bhavaani stotum tvaam prabhavati chaturbhirna vadanaih
prajaanaameesaanastripuramathanah panchabhirapi |
na shadbhih senaaneerdasasatamukhairapyahipati-
-stadaanyeshaam keshaam kathaya kathamasminnavasarah || ~1 ||

ghrtaksheeradraakshaamadhumadhurimaa kairapi padai-
-rvisishyaanaakhyeyo bhavati rasanaamaatravishayah |
tathaa te saumdaryam paramashivadr~mmaatravishayah
kathamkaaram broomah sakalanigamaagocharagune || ~2 ||

mukhe te taamboolam nayanayugale kajjalakalaa
lalaate kaasmeeram vilasati gale mauktikalataa |
sphuratkaamchee saatee prthukatitate haatakamayee
bhajaami tvaam gaureem nagapatikisoreemaviratam || ~3 ||

viraajanmamdaaradrumakusumahaarastanatatee-
-nadadveenaanaadasravanavilasatkumdalagunaa |
nataamgee maatamgee ruchiragatibhamgee bhagavatee
satee sambhorambhoruhachatulachakshurvijayate || ~4 ||

naveenaarkabhraajanmanikanakabhooshaaparikarai-
-rvrtaamgee saaramgeeruchiranayanaamgeekrtashivaa |
tatitpeetaa peetaambaralalitamamjeerasubhagaa
mamaaparnaa poornaa niravadhisukhairastu sumukhee || ~5 ||

himaadreh sambhootaa sulalitakaraih pallavayutaa
supushpaa muktaabhirbhramarakalitaa chaalakabharaih |
krtasthaanusthaanaa kuchaphalanataa sooktisarasaa
rujaam hamtree gamtree vilasati chidaanamdalatikaa || ~6 ||

saparnaamaakeernaam katipayagunaih saadaramiha
srayamtyanye valleem mama tu matirevam vilasati |
aparnaikaa sevyaa jagati sakalairyatparivrtah
puraanoఽpi sthaanuh phalati kila kaivalyapadaveem || ~7 ||

vidhaatree dharmaanaam tvamasi sakalaamnaayajananee
tvamarthaanaam moolam dhanadanamaneeyaamghrikamale |
tvamaadih kaamaanaam janani krtakamdarpavijaye
sataam mukterbeejam tvamasi paramabrahmamahishee || ~8 ||

prabhootaa bhaktiste yadapi na mamaalolamanasa-
-stvayaa tu sreematyaa sadayamavalokyoఽhamadhunaa |
payodah paaneeyam disati madhuram chaatakamukhe
bhrsam samke kairvaa vidhibhiranuneetaa mama matih || ~9 ||

krpaapaamgaalokam vitara tarasaa saadhucharite
na te yuktopekshaa mayi saranadeekshaamupagate |
na chedishtam dadyaadanupadamaho kalpalatikaa
viseshah saamaanyaih kathamitaravalleeparikaraih || ~1~0 ||

mahaamtam visvaasam tava charanapamkeruhayuge
nidhaayaanyannaivaasritamiha mayaa daivatamume |
tathaapi tvachcheto yadi mayi na jaayeta sadayam
niraalambo lambodarajanani kam yaami saranam || ~1~1 ||

ayah sparse lagnam sapadi labhate hemapadaveem
yathaa rathyaapaathah suchi bhavati gamgaughamilitam |
tathaa tattatpaapairatimalinamamtarmama yadi
tvayi premnaa saktam kathamiva na jaayeta vimalam || ~1~2 ||

tvadanyasmaadichchaavishayaphalalaabhe na niyama-
-stvamaj~naanaamichchaadhikamapi samarthaa vitarane |
iti praahuh praamchah kamalabhavanaadyaastvayi mana-
-stvadaasaktam naktamdivamuchitameesaani kuru tat || ~1~3 ||

sphurannaanaaratnasphatikamayabhittipratiphala-
-ttvadaakaaram chamchachchasadharakalaasaudhasikharam |
mukumdabrahmemdraprabhrtiparivaaram vijayate
tavaagaaram ramyam tribhuvanamahaaraajagrhini || ~1~4 ||

nivaasah kailaase vidhisatamakhaadyaah stutikaraah
kutumbam trailokyam krtakaraputah siddhinikarah |
mahesah praanesastadavanidharaadheesatanaye
na te saubhaagyasya kvachidapi manaagasti tulanaa || ~1~5 ||

vrsho vrddho yaanam vishamasanamaasaa nivasanam
smasaanam kreedaabhoorbhujaganivaho bhooshanavidhih |
samagraa saamagree jagati viditaiva smararipo-
-ryadetasyaisvaryam tava janani saubhaagyamahimaa || ~1~6 ||

aseshabrahmaamdapralayavidhinaisargikamatih
smasaaneshvaaseenah krtabhasitalepah pasupatih |
dadhau kamthe haalaahalamakhilabhoogolakrpayaa
bhavatyaah samgatyaah phalamiti cha kalyaani kalaye || ~1~7 ||

tvadeeyam saumdaryam niratisayamaalokya parayaa
bhiyaivaaseedgamgaa jalamayatanuh sailatanaye |
tadetasyaastasmaadvadanakamalam veekshya krpayaa
pratishthaamaatanvannijasirasi vaasena girisah || ~1~8 ||

visaalasreekhamdadravamrgamadaakeernaghusrna-
-prasoonavyaamisram bhagavati tavaabhyamgasalilam |
samaadaaya srashtaa chalitapadapaamsoonnijakaraih
samaadhatte srshtim vibudhapurapamkeruhadrsaam || ~1~9 ||

vasamte saanamde kusumitalataabhih parivrte
sphurannaanaapadme sarasi kalahamsaalisubhage |
sakheebhih khelamteem malayapavanaamdolitajale
smaredyastvaam tasya jvarajanitapeedaapasarati || ~2~0 ||

iti sreematparamahamsaparivraajakaachaaryasya sreegovimdabhagavatpoojyapaadasishyasya sreemachchamkarabhagavatah krtau aanamdalaharee |