||

maanikyataraninilayaam
madhye tasyaa madaarunakapolaam |
amrteseetyabhidhaanaa-
-mamtah kalayaami vaaruneem devim || ~9~1 ||

sauvarnakenipaatana-
-hastaah saumdaryagarvitaa devyah |
tatpuratah sthitibhaajo
vitaramtvasmaakamaayusho vrddhim || ~9~2 ||

tasya prshadasvayojana-
-dooreఽhamkaarasaalamatitumgam |
vamde tayoscha madhye
kakshyaam valamaanamalayapavamaanaam || ~9~3 ||

vinumo vimarsavaapeem
saushumnasudhaasvaroopineem tatra |
velaatilamghyaveechee-
-kolaahalabharitakoolavanavaateem || ~9~4 ||

tatraiva salilamadhye
taapimchadalaprapanchasushamaabhaam |
syaamalakamchukalasitaam
syaamaavitabimbadambaraharaasyaam || ~9~5 ||

aabhugnamasrnachillee-
-hasitaayugmasarakaarmukavilaasaam |
mamdasmitaamchitamukheem
manimayataatamkamamditakapolaam || ~9~6 ||

kuruvimdataraninilayaam
kulaachalaspardhikuchanamanmadhyaam |
kumkumaviliptagaatreem
kurukullaam manasi kurmahe satatam || ~9~7 ||

tatsaalottarabhaage
bhaanumayam vapramaasraye deeptam |
madhyam cha vipulamanayo-
-rmanye visraamtamaatapodgaaram || ~9~8 ||

tatra kuruvimdapeethe
taamarase kanakakarnikaaghatite |
aaseenamarunavaasasa-
-mamlaanaprasavamaalikaabharanam || ~9~9 ||

chakshushmateeprakaasana-
-saktichchaayaasamaarachitakelim |
maanikyamukutaramyam
manye maartaamdabhairavam hrdaye || ~1~0~0 ||

imdumayasaalameede
tasyottaratastushaaragirigauram |
atyamtasisiramaaruta-
-manayormadhyam cha chandrikodgaaram || ~1~0~1 ||

tatra prakaasamaanam
taaraanikaraih parishkrtoddesam |
amrtamayakaamtikamdala-
-mamtah kalayaami kumdasitamimdum || ~1~0~2 ||

srmgaarasaalameede
srmgollasitam taduttare bhaage |
madhyasthale tayorapi
mahitaam srmgaarapoorvikaam parikhaam || ~1~0~3 ||

tatra maninausthitaabhi-
-stapaneeyaavirachitaagrahastaabhih |
srmgaaradevataabhih
sahitam parikhaadhipam bhaje madanam || ~1~0~4 ||

srmgaaravaranavaryasyottaratah
sakalavibudhasamsevyam |
chintaamaniganarachitam
chintaam dooreekarotu me sadanam || ~1~0~5 ||

manisadanasaalayoradhi-
-madhyam dasataalabhoomiruhadeerghaih |
parnaih suvarnavarnai-
-ryuktaam kaamdaischa yojanottumgaih || ~1~0~6 ||

mrdulaistaaleepanchaka-
-maanairmilitaam cha kesarakadambaih |
samtatagalitamaramda-
-srotoniryanmilimdasamdohaam || ~1~0~7 ||

paateerapavanabaalaka-
-dhaateeniryatparaagapimjaritaam |
kalahamseekulakalakala-
-koolamkashaninadanichayakamaneeyaam || ~1~0~8 ||

padmaataveem bhajaamah
parimalakallolapakshmalopaamtaam |
[* devyarghyapaatradhaaree
tasyaah poorvadisi dasakalaayuktah | *]
valayitamoortirbhagavaa-
-nvahnih krosonnataschiram paayaat || ~1~0~9 ||

tatraadhaare devyaah
paatreeroopah prabhaakarah sreemaan |
dvaadasakalaasameto
dhvaamtam mama bahulamaamtaram bhimdyaat || ~1~1~0 ||

tasmin dinesapaatre
taramgitaamodamamrtamayamarghyam |
chandrakalaatmakamamrtam
saamdreekuryaadamamdamaanamdam || ~1~1~1 ||

