mama na bhajanasaktih paadayoste na bhakti-

-rna cha vishayaviraktirdhyaanayoge na saktih |

iti manasi sadaaham chintayannaadyasakte

ruchiravachanapushpairarchanam samchinomi || ~1 ||

 

vyaaptam haatakavigrahairjalacharairaaroodhadevavrajaih

potairaakulitaamtaram manidharairbhoomeedharairbhooshitam |

aaraktaamrtasimdhumuddhurachaladvicheechayavyaakula-

-vyomaanam parichintya samtatamaho chetah krtaartheebhava || ~2 ||

 

tasminnujjvalaratnajaalavilasatkaamtichchataabhih sphutam

kurvaanam viyadimdrachaapanichayairaachchaaditam sarvatah |

uchchaihsrmganishannadivyavanitaabrmdaananaprollasa-

-dgeetaakarnananischalaakhilamrgam dveepam namaskurmahe || ~3 ||

 

jaateechampakapaatalaadisumanahsaurabhyasambhaavitam

hreemkaaradhvanikamthakokilakuhooprollaasichootadrumam |

aavirbhootasugamdhichandanavanam drshtipriyam namdanam

chamchachchamchalachamchareekachatulam chetaschiram chintaya || ~4 ||

 

paripatitaparaagaih paatalakshonibhaago

vikasitakusumochchaih peetachandraarkarasmih |

alisukapikaraajeekoojitaih srotrahaaree

sphuratu hrdi madeeye noonamudyaanaraajah || ~5 ||

 

ramyadvaarapuraprachaaratamasaam samhaarakaariprabha

sphoorjattoranabhaarahaarakamahaavistaarahaaradyute |

kshoneemamdalahemahaaravilasatsamsaarapaaraprada

prodyadbhaktamanovihaara kanakapraakaara tubhyam namah || ~6 ||

 

udyatkaamtikalaapakalpitanabhahsphoorjadvitaanaprabhah

satkrishnaagarudhoopavaasitaviyatkaashthaamtare visrutah |

sevaayaatasamastadaivataganairaasevyamaanoఽnisam

soఽyam sreemanimamdapoఽnavaratam machchetasi dyotataam || ~7 ||

 

kvaapi prodbhatapadmaraagakiranavraatena sandhyaayitam

kutraapi sphutavisphuranmarakatadyutyaa tamisraayitam |

madhyaalambivisaalamauktikaruchaa jyotsnaayitam kutrachi-

-nmaatah sreemanimamdiram tava sadaa vamdaamahe sumdaram || ~8 ||

 

uttumgaalayavisphuranmarakataprodyatprabhaamamdalaa-

-nyaalokyaamkuritotsavairnavatrnaakeernasthaleesamkayaa |

neeto vaajibhirutpatham bata rathah sootena tigmadyute-

-rvalgaavalgitahastamastasikharam kashtairitah praapyate || ~9 ||

 

manisadanasamudyatkaamtidhaaraanurakte

viyati charamasandhyaasamkino bhaanurathyaah |

sithilitagatakupyatsootahumkaaranaadaih

kathamapi manigehaaduchchakairuchchalamti || ~1~0 ||

 

bhaktyaa kim nu samarpitaani bahudhaa ratnaani paathodhinaa

kim vaa rohanaparvatena sadanam yairvisvakarmaakarot |

aa j~naatam girije kataakshakalayaa noonam tvayaa toshite

sambhau nrtyati naagaraajaphaninaa keernaa manisrenayah || ~1~1 ||

 

vidooramuktavaahanairvinamramaulimamdalai-

-rnibaddhahastasamputaih prayatnasamyatemdriyaih |

virimchivishnusankaraadibhirmudaa tavaambike

prateekshyamaananirgamo vibhaati ratnamamdapah || ~1~2 ||

 

dhvananmrdamgakaahalah prageetakimnareeganah

pranrttadivyakanyakah pravrttamangalakramah |

prakrshtasevakavrajah prahrshtabhaktamamdalo

mude mamaastu samtatam tvadeeyaratnamamdapah || ~1~3 ||

 

pravesanirgamaakulaih svakrtyaraktamaanasai-

-rbahihsthitaamaraavaleevidheeyamaanabhaktibhih |

vichitravastrabhooshanairupetamanganaajanaih

sadaa karotu mangalam mameha ratnamamdapah || ~1~4 ||

 

suvarnaratnabhooshitairvichitravastradhaaribhi-

-rgrheetahemayashtibhirniruddhasarvadaivataih |

asamkhyasumdareejanaih purasthitairadhishthito

madeeyametu maanasam tvadeeyatumgatoranah || ~1~5 ||

 

