na taato na maataa na bamdhurna daataa
na putro na putree na bhrtyo na bhartaa |
na jaayaa na vidyaa na vrttirmamaiva
gatistvam gatistvam tvamekaa bhavaani || ~1 ||

bhavaabdhaavapaare mahaaduhkhabheeru
papaata prakaamee pralobhee pramattah |
kusamsaarapaasaprabaddhah sadaaham
gatistvam gatistvam tvamekaa bhavaani || ~2 ||

na jaanaami daanam na cha dhyaanayogam
na jaanaami tamtram na cha stotramantram |
na jaanaami poojaam na cha nyaasayogam
gatistvam gatistvam tvamekaa bhavaani || ~3 ||

na jaanaami punyam na jaanaami teertham
na jaanaami muktim layam vaa kadaachit |
na jaanaami bhaktim vratam vaapi maata-
-rgatistvam gatistvam tvamekaa bhavaani || ~4 ||

kukarmee kusamgee kubuddhih kudaasah
kulaachaaraheenah kadaachaaraleenah |
kudrshtih kuvaakyaprabamdhah sadaaham
gatistvam gatistvam tvamekaa bhavaani || ~5 ||

prajesam ramesam mahesam suresam
dinesam niseethesvaram vaa kadaachit |
na jaanaami chaanyat sadaaham saranye
gatistvam gatistvam tvamekaa bhavaani || ~6 ||

vivaade vishaade pramaade pravaase
jale chaanale parvate satrumadhye |
aranye saranye sadaa maam prapaahi
gatistvam gatistvam tvamekaa bhavaani || ~7 ||

anaatho daridro jaraarogayukto
mahaaksheenadeenah sadaa jaadyavaktrah |
vipattau pravishtah pranashtah sadaaham
gatistvam gatistvam tvamekaa bhavaani || ~8 ||

iti sree bhavaanyashtakam |