amrte tasminnabhito
viharamtyo vividhamanitaranibhaajah |
shodasa kalaah sudhaamsoh
sokaaduttaarayamtu maamanisam || ~1~1~2 ||

tatraiva vihrtibhaajo
dhaatrmukhaanaam cha kaaranesaanaam |
srshtyaadiroopikaastaah
samayamtvakhilaah kalaascha samtaapam || ~1~1~3 ||

keenaasavarunakinnara-
-raajadigamteshu ratnagehasya |
kalayaami taanyajasram
kalayamtvaayushyamarghyapaatraani || ~1~1~4 ||

paatrasthalasya puratah
padmaaramanavidhipaarvateesaanaam |
bhavanaani sarmane no
bhavamtu bhaasaa pradeepitajagamti || ~1~1~5 ||

sadanasyaanalakone
satatam pranamaami kumdamaagneyam |
tatra sthitam cha vahnim
taralasikhaajatilamambikaajanakam || ~1~1~6 ||

tasyaasuradisi taadrsa-
-ratnaparisphuritaparvanavakaadhyam |
chakraatmakam sataamgam
satayojanamunnatam bhaje divyam || ~1~1~7 ||

tatraiva disi nishannam
tapaneeyadhvajaparamparaaslishtam |
rathamaparam cha bhavaanyaa
rachayaamo manasi ratnamayachoodam || ~1~1~8 ||

bhavanasya vaayubhaage
parishkrto vividhavaijayamteebhih |
rachayatu mudam rathemdrah
sachivesaanyaah samastavamdyaayaah || ~1~1~9 ||

kurmoఽdhihrdayamanisam
krodaasyaayaah sataamgamoordhanyam |
rudradisi ratnadhaamno
ruchirasalaakaaprapanchakamchukitam || ~1~2~0 ||

parito devidhaamnah
praneetavaasaa manusvaroopinyah |
kurvamtu rasmimaalaa-
-krtayah kusalaani devataa nikhilaah || ~1~2~1 ||

praagdvaarasya bhavaanee-
-dhaamnah paarsvadvayaarachitavaase |
maatamgeekitimukhyau
manisadane manasi bhaavayaami chiram || ~1~2~2 ||

yojanayugalaabhogaa
tatkrosaparinaahayaiva bhittyaa cha |
chintaamanigrhabhoomi-
-rjeeyaadaamnaayamayachaturdvaaraa || ~1~2~3 ||

dvaare dvaare dhaamnah
pimdeebhootaa naveenabimbaabhaah |
vidadhatu vipulaam keertim
divyaa lauhityasiddhyo devyah || ~1~2~4 ||

manisadanasyaamtarato
mahaneeye ratnavedikaamadhye |
bimdumayachakrameede
peethaanaamupari virachitaavaasam || ~1~2~5 ||

chakraanaam sakalaanaam
prathamamadhah seemaphalakavaastavyaah |
animaadisiddhayo maa-
-mavamtu devi prabhaasvaroopinyah || ~1~2~6 ||

animaadisiddhiphalaka-
-syopariharinaamkakhamdakrtachoodaah |
bhadram pakshmalayamtu
braahmeepramukhaascha maataroఽsmaakam || ~1~2~7 ||

tasyopari maniphalake
taarunyottumgapeenakuchabhaaraah |
samkshobhineepradhaanaah
bhraamti vidraavayamtu dasa mudraah || ~1~2~8 ||

phalakatrayasvaroope
prthule trailokyamohane chakre |
deevyamtu prakataakhyaa-
-staasaam kartreem cha bhagavatee tripuraa || ~1~2~9 ||

tadupari vipule dhishnye
taraladrsastarunakokanadabhaasah |
kaamaakarshinyaadyaah
kalaye devih kalaadharasikhamdaah || ~1~3~0 ||

sarvaasaaparipoorakachakre-
-ఽsmin guptayogineesevyaah |
tripuresee mama duritam
tudyaat kamthaavalambimanihaaraa || ~1~3~1 ||