imdraadeemscha digeesvaraansahapareevaaraanatho saayudhaa-

-nyoshidroopadharaansvadikshu nihitaansamchintya hrtpamkaje |

samkhe sreevasudhaarayaa vasumateeyuktam cha padmam smara-

-nkaamam naumi ratipriyam sahacharam preetyaa vasamtam bhaje || ~1~6 ||

 

gaayamteeh kalaveenayaatimadhuram humkaaramaatanvatee-

-rdvaaraabhyaasakrtasthiteeriha sarasvatyaadikaah poojayan |

dvaare naumi madonmadam suraganaadheesam madenonmadaam

maatamgeemasitaambaraam parilasanmuktaavibhooshaam bhaje || ~1~7 ||

 

kastoorikaasyaamalakomalaamgeem

kaadambareepaanamadaalasaamgeem |

vaamastanaalimgitaratnaveenaam

maatamgakanyaam manasaa smaraami || ~1~8 ||

 

vikeernachikurotkare vigalitaambaraadambare

madaakulitalochane vimalabhooshanodbhaasini |

tiraskarini taavakam charanapamkajam chintaya-

-nkaromi pasumamdaleemalikamohadugdhaasayaam || ~1~9 ||

 

pramattavaaruneerasairvighoornamaanalochanaah

prachandadaityasoodanaah pravishtabhaktamaanasaah |

upodhakajjalachchavichchataaviraajivigrahaah

kapaalasooladhaarineeh stuve tvadeeyadootikaah || ~2~0 ||

 

sphoorjannavyayavaamkuropalasitaabhogaih purah sthaapitai-

-rdeepodbhaasisaraavasobhitamukhaih kumbhairnavaih sobhinaa |

svarnaabaddhavichitraratnapataleechamchatkapaatasriyaa

yuktam dvaarachatushtayena girije vamde maneemamdiram || ~2~1 ||

 

aasteernaarunakambalaasanayutam pushpopahaaraanvitam

deeptaanekamanipradeepasubhagam raajadvitaanottamam |

dhoopodgaarisugamdhisambhramamiladbhrmgaavaleegumjitam

kalyaanam vitanotu meఽnavaratam sreemamdapaabhyamtaram || ~2~2 ||

 

kanakarachite panchapretaasanena viraajite

maniganachite raktasvetaambaraastaranottame |

kusumasurabhau talpe divyopadhaanasukhaavahe

hrdayakamale praadurbhootaam bhaje paradevataam || ~2~3 ||

 

sarvaamgasthitiramyarooparuchiraam praatah samabhyutthitaam

jrmbhaamamjumukhaambujaam madhumadavyaaghoornadakshitrayaam |

sevaayaatasamastasamnidhisakheeh sammaanayamteem drsaa

sampasyanparadevataam paramaho manye krtaartham januh || ~2~4 ||

 

uchchaistoranavartivaadyanivahadhvaane samujjrmbhite

bhaktairbhoomivilagnamaulibhiralam dandapranaame krte |

naanaaratnasamoohanaddhakathanasthaaleesamudbhaasitaam

praataste parikalpayaami girije neeraajanaamujjvalaam || ~2~5 ||

 

paadyam te parikalpayaami padayorarghyam tathaa hastayoh

saudheebhirmadhuparkamamba madhuram dhaaraabhiraasvaadaya |

toyenaachamanam vidhehi suchinaa gaamgena matkalpitam

saashtaamgam pranipaatameesadayite drshtyaa krtaarthee kuru || ~2~6 ||

 

maatah pasya mukhaambujam suvimale datte mayaa darpane

devi sveekuru damtadhaavanamidam gamgaajalenaanvitam |

suprakshaalitamaananam virachayansnigdhaambarapromchanam

draagamgeekuru tattvamamba madhuram taamboolamaasvaadaya || ~2~7 ||

 

nidhehi manipaadukopari padaambujam majjanaa-

-layam vraja sanaih sakheekrtakaraambujaalambanam |

mahesi karunaanidhe tava drgamtapaatotsukaa-

-nvilokaya manaagamoonubhayasamsthitaandaivataan || ~2~8 ||

 

hemaratnavaranena veshtitam

vistrtaarunavitaanasobhitam |

sajjasarvaparichaarikaajanam

pasya majjanagrham mano mama || ~2~9 ||

 

kanakakalasajaalasphaatikasnaanapeethaa-

-dyupakaranavisaalam gamdhamattaalimaalam |

sphuradarunavitaanam mamjugamdharvagaanam

paramashivamahele majjanaagaaramehi || ~3~0 ||

 

