eesvara uvaacha |

aaraadhya maatascharanaambuje te

brahmaadayo vistrtakeertimaapuh |

anye param vaa vibhavam muneemdraah

paraam sriyam bhaktibharena chaanye || ~1

 

namaami devim navachandramaule-

-rmaatamgineem chandrakalaavatamsaam |

aamnaayapraaptipratipaaditaartham

prabodhayamteem priyamaadarena || ~2 ||

 

vinamradevaasuramauliratnai-

-rneeraajitam te charanaaravimdam |

bhajamti ye devi maheepateenaam

vrajamti te sampadamaadarena || ~3 ||

 

krtaarthayamteem padaveem padaabhyaa-

-maasphaalayamteem krtavallakeem taam |

maatamgineem saddhrdayaam dhinomi

leelaamsukaam suddhanitambabimbaam || ~4 ||

 

taaleedalenaarpitakarnabhooshaam

maadhveemadodghoornitanetrapadmaam |

ghanastaneem sambhuvadhoom namaami

tatillataakaamtimanarghyabhooshaam || ~5 ||

 

chirena lakshyam navalomaraajyaa

smaraami bhaktyaa jagataamadheese |

valitrayaadhyam tama madhyamamba

neelotpalaamsusriyamaavahamtyaah || ~6 ||

 

kaamtyaa kataakshaih kamalaakaraanaam

kadambamaalaamchitakesapaasam |

maatamgakanyaam hrdi bhaavayaami

dhyaayeyamaaraktakapolabimbam || ~7 ||

 

bimbaadharanyastalalaamavasya-

-maaleelaleelaalakamaayataaksham |

mamdasmitam te vadanam mahesi

stutyaanayaa sankaradharmapatneem || ~8 ||

 

maatamgineem vaagadhidevataam taam

stuvamti ye bhaktiyutaa manushyaah |

paraam sriyam nityamupaasrayamti

paratra kailaasatale vasamti || ~9 ||

 

udyadbhaanumareechiveechivilasadvaaso vasaanaam paraam

gaureem samgatipaanakarparakaraamaanamdakamdodbhavaam |

gumjaahaarachaladvihaarahrdayaamaapeenatumgastaneem

mattasmeramukheem namaami sumukheem saavaasanaasedusheem || ~1~0 ||

 

iti sreerudrayaamale maatamgee stotram |