tasyopari manipeethe
taamraambhoruhadalaprabhaasonaah |
dhyaayaamyanamgakusumaa-
-pramukhaa devischa vidhrtakoorpaasaah || ~1~3~2 ||

samkshobhakaarakeఽsmim-
-schakre sreetripurasumdaree saakshaat |
goptree guptataraakhyaah
gopaayatu maam krpaardrayaa drshtyaa || ~1~3~3 ||

samkshobhineepradhaanaah
sakteestasyordhvavalayakrtavaasaah |
aalolaneelavenee-
-ramtah kalayaami yauvanonmattaah || ~1~3~4 ||

saubhaagyadaayakeఽsmim-
-schakresee tripuravaasinee jeeyaat |
sakteescha sampradaayaabhidhaah
samastaah pramodayamtvanisam || ~1~3~5 ||

manipeethopari taasaam
mahati chaturhastavistrte valaye |
samtatavirachitavaasaah
sakteeh kalayaami sarvasiddhimukhaah || ~1~3~6 ||

sarvaarthasaadhakaakhye
chakreఽmushmin samastaphaladaatree |
tripuraa sreermama kusalam
disataadutteernayogineesevyaa || ~1~3~7 ||

taasaam nilayasyopari
dhishnye kausumbhakamchukamanoj~naah |
sarvaaj~naadyaah devyah
sakalaah sampaadayamtu mama keertim || ~1~3~8 ||

chakre samastarakshaa-
-karanaamnyasmin samastajanasevyaam |
manasi nigarbhaasahitaam
manye sreetripuramaalineem devim || ~1~3~9 ||

sarvaj~naasadanasyopari
chakre vipule samaakalitagehaah |
vamde vasineemukhyaah
sakteeh simdoorarenuruchah || ~1~4~0 ||

sreesarvarogaharaakhya-
-chakreఽsmimstripurapoorvikaam siddhaam |
vamde rahasyanaamnaa
vedyaabhih saktibhih sadaa sevyaam || ~1~4~1 ||

vasineegrhoparishtaa-
-dvimsatihastonnate mahaapeethe |
samayamtu satrubrmdam
sastraanyastraani chaadidampatyoh || ~1~4~2 ||

sastrasadanoparishtaa-
-dvalaye valavairiratnasamghatite |
kaamesvareepradhaanaah
kalaye devih samastajanavamdyaah || ~1~4~3 ||

chakreఽtra sarvasiddhiprada-
-naamani sarvaphaladaatree |
tripuraambaavatu satatam
paraapararahasyayogineesevyaa || ~1~4~4 ||

kaamesvareegrhoparivalaye
vividhamanusampradaayaj~naah |
chatvaaro yuganaathaa
jayamtu mitresapoorvakaah guravah || ~1~4~5 ||

naathabhavanoparishtaa-
-nnaanaaratnachayamedure peethe |
kaamesyaadyaa nityaah
kalayamtu mudam tithisvaroopinyah || ~1~4~6 ||

nityaasadanasyopari
nirmalamaninivahavirachite dhishnye |
kusalam shadamgadevyah
kalayamtvasmaakamuttaralanetraah || ~1~4~7 ||

sadanasyopari taasaam
sarvaanamdamayanaamake bimdau |
panchabrahmaakaaraam
mamcham pranamaami maniganaakeernam || ~1~4~8 ||

parito manimamchasya
pralambamaanaa niyamtritaa paasaih |
maayaamayee javanikaa
mama duritam haratu mechakachchaayaa || ~1~4~9 ||

mamchasyopari lamba-
-nmadaneepunnaagamaalikaabharitam |
harigopamayavitaanam
harataadaalasyamanisamasmaakam || ~1~5~0 ||

paryamkasya bhajaamah
paadaanbimbaambudemduhemaruchah |
ajaharirudresamayaa-
-nanalaasuramaarutesakonasthaan || ~1~5~1 ||

phalakam sadaashivamayam
pranaumi simdoorarenukiranaabham |
aarabhyaamgeseenaam
sadanaatkalitam cha ratnasopaanam || ~1~5~2 ||