peenottumgapayodharaah parilasatsampoornachandraananaa

ratnasvarnavinirmitaah parilasatsookshmaambarapraavrtaah |

hemasnaanaghateestathaa mrdupateerudvartanam kausumam

tailam kamkatikam kareshu dadhateervamdeఽmba te daasikaah || ~3~1 ||

 

tatra sphaatikapeethametya sanakairuttaaritaalamkrti-

-rneechairujjhitakamchukoparihitaaraktottareeyaambaraa |

veneebamdhamapaasya kamkatikayaa kesaprasaadam manaa-

-kkurvaanaa paradevataa bhagavatee chitte mama dyotataam || ~3~2 ||

 

abhyamgam girije grhaana mrdunaa tailena sampaaditam

kaasmeerairagarudravairmalayajairudvartanam kaaraya |

geete kimnarakaamineebhirabhito vaadye mudaa vaadite

nrtyamteemiha pasya devi purato divyaamganaamamdaleem || ~3~3 ||

 

krtaparikarabamdhaastumgapeenastanaadhyaa

maninivahanibaddhaa hemakumbheerdadhaanaah |

surabhisalilaniryadgamdhalubdhaalimaalaah

savinayamupatasthuh sarvatah snaanadaasyah || ~3~4 ||

 

udgamdhairagarudravaih surabhinaa kastoorikaavaarinaa

sphoorjatsaurabhayakshakardamajalaih kaasmeeraneerairapi |

pushpaambhobhiraseshateerthasalilaih karpoorapaathobharaih

snaanam te parikalpayaami girije bhaktyaa tadamgeekuru || ~3~5 ||

 

pratyamgam parimaarjayaami suchinaa vastrena sampromchanam

kurve kesakalaapamaayatataram dhoopottamairdhoopitam |

aaleebrmdavinirmitaam yavanikaamaasthaapya ratnaprabham

bhaktatraanapare mahesagrhini snaanaambaram muchyataam || ~3~6 ||

 

peetam te parikalpayaami nibidam chandaatakam chandike

sookshmam snigdhamureekurushva vasanam simdoorapooraprabham |

muktaaratnavichitrahemarachanaachaaruprabhaabhaasvaram

neelam kamchukamarpayaami girisapraanapriye sumdari || ~3~7 ||

 

vilulitachikurena chchaaditaamsapradese

maninikaraviraajatpaadukaanyastapaade |

sulalitamavalambya draaksakheemamsadese

girisagrhini bhooshaamamtapaaya prayaahi || ~3~8 ||

 

lasatkanakakuttimasphuradamamdamuktaavalee-

-samullasitakaamtibhih kalitasakrachaapavraje |

mahaabharanamamdape nihitahemasimhaasanam

sakheejanasamaavrtam samadhitishtha kaatyaayani || ~3~9 ||

 

snigdham kamkatikaamukhena sanakaih samsodhya kesotkaram

seemamtam virachayya chaaru vimalam simdoorarekhaanvitam |

muktaabhirgrathitaalakaam manichitaih sauvarnasootraih sphutam

praamte mauktikaguchchakopalatikaam grathnaami veneemimaam || ~4~0 ||

 

vilambiveneebhujagottamaamga-

-sphuranmanibhraamtimupaanayamtam |

svarochishollaasitakesapaasam

mahesi choodaamanimarpayaami || ~4~1 ||

 

tvaamaasrayadbhih kabareetamisrai-

-rbamdeekrtam draagiva bhaanubimbam |

mrdaani choodaamanimaadadhaanam

vamdaamahe taavakamuttamaamgam || ~4~2 ||

 

svamadhyanaddhahaatakasphuranmaniprabhaakulam

vilambimauktikachchataaviraajitam samamtatah |

nibaddhalakshachakshushaa bhavena bhoori bhaavitam

samarpayaami bhaasvaram bhavaani phaalabhooshanam || ~4~3 ||

 

meenaambhoruhakhamjareetasushamaavistaaravismaarake

kurvaane kila kaamavairimanasah kamdarpabaanaprabhaam |

maadhveepaanamadaaruneఽtichapale deerghe drgambhoruhe

devi svarnasalaakayorjitamidam divyaamjanam deeyataam || ~4~4 ||

 

madhyasthaarunaratnakaamtiruchiraam muktaamugodbhaasitaam

daivaadbhaargavajeevamadhyagaraverlakshmeemadhah kurvateem |

utsiktaadharabimbakaamtivisarairbhaumeebhavanmauktikaam

maddattaamurareekurushva girije naasaavibhooshaamimaam || ~4~5 ||

 

udukrtapariveshaspardhayaa seetabhaano-

-riva virachitadehadvamdvamaadityabimbam |

arunamanisamudyatpraamtavibhraajimuktam

sravasi parinidhehi svarnataatamkayugmam || ~4~6 ||

 

