naumi hreemjapamaatratushtahrdayaam sreechakraraajaalayaam
bhaagyaayattanijaamghripamkajanatistotraadisamsevanaam |
skandebhaasyavibhaasipaarsvayugalaam laavanyapaathonidhim
bhaktatraanaparaayanaam bhagavateem sreeraajaraajesvareem || ~1 ||

naumi hreemata aadadhaati sugiraa vaageesvaraadeensuraam-
-llakshmeemdrapramukhaamscha satvaramaho yatpaadanamro janah |
kaamaadeemscha vaseekaroti tarasaayaasam vinaa taam mudaa
bhaktatraanaparaayanaam bhagavateem sreeraajaraajesvareem || ~2 ||

naumi sreesutajeevanapradakataakshaamsaam sasaamkam ravim
kurvaanaam nijakarnabhooshanapadaadaanena tejasvinau |
chaampeyam nijanaasikaasadrsataadaanaatkrtaartham tathaa
bhaktatraanaparaayanaam bhagavateem sreeraajaraajesvareem || ~3 ||

naumi sreevidhibhaamineekaralasatsachchaamaraabhyaam mudaa
savye dakshinake cha veejanavateemaimdryaattasatpaadukaam |
vedairaattavapurbhiraadarabharaatsamstooyamaanaam sadaa
bhaktatraanaparaayanaam bhagavateem sreeraajaraajesvareem || ~4 ||

naumi sreematidhairyaveeryajananeem paadaambuje jaatuchi-
-nnamraanaamapi saamtidaamtisugunaanvisraanayamteem javaat |
sreekaamesamanombujasya divasesaanaarbhakaanaam tatim
bhaktatraanaparaayanaam bhagavateem sreeraajaraajesvareem || ~5 ||

naumi sreepatipadmayonigirijaanaathaih samaaraadhitaam
rambhaastambhasamaanasakthiyugalaam kumbhaabhiraamastaneem |
bhaaminyaadivishopameyavishayeshvatyamtavairaagyadaam
bhaktatraanaparaayanaam bhagavateem sreeraajaraajesvareem || ~6 ||

naumi vyaahrtinirjitaamaradhuneegarvaa bhavamtyamjasaa
mookaa apyavasaadyadamghriyugaleesamdarsanaajjaatuchit |
haardadhvaamtanivaaranam vidadhateem kaamtyaa nakhaanaam hi taam
bhaktatraanaparaayanaam bhagavateem sreeraajaraajesvareem || ~7 ||

naumi brahmavibodhineem namuchijinmukhyaamaraanaam tate-
-rbhamdaadyaasarakhamdanaikanipunaam kalyaanasailaalayaam |
phullemdeevaragarvahaarinayanaam malleesumaalamkrtaam
bhaktatraanaparaayanaam bhagavateem sreeraajaraajesvareem || ~8 ||

naumi preetimataam yadamghriyugalaarchaayaam na bamdho bhave-
-tsyaachchedvimdhyanagah plavechchiramaho naathe nadeenaamiti |
mookah praaha mahaakavirhi karunaapaatram bhavaanyaah stutim
bhaktatraanaparaayanaam bhagavateem sreeraajaraajesvareem || ~9 ||

naumi praaptikrte yadeeyapadayorvipraah samasteshanaa-
-styaktvaa sadgurumabhyupetya nigamaamtaartham tadaasyaambujaat |
srutvaa tam pravichintya yuktibhirato dhyaayamti taam saadaram
bhaktatraanaparaayanaam bhagavateem sreeraajaraajesvareem || ~1~0 ||

naumi praananirodhasajjanasamaasamgaatmavidyaamukhai-
-raachaaryaananapamkajapragalitaischeto vijityaasu yaam |
aadhaaraadisaroruheshu sukhato dhyaayamti taam sarvadaa
bhaktatraanaparaayanaam bhagavateem sreeraajaraajesvareem || ~1~1 ||

naumi nyaayamukheshu saastranivaheshvatyamtapaamdityadaam
vedaamteshvapi nischalaamaladhiyam samsaarabamdhaapahaam |
daasyamteem dayayaa pranamravitateh kaamaarivaamaamkagaam
bhaktatraanaparaayanaam bhagavateem sreeraajaraajesvareem || ~1~2 ||

naumi tvaam suchisuryachandranayanaam brahmaambujaakshaagaje-
-droopaani pratigrhya sarvajagataam rakshaam mudaa sarvadaa |
kurvamteem girisaarvabhaumatanayaam kshipram pranamreshtadaam
bhaktatraanaparaayanaam bhagavateem sreeraajaraajesvareem || ~1~3 ||

naumi tvaam saradimdusodaramukheem dehaprabhaanirjita-
-prodyadvaasaranaathasamtatimaghaambhoraasikumbhodbhavam |
panchapretamaye sadaa sthitimateem divye mrgemdraasane
bhaktatraanaparaayanaam bhagavateem sreeraajaraajesvareem || ~1~4 ||

naumi tvaamanapekshakaaranakrpaaroopeti keertim gataam
naukaam samsrtineeradhestu sudrdhaam praj~naanamaatraatmikaam |
kaalaambhodasamaanakesanichayaam kaalaahitapreyaseem
bhaktatraanaparaayanaam bhagavateem sreeraajaraajesvareem || ~1~5 ||

naumi tvaam ganapah sivo harirumetyaadyairvachobhirjanaa-
-stattanmoortirataa vadamti paramapremnaa jagatyaam tu yaam |
taam sarvaasayasamsthitaam sakaladaam kaarunyavaaraannidhim
bhaktatraanaparaayanaam bhagavateem sreeraajaraajesvareem || ~1~6 ||

iti srmgeri sreejagadguru sreesachchidaanamdashivaabhinavanrsimha-

bhaarateesvaamibhih virachitaa sree raajaraajesvaree shodasee |