kadambavanachaarineem munikadambakaadambineem

nitambajitabhoodharaam suranitambineesevitaam |

navaamburuhalochanaamabhinavaambudasyaamalaam

trilochanakutumbineem tripurasumdareemaasraye || ~1 ||

 

kadambavanavaasineem kanakavallakeedhaarineem

mahaarhamanihaarineem mukhasamullasadvaaruneem |

dayaavibhavakaarineem visadarochanaachaarineem

trilochanakutumbineem tripurasumdareemaasraye || ~2 ||

 

kadambavanasaalayaa kuchabharollasanmaalayaa

kuchopamitasailayaa gurukrpaalasadvelayaa |

madaarunakapolayaa madhurageetavaachaalayaa

kayaapi ghananeelayaa kavachitaa vayam leelayaa || ~3 ||

 

kadambavanamadhyagaam kanakamamdalopasthitaam

shadamburuhavaasineem satatasiddhasaudaamineem |

vidambitajapaaruchim vikachachandrachoodaamanim

trilochanakutumbineem tripurasumdareemaasraye || ~4 ||

 

kuchaamchitavipanchikaam kutilakumtalaalamkrtaam

kusesayanivaasineem kutilachittavidveshineem |

madaarunavilochanaam manasijaarisammohineem

matamgamunikanyakaam madhurabhaashineemaasraye || ~5 ||

 

smaretprathamapushpineem rudhirabimduneelaambaraam

grheetamadhupaatrikaam madavighoornanetraamchalaam |

ghanastanabharonnataam galitachoolikaam syaamalaam

trilochanakutumbineem tripurasumdareemaasraye || ~6 ||

 

sakumkumavilepanaamalakachumbikastoorikaam

samamdahasitekshanaam sasarachaapapaasaamkusaam |

aseshajanamohineemarunamaalyabhooshaambaraam

japaakusumabhaasuraam japavidhau smaraamyambikaam || ~7 ||

 

puramdarapuramdhrikaachikurabamdhasairamdhrikaam

pitaamahapativrataapatupateeracharchaarataam |

mukumdaramaneemaneelasadalamkriyaakaarineem

bhajaami bhuvanaambikaam suravadhootikaachetikaam || ~8 ||

 

iti sreematparamahamsaparivraajakaachaaryasya sreegovimdabhagavatpoojyapaadasishyasya sreemachchamkarabhagavatah krtau tripurasumdaryashtakam |