marakatavarapadmaraagaheero-

-tthitagulikaatritayaavanaddhamadhyam |

vitatavimalamauktikam cha

kamthaabharanamidam girije samarpayaami || ~4~7 ||

 

naanaadesasamutthitairmaniganaprodyatprabhaamamdala-

-vyaaptairaabharanairviraajitagalaam muktaachchataalamkrtaam |

madhyasthaarunaratnakaamtiruchiraam praamtasthamuktaaphala-

-vraataamamba chatushkikaam parasive vakshahsthale sthaapaya || ~4~8 ||

 

anyonyam plaavayamtee satataparichalatkaamtikallolajaalaih

kurvaanaa majjadamtahkaranavimalataam sobhiteva trivenee |

muktaabhih padmaraagairmarakatamanibhirnirmitaa deepyamaanai-

-rnityam haaratrayee te parashivarasike chetasi dyotataam nah || ~4~9 ||

 

karasarasijanaale visphuratkaamtijaale

vilasadamalasobhe chamchadeesaakshilobhe |

vividhamanimayookhodbhaasitam devi durge

kanakakatakayugmam baahuyugme nidhehi || ~5~0 ||

 

vyaalambamaanasitapattakaguchchasobhi

sphoorjanmaneeghatitahaaravirochamaanam |

maatarmahesamahile tava baahumoole

keyoorakadvayamidam vinivesayaami || ~5~1 ||

 

vitatanijamayookhairnirmitaamimdraneelai-

-rvijitakamalanaalaaleenamattaalimaalaam |

maniganakhachitaabhyaam kamkanaabhyaamupetaam

kalaya valayaraajeem hastamoole mahesi || ~5~2 ||

 

neelapattamrduguchchasobhitaa-

-baddhanaikamanijaalamamjulaam |

arpayaami valayaatpurahsare

visphuratkanakataitrpaalikaam || ~5~3 ||

 

aalavaalamiva pushpadhanvanaa

baalavidrumalataasu nirmitam |

amguleeshu vinidheeyataam sanai-

-ramguleeyakamidam madarpitam || ~5~4 ||

 

vijitaharamanobhoomattamaatamgakumbha-

-sthalavilulitakoojatkimkineejaalatulyaam |

aviratakalanadaireesacheto haramteem

vividhamaninibaddhaam mekhalaamarpayaami || ~5~5 ||

 

vyaalambamaanavaramauktikaguchchasobhi

vibhraajihaatakaputadvayarochamaanam |

hemnaa vinirmitamanekamaniprabamdham

neeveenibamdhanagunam vinivedayaami || ~5~6 ||

 

vinihatanavalaakshaapamkabaalaatapaughe

marakatamaniraajeemamjumamjeeraghoshe |

arunamanisamudyatkaamtidhaaraavichitra-

-stava charanasaroje hamsakah preetimetu || ~5~7 ||

 

nibaddhasitipattakapravaraguchchasamsobhitaam

kalakvanitamamjulaam girisachittasammohaneem |

amamdamanimamdaleevimalakaamtikimmeeritaam

nidhehi padapamkaje kanakaghumghuroomambike || ~5~8 ||

 

visphuratsahajaraagaramjite

simjitena kalitaam sakheejanaih |

padmaraagamaninoopuradvayee-

-marpayaami tava paadapamkaje || ~5~9 ||

 

padaambujamupaasitum parigatena seetaamsunaa

krtaam tanuparamparaamiva dinaamtaraagaarunaam |

mahesi navayaavakadravabharena soneekrtaam

namaami nakhamamdaleem charanapamkajasthaam tava || ~6~0 ||

 

aaraktasvetapeetasphuradurukusumaischitritaam pattasootrai-

-rdevastreebhih prayatnaadagarusamuditairdhoopitaam divyadhoopaih |

udyadgamdhaamdhapushpamdhayanivahasamaarabdhajhaamkaarageetaam

chamchatkahlaaramaalaam parashivarasike kamthapeetheఽrpayaami || ~6~1 ||

 

grhaana paramaamrtam kanakapaatrasamsthaapitam

samarpaya mukhaambuje vimalaveetikaamambike |

vilokaya mukhaambujam mukuramamdale nirmale

nidhehi manipaadukopari padaambujam sumdari || ~6~2 ||

 

aalambya svasakheem karena sanakaih simhaasanaadutthitaa

koojanmamdamaraalamamjulagatiprollaasibhooshaambaraa |

aanamdapratipaadakairupanishadvaakyaih stutaa vedhasaa

machchitte sthirataamupaitu girijaa yaamtee sabhaamamdapam || ~6~3 ||

 