pattopadhaanagamdaka-
-chatushtayasphuritapaatalaastaranam |
paryamkopari ghatitam
paatu chiram hamsatoolasayanam nah || ~1~5~3 ||

tasyopari nivasamtam
taarunyasreenishevitam satatam |
aavrmtapullahallaka-
-mareechikaapumjamamjulachchaayam || ~1~5~4 ||

simdoorasonavasanam
seetaamsustabakachumbitakireetam |
kumkumatilakamanohara-
-kutilaalikahasitakumudabamdhusisum || ~1~5~5 ||

poornemdubimbavadanam
phullasarojaatalochanatritayam |
taralaapaamgataramgita-
-sapharaamkanasaastrasampradaayaartham || ~1~5~6 ||

manimayakumdalapushya-
-nmareechikallolamaamsalakapolam |
vidrumasahodaraadhara-
-visrmarasusmitakisorasamchaaram || ~1~5~7 ||

aamodikusumasekhara-
-maaneelabhroolataayugamanoj~nam |
veeteesaurabhaveechee-
-dvigunitavaktraaravimdasaurabhyam || ~1~5~8 ||

paasaamkusekshuchaapa-
-prasavasarasphuritakomalakaraabjam |
kaasmeerapamkilaamgam
kaamesam manasi kurmahe satatam || ~1~5~9 ||

tasyaamkabhuvi nishannaam
tarunakadambaprasoonakiranaabhaam |
seetaamsukhamdachoodaam
seemamtanyastasaamdrasimdooraam || ~1~6~0 ||

kumkumalalaamabhaasva-
-nnitilaam kutilatarachillikaayugalaam |
naaleekatulyanayanaam
naasaamchalanatitamauktikaabharanaam || ~1~6~1 ||

amkuritamamdahaasa-
-marunaadharakaamtivijitabimbaabhaam |
kastooreemakareeyuta-
-kapolasamkraamtakanakataatamkaam || ~1~6~2 ||

karpoorasaamdraveetee-
-kabalitavadanaaravimdakamaneeyaam |
kambusahodarakamtha-
-pralambamaanaachchamauktikakalaapaam || ~1~6~3 ||

kahlaaradaamakomala-
-bhujayugalasphuritaratnakeyooraam |
karapadmamoolavilasa-
-tkaamchanamayakatakavalayasamdohaam || ~1~6~4 ||

paanichatushtayavilasa-
-tpaasaamkusapumdrachaapapushpaastraam |
koolamkashakuchasikharaam
kumkumakardamitaratnakoorpaasaam || ~1~6~5 ||

anudaayaadavalagnaa-
-mambudasobhaasanaabhiromalataam |
maanikyakhachitakaamchee-
-mareechikaakraamtamaamsalanitambaam || ~1~6~6 ||

karabhorukaamdayugalaam
jamghaajitakaamajaitratooneeraam |
prapadaparibhootakoormaam
pallavasachchaayapadayugamanoj~naam || ~1~6~7 ||

kamalabhavakamjalochana-
-kireetaratnaamsuramjitapadaabjaam |
unmastakaanukampaa-
-muttaralaapaamgaposhitaanamgaam || ~1~6~8 ||

aadimarasaavalambaa-
-manidam prathamoktivallareekalikaam |
aabrahmakeetajananee-
-mamtah kalayaami sumdareemanisam || ~1~6~9 ||

kastu kshitau pateeyaa-
-nvastu stotum shivaamkavaastavyam |
astu chiramtanasukrtaih
prastutakaamyaaya tanmama purastaat || ~1~7~0 ||

prabhusammitoktigamyam
paramasivotsamgatumgaparyamkam |
tejah kimchana divyam
purato me bhavatu pumdrakodandam || ~1~7~1 ||

madhurimabharitasaraasam
makaramdasyamdimaarganodaaram |
kairavineevitachoodam
kaivalyaayaastu kimchana maho nah || ~1~7~2 ||

akshudramikshuchaapam
parokshamavalagnaseemni tryaksham |
kshapayatu me kshemetara-
-muksharathapremapakshmalam tejah || ~1~7~3 ||

