sreevishnuchittakulanamdanakalpavalleem
sreeramgaraajaharichandanayogadrsyaam |
saakshaatkshamaam karunayaa kamalaamivaanyaam
godaamananyasaranah saranam prapadye || ~1 ||
vaidesikah srutigiraamapi bhooyaseenaam
varneshu maati mahimaa na hi maadrsaam te |
ittham vidamtamapi maam sahasaiva gode
maunadruho mukharayamti gunaastvadeeyaah || ~2 ||
tvatpreyasah sravanayoramrtaayamaanaam
tulyaam tvadeeyamaninoopurasimjitaanaam |
gode tvameva janani tvadabhishtavaarhaam
vaacham prasannamadhuraam mama samvidhehi || ~3 ||
krishnaanvayena dadhateem yamunaanubhaavam
teerthairyathaavadavagaahya sarasvateem te |
gode vikasvaradhiyaam bhavatee kataakshaat
vaachah sphuramti makaramdamuchah kaveenaam || ~4 ||
asmaadrsaamapakrtau chiradeekshitaanaam
ahnaaya devi dayate yadasau mukumdah |
tannischitam niyamitastava maulidaamnaa
tamtreeninaadamadhuraischa giraam nigumphaih || ~5 ||
sonaadhareఽpi kuchayorapi tumgabhadraa
vaachaam pravaahanivaheఽpi sarasvatee tvam |
apraakrtairapi rasairvirajaa svabhaavaat
godaaఽpi devi kamiturnanu narmadaaఽsi || ~6 ||
valmeekatah sravanato vasudhaatmanaste
jaato babhoova sa munih kavisaarvabhaumah |
gode kimadbhutamidam yadamee svadamte
vaktraaravimdamakaramdanibhaah prabamdhaah || ~7 ||
bhoktum tava priyatamam bhavateeva gode
bhaktim nijaam pranayabhaavanayaa grnamtah |
uchchaavachairvirahasamgamajairudamtaih
srmgaarayamti hrdayam guravastvadeeyaah || ~8 ||
maatah samutthitavateemadhivishnuchittam
visvopajeevyamamrtam vachasaa duhaanaam |
taapachchadam himarucheriva moortimanyaam
samtah payodhiduhituh sahajaam vidustvaam || ~9 ||
taatastu te madhubhidah stutilesavasyaat
karnaamrtaih stutisatairanavaaptapoorvam |
tvanmauligamdhasubhagaamupahrtya maalaam
lebhe mahattarapadaanugunam prasaadam || ~1~0 ||
digdakshinaaఽpi paripaktrimapunyalabhyaat
sarvottaraa bhavati devi tavaavataaraat |
yatraiva ramgapatinaa bahumaanapoorvam
nidraalunaapi niyatam nihitaah kataakshaah || ~1~1 ||
praayena devi bhavateevyapadesayogaat
godaavaree jagadidam payasaa puneete |
yasyaam sametya samayeshu chiram nivaasaat
bhaageeratheeprabhrtayoఽpi bhavamti punyaah || ~1~2 ||
naagesayah sutanu pakshirathah katham te
jaatah svayamvarapatih purushah puraanah |
evam vidhaah samuchitam pranayam bhavatyaah
samdarsayamti parihaasagirah sakheenaam || ~1~3 ||
tvadbhuktamaalyasurabheekrtachaarumauleh
hitvaa bhujaamtaragataamapi vaijayamteem |
patyustavesvari mithah pratighaatalolaah
barhaatapatraruchimaarachayamti bhrmgaah || ~1~4 ||
aamodavatyapi sadaa hrdayamgamaaఽpi
raagaanvitaaఽpi lalitaaఽpi gunottaraaఽpi |
maulisrajaa tava mukumdakireetabhaajaa
gode bhavatyadharitaa khalu vaijayamtee || ~1~5 ||
tvanmaulidaamani vibhoh sirasaa grheete
svachchandakalpitasapeetirasapramodaah |
mamjusvanaa madhuliho vidadhuh svayam te
svaayamvaram kamapi mangalatooryaghosham || ~1~6 ||
visvaasamaanarajasaa kamalena naabhau
vakshahsthale cha kamalaastanachandanena |
aamoditoఽpi nigamairvibhuramghriyugme
dhatte natena sirasaa tava maulimaalaam || ~1~7 ||
choodaapadena parigrhya tavottareeyam
maalaamapi tvadalakairadhivaasya dattaam |
praayena ramgapatiresha bibharti gode
saubhaagyasampadabhishekamahaadhikaaram || ~1~8 ||
tumgairakrtrimagirah svayamuttamaamgaih
yam sarvagamdha iti saadaramudvahamti |
aamodamanyamadhigachchati maalikaabhih
soఽpi tvadeeyakutilaalakavaasitaabhih || ~1~9 ||
dhanye samastajagataam pituruttamaamge
tvanmaulimaalyabharasambharanena bhooyah |
imdeevarasrajamivaadadhati tvadeeyaa-
nyaakekaraani bahumaanavilokitaani || ~2~0 ||
ramgesvarasya tava cha pranayaanubamdhaat
anyonyamaalyaparivrttimabhishtuvamtah |
vaachaalayamti vasudhe rasikaastrilokeem
nyoonaadhikatvasamataavishayairvivaadaih || ~2~1 ||
doorvaadalapratimayaa tava dehakaamtyaa
gorochanaaruchirayaa cha tathemdiraayaah |
aaseedanujjhitasikhaavalakamthasobham
maamgalyadam pranamataam madhuvairigaatram || ~2~2 ||
archyam samarchya niyamairnigamaprasoonaih
naatham tvayaa kamalayaa cha sameyivaamsam |
maataschiram niravisannijamaadhiraajyam
maanyaa manuprabhrtayoఽpi maheekshitaste || ~2~3 ||
aardraaparaadhini janeఽpyabhirakshanaartham
ramgesvarasya ramayaa vinivedyamaane |
paarsve paratra bhavatee yadi tatra naaseet
praayena devi vadanam parivartitam syaat || ~2~4 ||
gode gunairapanayan pranataaparaadhaan
bhrookshepa eva tava bhogarasaanukoolah |
karmaanubamdhi phaladaanaratasya bhartuh
svaatamtryadurvyasanamarmabhidaa nidaanam || ~2~5 ||
ramge tatidgunavato ramayaiva gode
krishnaambudasya ghatitaam krpayaa suvrshtyaa |
daurgatyadurvishavinaasasudhaanadeem tvaam
samtah prapadya samayamtyachirena taapaan || ~2~6 ||
jaataaparaadhamapi maamanukampya gode
goptree yadi tvamasi yuktamidam bhavatyaah |
vaatsalyanirbharatayaa jananee kumaaram
stanyena vardhayati dashtapayodharaaఽpi || ~2~7 ||
satamakhamanineelaa chaaru kalhaarahastaa
stanabharanamitaamgee saamdravaatsalyasimdhuh |
alakavinihitaabhih sragbharaakrshtanaathaa
vilasatu hrdi godaa vishnuchittaatmajaa nah || ~2~8 ||
iti vikasitabhakterutthataam vemkatesaat
bahugunaramaneeyaam vakti godaastutim yah |
sa bhavati bahumaanyah sreemato ramgabhartuh
charanakamalasevaam saasvateemabhyupaishyan || ~2~9 ||
iti sreevedaamtadesikavirachitaa godaastutih |
Whether you seek guidance, have inquiries, or wish to share your experiences, our dedicated team is here to assist you on your spiritual journey.