chalamtyaamambaayaam prachalati samaste parijane

savegam samyaate kanakalatikaalamkrtibhare |

samamtaaduttaalasphuritapadasampaatajanitai-

-rjhanatkaaraistaarairjhanajhanitamaaseenmanigrham || ~6~4 ||

 

chamchadvetrakaraabhiramgavilasadbhooshaambaraabhih puro-

-yaamteebhih parichaarikaabhiramaravraate samutsaarite |

ruddhe nirjarasumdareebhirabhitah kakshaamtare nirgatam

vamde namditasambhu nirmalachidaanamdaikaroopam mahah || ~6~5 ||

 

vedhaah paadatale patatyayamasau vishnurnamatyagratah

sambhurdehi drgamchalam surapatim doorasthamaalokaya |

ityevam parichaarikaabhirudite sammaananaam kurvatee

drgdvamdvena yathochitam bhagavatee bhooyaadvibhootyai mama || ~6~6 ||

 

mamdam chaaranasumdareebhirabhito yaamteebhirutkamthayaa

naamochchaaranapoorvakam pratidisam pratyekamaaveditaan |

vegaadakshipatham gataansuraganaanaalokayamtee sanai-

-rditsamtee charanaambujam pathi jagatpaayaanmahesapriyaa || ~6~7 ||

 

agre kechana paarsvayoh katipaye prshthe pare prasthitaa

aakaase samavasthitaah katipaye dikshu sthitaaschaapare |

sammardam sanakairapaasya purato dandapranaamaanmuhuh

kurvaanaah katichitsuraa girisute drkpaatamichchamti te || ~6~8 ||

 

agre gaayati kimnaree kalaid gamdharvakaamtaah sanai-

-raatodyaani cha vaadayamti madhuram savyaapasavyasthitaah |

koojannoopuranaadamamju purato nrtyamti divyaamganaa

gachchamtah paritah stuvamti nigamastutyaa virimchyaadayah || ~6~9 ||

 

kasmaichitsuchiraadupaasitamahaamantraughasiddhim kramaa-

-dekasmai bhavanihsprhaaya paramaanamdasvaroopaam gatim |

anyasmai vishayaanuraktamanase deenaaya duhkhaapaham

dravyam dvaarasamaasritaaya dadateem vamdaamahe sumdareem || ~7~0 ||

 

namreebhooya krtaamjaliprakatitapremaprasannaanane

mamdam gachchati samnidhau savinayaatsotkamthamoghatraye |

naanaamantraganam tadarthamakhilam tatsaadhanam tatphalam

vyaachakshaanamudagrakaamti kalaye yatkimchidaadyam mahah || ~7~1 ||

 

tava dahanasadrkshaireekshanaireva chakshu-

-rnikhilapasujanaanaam bheeshayadbheeshanaasyam |

krtavasati paresapreyasi dvaari nityam

sarabhamithunamuchchairbhaktiyukto natoఽsmi || ~7~2 ||

 

kalpaamte sarasaikadaasamuditaanekaarkatulyaprabhaam

ratnastambhanibaddhakaamchanagunasphoorjadvitaanottamaam |

karpooraagarugarbhavartikalikaapraaptapradeepaavaleem

sreechakraakrtimullasanmaniganaam vamdaamahe vedikaam || ~7~3 ||

 

svasthaanasthitadevataaganavrte bimdau mudaa sthaapitam

naanaaratnaviraajihemavilasatkaamtichchataadurdinam |

chamchatkausumatoolikaasanayutam kaamesvaraadhishthitam

nityaanamdanidaanamamba satatam vamde cha simhaasanam || ~7~4 ||

 

vadadbhirabhito mudaa jaya jayeti brmdaarakaih

krtaamjaliparamparaa vidadhati krtaarthaa drsaa |

amamdamanimamdaleekhachitahemasimhaasanam

sakheejanasamaavrtam samadhitishtha daakshaayani || ~7~5 ||

 

karpooraadikavastujaatamakhilam sauvarnabhrmgaarakam

taamboolasya karamdakam manimayam chailaamchalam darpanam |

visphoorjanmanipaaduke cha dadhateeh simhaasanasyaabhita-

-stishthamteeh parichaarikaastava sadaa vamdaamahe sumdari || ~7~6 ||

 

tvadamalavapurudyatkaamtikallolajaalaih

sphutamiva dadhateebhirbaahuvikshepaleelaam |

muhurapi cha vidhoote chaamaragraahineebhih

sitakarakarasubhre chaamare chaalayaami || ~7~7 ||

 

praamtasphuradvimalamauktikaguchchajaalam

chamchanmahaamanivichitritahemadandam |

udyatsahasrakaramamdalachaaru hema-

-chchatram mahesamahile vinivesayaami || ~7~8 ||

 