bhrmgaruchisamgarakaraapaamgam
srmgaaratumgamarunaamgam |
mangalamabhamguram me
ghatayatu gamgaadharaamgasamgi mahah || ~1~7~4 ||

prapadaajitakoormamoorjita-
-karunam bharmaruchinirmathanadeham |
sritavarma marma sambhoh
kimchana mama narma sarma nirmaatu || ~1~7~5 ||

kaalakuralaalikaalima-
-kamdalavijitaali vidhrtamanivaali |
milatu hrdi pulinajaghanam
bahulitagalagaralakeli kimapi mahah || ~1~7~6 ||

kumkumatilakitaphaalaa
kuruvimdachchaayapaataladukoolaa |
karunaapayodhivelaa
kaachana chitte chakaastu me leelaa || ~1~7~7 ||

pushpamdhayaruchivenyah
pulinaabhogatrapaakarasrenyah |
jeeyaasurikshupaanyah
kaaschana kaamaarikelisaakshinyah || ~1~7~8 ||

tapaneeyaamsukabhaamsi
draakshaamaadhuryanaastikavachaamsi |
katichana sucham mahaamsi
kshapayatu kapaalitoshitamanaamsi || ~1~7~9 ||

asitakachamaayataaksham
kusumasaram koolamudvahakrpaardram |
aadimarasaadhidaivata-
-mamtah kalaye haraamkavaasi mahah || ~1~8~0 ||

karnopaamtataramgita-
-kataakshavispamdikamthadaghnakrpaam |
kaamesvaraamkanilayaam
kaamapi vidyaam puraataneem kalaye || ~1~8~1 ||

aravimdakaamtyarumtuda-
-vilochanadvamdvasumdaramukhemdu |
chandah kamdalamamdira-
-mamtahpuramaimdusekharam vamde || ~1~8~2 ||

bimbinikurambadambara-
-vidambakachchaayamambaravalagnam |
kambugalamambudakucham
bimbokam kamapi chumbatu mano me || ~1~8~3 ||

kamapi kamaneeyaroopam
kalayaamyamtah kadambakusumaadhyam |
champakaruchirasuveshaih
sampaaditakaamtyalamkrtadigamtam || ~1~8~4 ||

sampaaruchibhara-
-garhaasampaadakakaamtikavachitadigamtam |
siddhaamtam nigamaanaam
suddhaamtam kimapi soolinah kalaye || ~1~8~5 ||

udyaddinakarasonaa-
-nutpalabamdhustanamdhayaapeedaan |
karakalitapumdrachaapaa-
-nkalaye kaanapi kapardinah praanaan || ~1~8~6 ||

rasanaalasajjaghanayaa
rasanaajeevaatuchaapabhaasurayaa |
ghraanaayushkarasarayaa
ghraatam chittam kayaapi vaasanayaa || ~1~8~7 ||

sarasijasahayudhvadrsaa
sampaalatikaasanaabhivigrahayaa |
bhaasaa kayaapi cheto
naasaamanisobhivadanayaa bharitam || ~1~8~8 ||

navayaavakaabhasichayaanvitayaa
gajayaanayaa dayaaparayaa |
dhrtayaamineesakalayaa
dhiyaa kayaapi kshataamayaa hi vayam || ~1~8~9 ||

alamalamakusumabaanai-
-rabimbasonairapumdrakodandaih |
akumudabaamdhavachoodai-
-ranyairiha jagati daivatam manyaih || ~1~9~0 ||

kuvalayasadrkshanayanaih
kulagirikootasthabamdhukuchabhaaraih |
karunaaspamdikataakshaih
kavachitachittoఽsmi katipayaih kutukaih || ~1~9~1 ||

natajanasulabhaaya namo
naaleekasanaabhilochanaaya namah |
namditagirisaaya namo
mahase navaneepapaatalaaya namah || ~1~9~2 ||

kaadambakusumadaamne
kaayachchaayaakanaayitaaryamne |
seemne chiramtanagiraam
bhoomne kasmaichidaadade pranatim || ~1~9~3 ||

kutilakabareebharebhyah
kumkumasabrahmachaarikiranebhyah |
koolamkashastanebhyah
kurmah pranatim kulaadrikutukebhyah || ~1~9~4 ||