udyattaavakadehakaamtipataleesimdoorapooraprabhaa-

-soneebhootamudagralohitamanichchedaanukaarichchavi |

dooraadaadaranirmitaamjaliputairaalokyamaanam sura-

-vyoohaih kaamchanamaatapatramatulam vamdaamahe sumdaram || ~7~9 ||

 

samtushtaam paramaamrtena vilasatkaamesvaraamkasthitaam

pushpaughairabhipoojitaam bhagavateem tvaam vamdamaanaa mudaa |

sphoorjattaavakadeharasmikalanaapraaptasvaroopaabhidaah

sreechakraavaranasthitaah savinayam vamdaamahe devataah || ~8~0 ||

 

aadhaarasaktyaadikamaakalayya

madhye samastaadhikayogineem cha |

mitresanaathaadikamatra naatha-

-chatushtayam sailasute natoఽsmi || ~8~1 ||

 

tripuraasudhaarnavaasana-

-maarabhya tripuramaalinee yaavat |

aavaranaashtakasamsthita-

-maasanashatkam namaami paramesi || ~8~2 ||

 

eesaane ganapam smaraami vicharadvighnaandhakaarachchidam

vaayavye vatukam cha kajjalaruchim vyaalopaveetaanvitam |

nairrtye mahishaasurapramathineem durgaam cha sampoojaya-

-nnaagneyeఽkhilabhaktarakshanaparam kshetraadhinaatham bhaje || ~8~3 ||

 

udyaanajaalamdharakaamaroopa-

-peethaanimaanpoornagiriprasaktaan |

trikonadakshaagrimasavyabhaaga-

-madhyasthitaansiddhikaraannamaami || ~8~4 ||

 

lokesah prthiveepatirnigadito vishnurjalaanaam prabhu-

-stejonaatha umaapatischa marutaameesastathaa chesvarah |

aakaasaadhipatih sadaashiva iti pretaabhidhaamaagataa-

-netaamschakrabahihsthitaansuraganaanvamdaamahe saadaram || ~8~5 ||

 

taaraanaathakalaapravesanigamavyaajaadgataasupratham

trailokye tithishu pravartitakalaakaashthaadikaalakramam |

ratnaalamkrtichitravastralalitam kaamesvareepoorvakam

nityaashodasakam namaami lasitam chakraatmanoramtare || ~8~6 ||

 

hrdi bhaavitadaivatam prayatnaa-

-bhyupadesaanugrheetabhaktasamgham |

svagurukramasamj~nachakraraaja-

-sthitamoghatrayamaanatoఽsmi moordhnaa || ~8~7 ||

 

hrdayamatha sirah sikhaakhilaadye

kavachamatho nayanatrayam cha devi |

munijanaparichintitam tathaastram

sphuratu sadaa hrdaye shadamgametat || ~8~8 ||

 

trailokyamohanamiti prathite tu chakre

chamchadvibhooshanaganatripuraadhivaase |

rekhaatraye sthitavateeranimaadisiddhee-

-rmudraa namaami satatam prakataabhidhaastaah || ~8~9 ||

 

sarvaasaaparipoorake vasudaladvamdvena vibhraajite

visphoorjamtripuresvareenivasatau chakre sthitaa nityasah |

kaamaakarshanikaadayo maniganabhraajishnudivyaambaraa

yoginyah pradisamtu kaamkshitaphalam vikhyaataguptaabhidhaah || ~9~0 ||

 

mahesi vasubhirdalairlasati sarvasamkshobhane

vibhooshanaganasphuramtripurasumdareesadmani |

anamgakusumaadayo vividhabhooshanodbhaasitaa

disamtu mama kaamkshitam tanutaraascha guptaabhidhaah || ~9~1 ||

 

lasadyugadrsaarake sphurati sarvasaubhaagyade

subhaabharanabhooshitatripuravaasineemamdire |

sthitaa dadhatu mangalam subhagasarvasamkshobhinee-

-mukhaah sakalasiddhayo viditasampradaayaabhidhaah || ~9~2 ||

 

bahirdasaare sarvaarthasaadhake tripuraasrayaah |

kulakaulaabhidhaah paamtu sarvasiddhipradaayikaah || ~9~3 ||

 

amtahsobhidasaarakeఽtilalite sarvaadirakshaakare

maalinyaa tripuraadyayaa virachitaavaase sthitam nityasah |

naanaaratnavibhooshanam maniganabhraajishnu divyaambaram

sarvaj~naadikasaktibrmdamanisam vamde nigarbhaabhidham || ~9~4 ||

 

sarvarogahareఽshtaare tripuraasiddhayaanvite |

rahasyayogineernityam vasinyaadyaa namaamyaham || ~9~5 ||

 

chootaasokavikaasiketakarajahprodbhaasineelaambuja-

-prasphoorjannavamallikaasamuditaih pushpaih saraannirmitaan |

ramyam pushpasaraasanam sulalitam paasam tathaa chaamkusam

vamde taavakamaayudham parasive chakraamtaraale sthitam || ~9~6 ||

 

trikona uditaprabhe jagati sarvasiddhiprade

yute tripurayaambayaa sthitavatee cha kaamesvaree |

tanotu mama mangalam sakalasarma vajresvaree

karotu bhagamaalinee sphuratu maamake chetasi || ~9~7 ||

 

sarvaanamdamaye samastajagataamaakaamkshite baimdave

bhairavyaa tripuraadyayaa virachitaavaase sthitaa sumdaree |

aanamdollasitekshanaa maniganabhraajishnubhooshaambaraa

visphoorjadvadanaa paraapararahah saa paatu maam yoginee || ~9~8 ||

 

ullasatkanakakaamtibhaasuram

saurabhasphuranavaasitaambaram |

dooratah parihrtam madhuvratai-

-rarpayaami tava devi champakam || ~9~9 ||

 

vairamuddhatamapaasya sambhunaa

mastake vinihitam kalaachchalaat |

gamdhalubdhamadhupaasritam sadaa

ketakeekusumamarpayaami te || ~1~0~0 ||

 

choorneekrtam draagiva padmajena

tvadaananaspardhisudhaamsubimbam |

samarpayaami sphutamamjalistham

vikaasijaateekusumotkaram te || ~1~0~1 ||

 

agarubahaladhoopaajasrasaurabhyaramyaam

marakatamaniraajeeraajihaarisragaabhaam |

disi vidisi visarpadgamdhalubdhaalimaalaam

vakulakusumamaalaam kamthapeetheఽrpayaami || ~1~0~2 ||

 

eemkaarordhvagabimduraananamadhobimdudvayam cha stanau

trailokye gurugamyametadakhilam haardam cha rekhaatmakam |

ittham kaamakalaatmikaam bhagavateemamtah samaaraadhaya-

-nnaanamdaambudhimajjane pralabhataamaanamdathum sajjanah || ~1~0~3 ||

 

dhoopam teఽgarusambhavam bhagavati prollaasigamdhoddhuram

deepam chaiva nivedayaami mahasaa haardaandhakaarachchidam |

rajasvarnavinirmiteshu paritah paatreshu samsthaapitam

naivedyam vinivedayaami paramaanamdaatmike sumdari || ~1~0~4 ||

 

jaateekorakatulyamodanamidam sauvarnapaatre sthitam

suddhaannam suchi mudgamaashachanakodbhootaatathaa soopakaah |

praajyam maahishamaajyamuttamamidam haiyamgaveenam prtha-

-kpaatreshu pratipaaditam parasive tatsarvamamgeekuru || ~1~0~5 ||

 

simbeesooranasaakabimbabrhateekoosmaamdakosaatakee-

-vrmtaakaani patolakaani mrdunaa samsaadhitaanyagninaa |

sampannaani cha vesavaaravisarairdivyaani bhaktyaa krtaa-

-nyagre te vinivedayaami girije sauvarnapaatravraje || ~1~0~6 ||

 

nimbookaardrakachootakamdakadaleekausaatakeekarkatee-

-dhaatreebilvakareerakairvirachitaanyaanamdachidvigrahe |

raajeebhih katutailasaimdhavaharidraabhih sthitaanpaataye

sandhaanaani nivedayaami girije bhooriprakaaraani te || ~1~0~7 ||

 

sitayaamchitaladdukavrajaa-

-nmrdupoopaanmrdulaascha poorikaah |

paramaannamidam cha paarvati

pranayena pratipaadayaami te || ~1~0~8 ||

 

dugdhametadanale susaadhitam

chandramamdalanibham tathaa dadhi |

phaanitam sikharineem sitaasitaam

sarvamamba vinivedayaami te || ~1~0~9 ||

 

agre te vinivedya sarvamamitam naivedyamamgeekrtam

j~naatvaa tattvachatushtayam prathamato manye sutrptaam tatah |

devim tvaam parisishtamamba kanakaamatreshu samsthaapitam

saktibhyah samupaahaaraami sakalam devesi sambhupriye || ~1~1~0 ||

 

vaamena svarnapaatreemanupamaparamaannena poornaam dadhaanaa-

-manyena svarnadarveem nijajanahrdayaabheeshtadaam dhaarayamteem |

simdooraaraktavastraam vividhamanilasadbhooshanaam mechakaamgeem

tishthamteemagrataste madhumadamuditaamannapoornaam namaami || ~1~1~1 ||

 