kokanadasonacharanaa-
-tkomalakuralaalivijitasaivaalaat |
utpalasagamdhinayanaa-
-durareekurmo na devatamaanyaam || ~1~9~5 ||

aapaatalaadharaanaa-
-maaneelasnigdhabarbarakachaanaam |
aamnaayajeevanaanaa-
-maakootaanaam harasya daasoఽham || ~1~9~6 ||

pumkhitavilaasahaasa-
-sphuritaasu puraahitaamkanilayaasu |
magnam mano madeeyam
kaasvapi kaamaarijeevanaadeeshu || ~1~9~7 ||

lalitaa paatu siro me
lalaatamambaa cha madhumateeroopaa |
bhrooyugmam cha bhavaanee
pushpasaraa paatu lochanadvamdvam || ~1~9~8 ||

paayaannaasaam baalaa
subhagaa damtaamscha sumdaree jihvaam |
adharoshthamaadisakti-
-schakresee paatu me chiram chibukam || ~1~9~9 ||

kaamesvaree cha karnau
kaamaakshee paatu gamdayoryugalam |
srmgaaranaayikaavyaa-
-dvadanam simhaasanesvaree cha galam || ~2~0~0 ||

skandaprasooscha paatu
skandhau baahoo cha paatalaamgee me |
paanee cha padmanilayaa
paayaadanisam nakhaavaleervijayaa || ~2~0~1 ||

kodamdinee cha vakshah
kukshim chaavyaat kulaachalatanoojaa |
kalyaanee cha valagnam
katim cha paayaatkalaadharasikhamdaa || ~2~0~2 ||

oorudvayam cha paayaa-
-dumaa mrdaanee cha jaanunee rakshet |
jamghe cha shodasee me
paayaat paadau cha paasasrnihastaa || ~2~0~3 ||

praatah paatu paraa maam
madhyaahne paatu manigrhaadheesaa |
sarvaanyavatu cha saayam
paayaadraatrau cha bhairavee saakshaat || ~2~0~4 ||

bhaaryaam rakshatu gaureem
paayaat putraamscha bimdugrhapeethaa |
sreevidyaa cha yaso me
seelam chaavyaachchiram mahaaraaj~nee || ~2~0~5 ||

pavanamayi paavakamayi
kshoneemayi gaganamayi krpeetamayi |
ravimayi sasimayi di~mmayi
samayamayi praanamayi sive paahi || ~2~0~6 ||

kaali kapaalini soolini
bhairavi maatamgi panchami tripure |
vaagdevi vimdhyavaasini
baale bhuvanesi paalaya chiram maam || ~2~0~7 ||

abhinavasimdooraabhaa-
-mamba tvaam chintayamti ye hrdaye |
upari nipatamti teshaa-
-mutpalanayanaakataakshakallolaah || ~2~0~8 ||

vargaashtakamilitaabhi-
-rvasineemukhyaabhiraavrtaam bhavateem |
chintayataam sitavarnaam
vaacho niryaamtyayatnato vadanaat || ~2~0~9 ||

kanakasalaakaagaureem
karnavyaalolakumdaladvitayaam |
prahasitamukheem cha bhavateem
dhyaayamto ye ta eva bhoodhanadaah || ~2~1~0 ||

seershaambhoruhamadhye
seetalapeeyooshavarshineem bhavateem |
anudinamanuchintayataa-
-maayushyam bhavati pushkalamavanyaam || ~2~1~1 ||

madhurasmitaam madaarunanayanaam
maatamgakumbhavakshojaam |
chandravatamsineem tvaam
savidhe pasyamti sukrtinah kechit || ~2~1~2 ||

lalitaayaah stavaratnam
lalitapadaabhih praneetamaaryaabhih |
pratidinamavanau pathataam
phalaani vaktum pragalbhate saiva || ~2~1~3 ||

sadasadanugrahanigraha-
-grheetamunivigraho bhagavaan |
sarvaasaamupanishadaam
durvaasaa jayati desikah prathamah || ~2~1~4 ||

iti maharshidurvaasah virachitam sreelalitaastavaratnam |