pamktyopavishtaanparitastu chakram

saktyaa svayaalimgitavaamabhaagaan |

sarvopachaaraih paripoojya bhaktyaa

tavaambike paarishadaannamaami || ~1~1~2 ||

 

paramaamrtamattasumdaree-

-ganamadhyasthitamarkabhaasuram |

paramaamrtaghoornitekshanam

kimapi jyotirupaasmahe param || ~1~1~3 ||

 

drsyate tava mukhaambujam sive

srooyate sphutamanaahatadhvanih |

archane tava giraamagochare

na prayaati vishayaamtaram manah || ~1~1~4 ||

 

tvanmukhaambujavilokanollasa-

-tpremanischalavilochanadvayeem |

unmaneemupagataam sabhaamimaam

bhaavayaami paramesi taavakeem || ~1~1~5 ||

 

chakshuh pasyatu neha kimchana param ghraanam na vaa jighratu

srotram hamta srnotu na tvagapi na sparsam samaalambataam |

jihvaa vettu na vaa rasam mama param yushmatsvaroopaamrte

nityaanamdavighoornamaananayane nityam mano majjatu || ~1~1~6 ||

 

yastvaam pasyati paarvati pratidinam dhyaanena tejomayeem

manye sumdari tattvametadakhilam vedeshu nishthaam gatam |

yastasminsamaye tavaarchanavidhaavaanamdasaamdraasayo

yaatoఽham tadabhinnataam parasive soఽyam prasaadastava || ~1~1~7 ||

 

ganaadhinaatham vatukam cha yogineeh

kshetraadhinaatham cha vidikchatushtaye |

sarvopachaaraih paripoojya bhaktito

nivedayaamo balimuktayuktibhih || ~1~1~8 ||

 

veenaamupaamte khalu vaadayamtyai

nivedya sesham khalu seshikaayai |

sauvarnabhrmgaaravinirgatena

jalena suddhaachamanam vidhehi || ~1~1~9 ||

 

taamboolam vinivedayaami vilasatkarpoorakastoorikaa-

-jaateepoogalavamgachoornakhadirairbhaktyaa samullaasitam |

sphoorjadratnasamudgakapranihitam sauvarnapaatre sthitai-

-rdeepairujjvalamannachoornarachitairaaraartikam grhyataam || ~1~2~0 ||

 

kaachidgaayati kimnaree kalaid vaadyam dadhaanorvasee

rambhaa nrtyati kelimamjulaid maatah purastaattava |

krtyam projjhya surastriyo madhumadavyaaghoornamaanekshanam

nityaanamdasudhaambudhim tava mukham pasyamti drsyamti cha || ~1~2~1 ||

 

taamboolodbhaashivaktraistvadamalavadanaalokanollaasinetrai-

-schakrasthaih saktisamghaih parihrtavishayaasamgamaakarnyamaanam |

geetaj~naabhih prakaamam madhurasamadhuram vaaditam kimnareebhi-

-rveenaajhamkaaranaadam kalaya parashivaanamdasandhaanahetoh || ~1~2~2 ||

 

archaavidhau j~naanalavoఽpi doore

doore tadaapaadakavastujaatam |

pradakshineekrtya tatoఽrchanam te

panchopachaaraatmakamarpayaami || ~1~2~3 ||

 

yathepsitamanogataprakatitopachaaraarchitaam

nijaavaranadevataaganavrtaam suresasthitaam |

krtaamjaliputo muhuh kalitabhoomirashtaamgakai-

-rnamaami bhagavatyaham tripurasumdari traahi maam || ~1~2~4 ||

 

vij~napteeravadhehi me sumahataa yatnena te samnidhim

praaptam maamiha kaamdiseekamadhunaa maatarna dooreekuru |

chittam tvatpadabhaavane vyabhichareddrgvaakcha me jaatu che-

-ttatsaumye svagunairbadhaana na yathaa bhooyo vinirgachchati || ~1~2~5 ||

 

kvaaham mamdamatih kva chedamakhilairekaamtabhaktaih stutam

dhyaatam devi tathaapi te svamanasaa sreepaadukaapoojanam |

kaadaachitkamadeeyachintanavidhau samtushtayaa sarmadam

stotram devatayaa tayaa prakatitam manye madeeyaanane || ~1~2~6 ||

 

nityaarchanamidam chitte bhaavyamaanam sadaa mayaa |

nibaddham vividhaih padyairanugrhnaatu sumdaree || ~1~2~7 ||

 

iti sreematparamahamsaparivraajakaachaaryasya sreegovimdabhagavatpoojyapaadasishyasya sreemachchamkarabhagavatah krtau tripurasumdaree maanasapoojaa stotram |